Juan 12:40 - Dios Rimashca Shimicunami

⁴⁰ Taita Diosllatajmi “Paicunapaj ñahuitaca, mana ricujta rurarca. Shungutapish sinchiyachirca. Ñahuihuanca ama ricuchun, shunguhuanca ama yuyarichun, ñuca jambichun, ñucapajman ama cutirichunmi chashna rurani nishca” pajtachunmi chashnaca tucurca.

Mushuj Testamento Diospaj Shimi

⁴⁰ «Paicunapaj ñahuicunataca, mana ricujtami rurarcani. Paicunapaj shungutapish sinchiyachircami. Ñahuihuan ricushpapish ama ricuchun, shunguhuanpish ama yuyaita japichun, Ñuca alliyachichun Ñucaman ama cutirichunmi, chashnaca rurarcani» nishcami.

Juan 12:40 Iomraidhean Croise

1 REYES 22:20

Mandaj Diosca paicunataca: Galaadpi caj Ramotman huichiyashpa Acab llaqui tucugrichunca ¿maijantaj chaipi macanacugrina yuyaita cushpa umanaman risha ninguichij? nijpi shujca shujta, caishujca shujtajtami ninacurca.

SALMOS 147:3

Paimi shungu p'aquirishcacunataca alliyachin. Paicunapaj chugricunatapish paimi jambishpa pilluchin.

SALMOS 41:4

Ñucaca: “Mandaj Dioslla, ñucata llaquihuayari. Ñuca almata alliyachihuai. Quiquinta p'iñachishpami juchallishcani” nircanimi.

SALMOS 6:2

Ñucaca ungushcamari cani, Mandaj Dioslla ñucata llaquihuayari. Mandaj Dioslla ñucata alliyachihuayari, ñuca tullucunaca dijdijnicunmari.

ÉXODO 10:1

Mandaj Diosca Moisestaca: –Faraonpajmanca cutinllataj rilla. Ñucallatajmi paitapish, paipajta rurajcunatapish rumi shunguta rurarcani. Ñucaca imatapish rurai tucuj cashcata paicunallamantaj ricuchingapajmi chashna rurarcani.

ÉXODO 11:10

Moiseshuan Aaronhuanca, tucui cai milagrocunata faraonpaj ñaupajpi rurajpipish Mandaj Diosllataj faraonpaj shunguta rumi shunguta rurashcamantami, israelcunataca chai llajtamanta llujshichunca manataj saquirca.

ÉXODO 14:17

Egipciocunapaj shungutaca ñucami rumi shunguta rurashpa cancunata ashtahuan catina yuyaita cugrini. Chaipica ñucaca faraonpi, paipaj tucui soldadocunapi, paipaj carrocunapi, paipaj caballopi tiyarij soldadocunapimi ñuca tucuita rurai tucuj jatun cashca ricurisha.

ÉXODO 14:4

Faraontaca, ñucami rumi shunguta rurashpa cancunata catishpa rina yuyaita cugrini. Ñucaca faraonpi paipaj soldadocunapimi jatun cashcata ricuchisha. Chaimi egipciocunaca ñucataca Mandaj Diostaj cashcata yachangacuna ninmi ningui” nircami. Israelcunaca chashnatajmi rurarcacuna.

ÉXODO 14:8

Tucuita rurai tucuj maquihuan llujshichishca cajpipish Mandaj Diosllataj faraonpaj shunguta rumi shunguta rurajpimi israelcunata catishpa rirca.

ÉXODO 4:21

Mandaj Diosca Moisestaca: –Egiptoman tigrashpaca, jatun mancharinacunata rurachun ñuca cambaj maquipi churashcataca faraonpaj ñaupajpi tucuita rurashpa ricuchingui. Ashtahuanpish paipaj shunguta ñuca sinchiyachijpimi, israelcuna richunca mana saquinga.

ÉXODO 7:13

Ashtahuanpish faraonpaj shunguca Mandaj Dios nishca shinallataj rumi tucushpami mana uyasha nirca.

ÉXODO 7:3

Ashtahuanpish faraonpaj shungutaca ñucami sinchiyachisha. Ñucallatajmi Egiptopica, milagrocunatapish, jatun mancharinacunatapish ashtahuan mirachisha.

ÉXODO 9:12

Mandaj Diosllataj faraonta rumi shunguta rurajpimi, Mandaj Dios Moisesman nishca shinallataj mana uyarca.

ISAÍAS 26:11

Mandaj Dioslla, quiquinpaj maquica alzashcamari. Millaita rurajcunaca chaitaca mana ricunchu. Chashna cushpapish chaita paicuna ricushpaca can agllashcacunata ricushpa paicuna shina tucusha nicujcunaca pingai tucungacunami. Quiquinta p'iñajcunataca ninami tucuchinga.

ISAÍAS 29:10

Mandaj Diosllatajmi cancunapaj jahuapica dorminaita cuj espirituta tallirca. Chaimi cancunapaj profetacunapaj ñahuicunatapish huichcarca. Chaimi Dios huillachishcata cancunaman huillajcunatapish linsohuan umata pilluchirca.

ISAÍAS 53:5

Ashtahuanpish paica ñucanchij c'ariyashcacunamantami chugrichishca carca. Ñucanchij juchacunamantami paica molirishca carca. Ñucanchij sumaj causaita charichunmi, llaquita apanaca paipaj jahuapi urmarca. Paipaj chugrihuanmi ñucanchijca jambishca carcanchij.

ISAÍAS 6:10

Paicunapaj shungutapish rumiyachi. Rinrintapish mana uyajta rurai. Ñahuitapish mana ricujta rurai. Ñahuihuanpish ama ricuchun, rinrinhuanpish ama uyachun, shunguhuanpish ama entendichun, ñuca ama alliyachichun ñucaman ama cutirichun chashna rurai” nircami.

ISAÍAS 6:9

Chaimi paica: “Ri, chai gentecunataca cashna nigri: Alli uyashpapish mana entendinguichijchu, alli ricushpapish ima cashcata mana yachanguichijchu nigri.

JEREMÍAS 3:22

Mana cazuj huahuacuna, ñucapajman tigrarichigari. Cancuna tigrarijpica ñucata mana cazushcamanta, llaqui tucushcataca alliyachishallami” ninmi. “Canca ñucanchijta Mandaj Diosmari cangui, chaimanta cunanca ñami cambajman tigramunchij.

JEREMÍAS 5:21

Shungu illaj ch'ahuanyashca runacuna, cancunaca ñahuita charishpapish, mana ricunguichijchu. Rinrinta charishpapish, mana uyanguichijchu. Cunanca caita uyaichigari:

EZEQUIEL 12:2

“Huañujlla aichayuj runalla, canca mana cazuj ch'ahuancunapaj chaupipimari causacungui. Paicunaca mana cazuj ch'ahuancuna cashcamantami, ñahuita charishpapish mana ricuncuna, rinrinta charishpapish mana uyancuna.

EZEQUIEL 14:9

Ima tucunata huillajca, umajpi llullangachari. Chashna rurajpica, Mandaj Dios ñucallatajmi imatapish umashpa huillachircani. Paitaca ñuca agllashca israelcuna ricucunpimi chingachisha.

OSEAS 14:4

“Israelcuna chashna mañajpica Taita Diosca cancuna c'ariyashcataca ñucami alliyachisha. Mana c'uyaipajtami c'uyasha. Ñuca p'iñarinaca, paicunamantaca anchunmi.

OSEAS 6:1

Shamuichij, Mandaj Diosman cutirishunchij. Paimi ñucanchijtaca mirga mirgata rurarca. Paillatajmi jambinga. Paillatajmi chugrichirca. Paillatajmi alliyachinga.

Mateo 15:14

Chaicunataca saquichijlla. Paicunaca mana ricujcuna. Mana ricujcunallatataj pushajcunami. Mana ricujllataj caishuj mana ricujta pushajca, ishquindijtajmi jutcupi urmangacuna– nircami.

Marcos 4:12

Paicunaca ricushpapish mana ricushca shinami tucun. Uyashpapish mana uyashca shinallatajmi tucun. Chaimantami Taita Diosmanpish mana cutirincuna, paicunapaj juchacunata perdonashca canatapish mana chasquincuna” nircami.

Marcos 6:52

Paicunapaj shungucuna rumiyashca cashcamantami, tandata mirachijta ricushpapish, manaraj entendishcacuna carca.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Lucas 8:10

Jesusca cashna nirca: –Taita Dios mandagrin pi mana yachashca pacalla cajtaca, paillatajmari cancunamanca yachachishca. Ashtahuanpish shujtajcunamanca yuyachij parlocunallahuanmi imatapish yachachicuni. Paicunaca ricushpapish mana ricushca shinami tucun. Uyashpapish mana uyashca shinallatajmi tucun.

Juan 12:39

Isaiasllataj cashna nishcamantapishmi mana cri tucurcacuna:

Juan 9:39

Chaipimi Jesusca: –Ñucaca cai pachamanca cai pachapi causajcuna imalla rurashcata ricuchingapajmi shamurcani. Mana ricucujcunataca ricujta rurangapaj, ricucujcunataca mana ricujta rurangapajmi shamurcani– nircami.

Hechos 15:3

Tandanacushca crijcuna paicunata cachajpimi, Feniciata, Samariata pasacushpaca, mana judiocunapish ñaupa causaita saquishpa Jesusta crishcata parlashpa rircacuna. Chaita uyashpaca Jesusta caticujcunaca achcatami cushicurcacuna.

Hechos 28:26

“Cai runacunapajman rishpa cashna nigri: Uyaitapish uyanguichijmi, manataj entendinguichijchu. Ricuitapish ricunguichijmi, manataj ricunguichijchu.

Hechos 3:19

Chaimanta cancunapaj juchacunata p'ichachunca, mana allita ruracushcata saquishpa paipajlla tucuichij. Chaimi Jatun Diosca cushicushpa causana punllacunata cunga.

Romanos 9:18

Chashna cashpami Diosca, maijanta llaquisha nishcataca llaquin, maijanpaj shunguta sinchiyachisha nishpaca sinchiyachin.

DEUTERONOMIO 29:4

Chaipi pai imapaj chai tucuita rurashcacunata cancuna entendichun cunancama Mandaj Diosca cancunapaj yuyaitaca manaraj pascashcachu. Chaimantami uyashpapish mana entendinguichij, ricushpapish mana ricushca shina tucunguichij.

JOSUÉ 11:20

Mandaj Dios Moisesta mandashca shinallataj chai llajtapi causajcunataca mana llaquishpa sapimanta aisashpa shitaj shina israelcuna tucuita chingachichunmi, Mandaj Diosllataj chai llajtapi causajcunataca rumi shunguta rurajpi, israelcunahuan macanacunata c'ariyarcacuna.