Juan 12:49 - Dios Rimashca Shimicunami

⁴⁹ Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Mushuj Testamento Diospaj Shimi

⁴⁹ Ñucaca, mana Ñuca quiquin yuyaillamanta rimarcanichu. Ñuca Yaya mandashpa cachashcatami huillashcani, rurashcani.

Juan 12:49 Iomraidhean Croise

Juan 14:10

Ñucaca Yayahuan, Yayaca ñucahuan shujlla cashcataca ¿manachu cringui? Cancunaman ñuca imalla nishca shimicunataca, mana ñuca yuyaillamantachu nircani. Ashtahuanpish ñucapi causaj Yayami, tucui imalla pai munashcacunata rurachicun.

Juan 14:24

Maijanpish ñuca huillashca Shimicunata mana cazujca, ñucataca mana c'uyanchu. Cancuna uyashca Shimicunaca mana ñuca yuyaillamantachu, ñucata cachaj Yaya huillachijpimi huillacuni.

Juan 14:31

Chashna cajpipish cai pachapi cajcunaca ñuca Yayata ñuca c'uyashcatapish, pai mandashca shina ruracushcatapish yachachunmi chashna tucugrini. ¡Jatarichij, caimanta jacuchij!

Juan 15:15

Cancunataca ña mana ñucapajta rurajcunami canguichij nishachu. Amopajta rurajca, paipaj amo imallata ruracujtaca mana yachanchu. Cancunamanca ñuca Yaya imallata ruracujtaca tucuitami yachachircani. Chaimanta cancunaca ñucahuan alli apanacujcunami canguichij.

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 3:11

Ñucanchijca imata yachashcataca chaitatajmi huillanchij. Imata ricushcatapish chaitatajmi parlanchij. Chashna cajpipish ñucanchij huillashcataca, mana chasquinguichijchu. Chashnatajmi canguichij.

Juan 3:32

Paica imata ricushcata, uyashcatami huillan. Ashtahuanpish pai ricushcata huillajpipish, pi mana chasquinchu.

Juan 5:19

Shina nishcamanta cutichishpami Jesusca paicunataca: –Churi cashpapish pai quiquin yuyaillamantaca imata mana rurai tucunchu. Ashtahuanpish Yaya imallata rurajta ricushpami, Yaya rurashca shinallataj Churipish ruran. Chaica chashnatajmi.

Juan 5:30

Ñucaca ñuca yuyaillamantaca imata mana rurai tucunichu. Alli cashcata, mana alli cashcata ima shina ricuchinataca ñuca Yaya ricuchichun mandashca shinami ricuchini. Chaimanta alli cashcata mana alli cashcata ñuca ricuchishcaca mana pandachu. Ñuca munaita ruranataca mana mashcanichu. Ashtahuanpish ñucata cachaj Yayapaj munaitami rurani.

Juan 6:68

Simón Pedroca: –Mandaj Jesús ¿pipajmantaj rishunri? Canmari huiñai causaita cuj shimicunataca charingui.

Juan 7:16

Chashna ninacucujpimi, Jesusca: –Ñucaca mana ñuca yuyaimantachu yachachini. Ashtahuanpish ñucata cachaj Yaya yachachi nishcallatami yachachini.

Juan 8:26

Cancunataca achcata ninatami charini. Cancuna ima shina cashcataca chaitataj ricuchishpami rimana cani. Ñucata cachaj Yayaca ima shina cashcatataj rimajmi. Ñucaca pai ima shina rimangui nishca shinallatajmi cancunataca rimani– nircami.

Juan 8:28

Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

DEUTERONOMIO 18:18

Paicunapaj huauquicunapuramanta ñuca ima nishcata huillajtami jatarichisha. Paica can shinallatajmi canga. Ñuca shimicunataca paipaj shimipimi churasha. Tucui ñuca imata mandashcatami paica huillanga.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.