Juan 12:38 - Dios Rimashca Shimicunami

³⁸ Profeta Isaiasca: “Jatun Dioslla, ñucanchij huillashcataca ¿pitaj crishcari? Jatun Dios imatapish rurai tucuj cashcataca ¿pitaj crishcari?” nircami. Chashna nishca pajtachunmi mana crircacuna.

Mushuj Testamento Diospaj Shimi

³⁸ Dios ima nishcata huillaj Isaías huillashca pajtachunmi, chashnaca tucurca. Paimari cashna huillashca: «Mandaj Dioslla, ñucanchij huillashcataca, ¿pitaj crishcari? Mandaj Dios tucuita rurai tucushcatapish, ¿pitaj chasquishcari?» nishcami.

Juan 12:38 Iomraidhean Croise

2 CRÓNICAS 32:20

Chashna c'amijpica, jatun mandaj Ezequiaspish, profeta Isaiaspish jahua pachapi causaj Diostami caparishpa mañarcacuna. Isaiasca Amozpaj churimi carca.

SALMOS 44:3

Cai allpataca mana paicunapaj espadahuan macanacushpachu japishcacuna. Paicunapaj rigrapish mana mishachircachu. Ashtahuanpish quiquinpaj alli lado rigrahuan, quiquinpaj sumaj achij nicujhuanmi mishachishcangui. Paicunapi cushicuj cashcamantami chashna rurashcangui.

ISAÍAS 51:5

Ñuca cashcata rurashpa mandanaca ñami quichquiyamucun. Ñuca quishpichinaca ñami caillapi. Pueblocunataca ñuca rigrami ima shina cashcata ricuchinga. Mama cucha c'uchupi caj llajtacunapi causajcunapish, ñucatami shuyacuncuna. Ñuca rigrapimi paicunapaj shunguta churancuna.

ISAÍAS 51:9

¡Rijchariyari, rijchariyari. Mandaj Diospaj rigra tucuita rurai tucuj canahuan churariyari! ¡Achca huatacuna ñaupaman shinallataj rijchariyari! Rahabta mirga mirgata rurajca quiquintajmari cangui. Dragonta chugrichijpish quiquintajmari cangui.

ISAÍAS 53:1

¿Ñucanchij huillashcataca pitaj crishcari? Mandaj Dios paipaj maquihuan imallata rurana cashcataca ¿pimantaj ricuchishcari?

Mateo 15:7

¡Mishqui shimi jayaj shungucuna! Profeta Isaiasca, allimi cancunamantaca cashna nishca:

Mateo 16:17

Shina nijpi Jesusca: –Jonaspaj churi Simón, chaitaca mana aichayuj, yahuaryuj runachu ricuchishca, ashtahuanpish jahua pachapi caj ñuca Yayami ricuchishca. Chaimanta cushichishcami cangui.

Mateo 27:35

Jesusta chacatashpaca paipaj churanacunataca sorteashpami, soldadocunaca chaupircacuna. Profeta huillashca shinallataj: “Ñuca churanataca sorteashpami, paicunapura chaupircacuna” nishca pajtachunmi chaica tucurca.

Juan 12:37

Jesusca judiocunapaj ñaupajpi, pi mana rurai tucuipajta achcata rurajpipish paitaca mana crircacunachu.

Juan 12:39

Isaiasllataj cashna nishcamantapishmi mana cri tucurcacuna:

Juan 15:25

Quillcachishpa paicunaman cushca mandashcapi: “Mana ima cajpipish ñucataca p'iñancunami” nishca pajtachunmi chashnaca rurancuna.

Juan 17:12

Paicunahuan cai pachapi cashpaca, quiquin ñucaman cushcacunataca quiquinpaj maquipimi huaquichircani. Paicunaca shujllapish mana chingarircachu. Quillcachishcapi nishca pajtachunmi, chai chingarina cashca runalla chingarirca.

Juan 19:24

Chaimantami caishuj chaishuj cashna nircacuna: –Caitaca ama lliquishpa chaupishunchijchu, maijanpaj urmachunpish chai churana jahuallapitaj sorteashunchij– nircacunami. Chashna rurajpica: “Ñuca churanacunataca, paicunapurami chaupircacuna. Ñuca churana jahuallapitajmi sortearcacuna” nishpa Quillcachishcami pajtarca. Soldadocunaca chashnatajmi rurarcacuna.

Romanos 10:16

Ashtahuanpish alli huillaitaca, mana tucuicuna cazurcacunachu. Chaimantami Isaiasca: “Jatun Dios, ¿pitaj ñucanchij huillashcataca crishcari?” nin.

Romanos 10:20

Isaiaspish mana manchashpami: “Ñucata mana mashcajcunarajmi japircacuna. Ñucata mana tapujcunamanrajmi ricurircani” ninmi.

1 Corintios 1:24

Shina cajpipish Dios cayashcacunapajca, judiocunapaj cashpa, griegocunapaj cashpapish, Cristoca Diospaj podermi, paipaj yachaipishmi.

Gálatas 1:16

Mana judiocunapurapi huillachunmi, paipaj Churita ñucaman ricuchirca. Chaimi pita mana tapurcani.