Juan 12:34 - Dios Rimashca Shimicunami

³⁴ Chaimi chaipi caj gentecunaca: –Ñucanchijca Mandashcapica: “Quishpichij Cristoca huiñaitami causanga” nishcatami uyarcanchij. ¿Ima nishpataj canca: “Runa Aichayujtaca jahuaman huarcushcatajmi canga” ningui? ¿Chai Runa Aichayujca pitagari?– nircacunami.

Mushuj Testamento Diospaj Shimi

³⁴ Chashna nijpica gentecunaca, cashnami nircacuna: —Ñucanchijca: “Quishpichij Cristoca huiñaitami causacunlla” nishcatami, Mandashcapica uyarcanchij. ¿Ima nishpataj Canca: “Runa Aichayujca jahuaman huarcushcatajmi canga” ninguiari? ¿Chai Runa Aichayujca, pitagari?— nircacunami.

Juan 12:34 Iomraidhean Croise

2 SAMUEL 7:13

Paimi ñuca huasitaca shayachinga. Pai mandashpa tiyanataca ñucami huiñaipaj churasha.

SALMOS 110:4

Mandaj Diosca paipaj shimihuantajmi: “Melquisedec cura cashca shinallataj, quiquinca huiñaipaj curami cangui” nirca. Chaitaca mana p'aquingachu.

SALMOS 72:7

Paipaj punllacunapica cashcata ruranacunallami sisanga. Sumaj causaillami yallitaj tiyanga. Luna mana tiyangacamami chashnaca canga.

ISAÍAS 53:8

Prezu apashpa yanga juchachishpami huañuchircacuna. Pai huiñaicunapish pi mana mitsarcachu. Cai pachapi causajcunapuramanta anchuchircami. Ñuca agllashcacuna mana cazushcamantami chugrichishpa huañuchirca.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 7:14

Paimanca mandai tucunata, jatun nishca canata, mandanatami curca. Tucui gentecuna, llajtacuna, ch'ican ch'ican rimaita rimajcuna paipajta rurachunmi chashna rurarca. Pai mandaj canaca huiñaita mandaj canami. Manataj tucuringachu. Pai mandanallatami pi mana chingachishca canga.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

MIQUEAS 4:7

Chashnami patojoca, ñucapajlla saquiringa. Chingarishcacunata tandachishpami, jatun llajtata rurasha. Chai punllamantapacha Mandaj Diosmi paicunataca, Sión urcupi huiñaita mandacungalla.

Mateo 16:13

Filipo callarichishca Cesarea puebloman Jesús chayacushpami, paipaj yachacujcunataca: –Runa Aichayujtaca gentecunaca ¿pi cashcatataj yuyancuna?– nishpa tapurca.

Mateo 21:10

Jerusalenman Jesús yaicujpica, tucui chai pueblopi cajcunami: –¿Pitaj caica?– nishpa,

Mateo 8:20

Jesusca: –Zorracunapish causanapaj jutcuta, pajarocunapish tazinta charincunami. Ashtahuanpish Runa Aichayujca, saunashpa dorminallatapish mana charinchu– nirca.

Juan 10:34

Shina nijpi Jesusca: –Cancunata Mandashcapica: “Ñucaca cancunataca dioscunami canguichij” nishpami Taita Diosca quillcachishca.

Juan 12:32

Ñucaca allpamanta jahuaman huarcushca cashpami, tucuicunata ñucapajman pushamusha– nircami.

Juan 15:25

Quillcachishpa paicunaman cushca mandashcapi: “Mana ima cajpipish ñucataca p'iñancunami” nishca pajtachunmi chashnaca rurancuna.

Juan 8:28

Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

Romanos 5:18

Mandashcata shuj runa p'aquishcamantami, tucuicunata jatun llaquiman cachanaca callarirca. Chashnallatajmi shuj cashcata ruraj runamantaca, justificashpa tucuicunaman causaita cunapish callarirca.

Hebreos 7:24

Ashtahuanpish Jesusca huiñaita causaj cajpimi, pai cura canataca pi shujtajca mana japinga.