Juan 12:48 - Dios Rimashca Shimicunami

⁴⁸ Pipish ñucata p'iñashpa mana ricunachishpa, ñuca rimashcacunata mana chasquijca, pai ima shina cashcata ricuchijtami charin. Cai ñuca huillashca Shimimi, tucuri punllapica pai ima shina cashcataca ricuchinga.

Mushuj Testamento Diospaj Shimi

⁴⁸ Pipish Ñucata pʼiñashpa, Ñuca rimashcacunata mana chasquijca pi juchachijta charinmi. Tucuri punllapica Ñuca huillashca cai shimicunallatajmi juchachinga.

Juan 12:48 Iomraidhean Croise

ISAÍAS 53:3

Runacunapurapica yanganchishca, mana nishpa shitashcami carca. Paica llaquita ima shina apanata yachajmi carca. Tucuicunami mana ricunachircanchij. Tucuicunami mana munarcanchij. Tucuicunami mana c'uyarcanchij.

Mateo 10:15

Mana chasquisha nij pueblocunapajca, imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga.

Mateo 21:42

Chaimi Jesusca: –“Huasita shayachijcuna yanganchishpa shitashca rumillatajmi, callaripi churana rumi tucushca. Chaitaca Jatun Diosllatajmi chashna rurashca. Chaita ricushpaca mancharishpami cushicunchij” nishpa quillcachishcataca ¿manatajchu rezarcanguichij?

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

Marcos 12:10

¿Quillcachishcatapish manachu rezarcanguichij?: “Huasichijcuna yanganchishpa shitashca rumillatajmi, callaripi churana rumi tucushca.

Marcos 16:16

Alli huillaita maijanpish crishpa bautizarijtaca quishpichishcami canga. Ashtahuanpish mana crijtaca, jatun llaquiman cachashcami canga.

Marcos 8:31

Chaipimi Jesusca, Runa Aichayujca achca llaquita apanatajmi can nishpa yachachi callarirca. Cunaj yuyajcunapish, curacunata mandajcunapish, mandashcacunata quillcajcunapish paitaca yangallami nishpami huañuchingacuna. Huañuchijpipish quimsa punllapica causaringallami nircami.

Lucas 10:16

Cancunata uyajca ñucatami uyan, cancunata p'iñajca ñucatami p'iñan. Ñucata p'iñajca, ñucata cachajtapishmi p'iñan” nircami.

Lucas 17:25

Chaipajca paica achca llaquicunata puntaca apangarajmi. Cai punllapi causajcuna p'iñashcarajmi canga.

Lucas 20:17

Ashtahuanpish Jesusca, paicunata ricushpaca: –Quillcachishcapica: “Huasita shayachijcuna yanganchishpa shitashca rumillatajmi, callaripi churana rumi tucushca” ninmi. Chashna nishcataca ¿imatataj yuyanguichij?

Lucas 7:30

Fariseocunapish, Mandashcacuna ima nisha nishcata yachachijcunapish Juan bautizacujpi mana bautizarijcunaca, Dios ima shina paicunapaj allita ruracushcataca p'iñashpami mana chasquishun nircacuna.

Lucas 9:22

cashnami nirca: –Runa Aichayujca achca llaquicunata apanatajmi. Cunaj yuyajcuna, curacunata pushajcuna, mandashcacunata quillcajcunapish p'iñashpami huañuchingacuna. Ashtahuanpish quimsa punllapica causachishcami canga– nircami.

Lucas 9:26

Ñucamanta, ñuca yachachishcacunamantapish maijan pingarijtaca, Runa Aichayuj ñucaca jucha illaj angelcunandij, ñuca Yayapaj achij nicuj sumaj cashcahuan shamushpaca, paimantapish pingarishami.

Juan 11:24

Chashna nijpi Martaca: –Huañushcacuna causarina punllapi paipish causarina cashcataca yachanimi– nijpimi,

Juan 5:45

Ñuca Yayapaj ñaupajpi cancunata ñuca juchachishpa huillana cashcataca ama yuyaichijchu. Shujtajmari juchachij tiyan. Cancuna shunguta churashca Moisesmari juchachicun.

Juan 6:39

Ñucata cachaj Yayaca, pai agllashpa cushcacunataca shujllatapish chingachichunca mana munanchu. Ashtahuanpish shamuj punllapi causachichunmi munan.

Juan 8:47

Maijanpish Taita Diospajtaj cajca, paipaj Shimitaca uyanllami. Ashtahuanpish cancunaca mana Taita Diospaj cashpami paipaj Shimitaca mana uyashun ninguichij– nircami.

Hechos 17:31

Taita Diosca tucui cai pachapi causajcunata paicuna ima shina cashcatataj ricuchingapajca ñami shuj punllata agllashcata charin. Tucui chaicunata rurashpa ricuchij cachunca pai agllashca runatami huañushcacunapaj chaupimanta causachishpa ricuchirca” nircami.

Hechos 3:23

Chai profeta yachachishcata maijanpish mana uyajpica, Taita Diospajlla cajcunapuramanta llujshichishcami canga” ninmi.

Romanos 2:16

Chaicunataca imalla rurashcata Taita Dios ricuchishpa llaquichina punllapica, alli huillaipi huillashca shinallatajmi, pacalla rurashcacunataca tucuicunapajta Jesucristota ricuchichinga.

2 Corintios 4:3

Ashtahuanpish ñucanchij alli huillaica tapashca shinaraj cashpaca, chingarinaman rijcunapajllami chashna tapashca shinaca.

2 Tesalonicenses 1:8

Paica lunyacuj ninapi shamushpami, Taita Diosta mana rijsijcunata, ñucanchijta Mandaj Jesucristomanta alli huillaita mana cazujcunatapish llaquichinga.

Hebreos 10:25

Ñucanchij tandanacuiman rina cashcallamanta puricujcuna, ña mana rij shinaca ama rurashunchijchu. Chaipaj randica, Jesucristo shamuna punlla ñalla chayamucushcata yachashcamantacarin, ashtahuan yuyachinacushunchij.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.

Hebreos 2:3

Shina cajpica, quishpichij cachun cushcaca tucuimanta yalli jatunmari. Chaita mana chasquishpa saquishpaca ¿ima shinataj ñucanchijca quishpirishun? Chaitaca, Mandaj Jesusrajmi huillarca. Chaita uyajcunami ñucanchijmanca chashnataj cashcata huillarcacuna.

Hebreos 4:12

Diospaj Shimica causajmi, tucuita rurai tucujmi. Ishqui filoyuj tucui espadacunatapish yalli cashcamanta: Almatapish, espiritutapish, mucucunatapish, tullu ñutcutapish, chaupirijta yaicujmi. Shungu imalla yuyashcata, munashcatapish ricuchijmi.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.

2 Pedro 3:3

Tucuimanta yallica, cashna tucunatami yachana canguichij. Q'uipa punllacunapica paicunapaj quiquin aicha munaicunata rurashpa, chanzata rurajcunami shamungacuna.

2 Pedro 3:7

Chashna cajpipish cunan tiyaj jahua pachapish, cai pachapish Dios rimajllapitajmi, ninahuan rupachinapaj ch'icanchishca tiyacun. Diosta mana rijsijcunata imalla rurashcata ricuchishpa chingachina punllapimi, chashna chingachinga.

1 SAMUEL 10:19

Ashtahuanpish cancunaca, jatun llaquicunahuan huacashpa causacushcamanta llujshichimuj cancunapaj quiquin Diosta yanganchishpamari shuj jatun mandajta churayari nircanguichij. Chaimanta cunanca tucui aillucuna, tucui familiacuna Mandaj Diospaj ñaupajpi shayarichij– nircami.

1 SAMUEL 8:7

Chaimi Mandaj Diosca Samueltaca: “Tucui paicuna ima nishcataca uyailla. Mana cantachu yanganchin. Ashtahuanpish ñuca paicunata ama mandachunmari ñucata yanganchin.