Juan 12:46 - Dios Rimashca Shimicunami

⁴⁶ Ñucaca achijyachij luz cashpami, achijyachingapaj cai pachamanca shamurcani. Pipish ñucata crijca, ña mana amsapi cangachu.

Mushuj Testamento Diospaj Shimi

⁴⁶ Ñucaca Luz cashpami, pipish Ñucata crijca ama amsapi causachun, achijyachingapaj cai pachaman shamurcani.

Juan 12:46 Iomraidhean Croise

SALMOS 36:9

Causaita cuj pugyu yacuca quiquinpimi. Quiquinpaj luzpimi luzta ricui tucunchij.

ISAÍAS 40:1

“¡Cushichichij, cushichichij ñuca agllashcacunata!” ninmi cancunapaj Taita Diosca.

ISAÍAS 42:15

Urcucunatapish, lomacunatapish shitashcatami saquigrini. Chaipi tiyaj q'uihuacunatapish tucuitami chaquichigrini. Jatun yacucunatapish chaquishca allpatami ruragrini. Yacu tandanapi tiyaj yacucunatapish chaquichishami.

ISAÍAS 42:7

Mana ricujcunapaj ñahuita pascachunmi churasha. Carcelmanta prezucunata llujshichichunmi churasha. Prezuna huasicunapi causacujcunata, amsapi causacujcunata llujshichichunmi churasha.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

Mateo 4:16

Amsapi churashca puebloca, jatun luztami ricurca. Huañunalla amsapi churashca llajtacunataca luzmi lamyachinga” nishcami carca.

Lucas 2:32

Paica mana israelcunata luz shina achijyachinapajmi. Quiquinpaj pueblo Israeltapish paimanta shujtajcuna alli ninapajmi” nircami.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Juan 3:19

Luzca cai pachamanmi shamurca. Cai pachapi causajcunaca paicunapaj rurashcacuna millai cashcamantami luztaca p'iñashpa amsata munarcacuna. Chashnami jatun llaquiman rina cashcata ricuchircacuna.

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Juan 9:39

Chaipimi Jesusca: –Ñucaca cai pachamanca cai pachapi causajcuna imalla rurashcata ricuchingapajmi shamurcani. Mana ricucujcunataca ricujta rurangapaj, ricucujcunataca mana ricujta rurangapajmi shamurcani– nircami.

Juan 9:5

Ñuca cai pachapi cashparajca, cai pachapi causajcunata achijyachij luzmi cani– nircami.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.