Juan 12:3 - Dios Rimashca Shimicunami

³ Jesús chaipi cajpimi Mariaca achca valij, imahuan mana chagrushca, mishquijllata ashnacuj shuj libra nardota apamurca. Chaitaca Jesuspaj chaquipi tallishpami, paipaj ajchahuan chaquichirca. Huasi ucupish mishquijllata ashnacujmi tucurca.

Mushuj Testamento Diospaj Shimi

³ Chaipimi Mariaca achca valij, imahuan mana chagrushca, nardo shuti mishquijllata ashnacujtaca shuj librata apamurca. Chaitami Jesuspaj chaquicunapi llihuishpa, ajchahuan chaquichirca. Chaimantami tucui huasi ucupish mishquijlla ashnacuj tucurca.

Juan 12:3 Iomraidhean Croise

SALMOS 132:2

Mandaj Dioslla David cambajta rurashatajmi nishcata yuyariyari. Paica Jacobpaj tucuita rurai tucuj Mandaj Diospaj rurashatajmi nishpaca cashnami nirca:

PROVERBIOS 27:16

Chashna huarmita jarcanaca, huairata jarcasha nishca shina, mana cashpaca aceiteta alli maquihuan lutsasha nishca shinami.

CANTARES 1:12

Sumaj tiyanapi jatun mandaj samaricujpica, ñuca nardoca mishquijllatami ashnacurca.

CANTARES 1:3

Mishquijllata ashnacujcunahuan churashca jahuapish, cambaj shutica mishquijllata ashnacuj jicharishca shinamari. Chaimantami solteracunaca canta c'uyan.

CANTARES 4:10

¡Ñuca panilla, ñuca c'uyashca huarmilla! ¡Cambaj c'uyaica tucuimanta yallimari! ¡Cambaj c'uyaica vinotapish yalli mishquimari! Can churarishca mishquijllata ashnaj jambicunaca tucuimanta yalli mishquijllata ashnajmari.

Lucas 10:42

Ashtahuanpish shujllata ruranamari alli. Mariaca ashtahuan allitami agllashca, chaitaca pi mana quichungachu– nirca.

Lucas 7:46

Canca ñuca umapipish aceitetahuan mana churarcanguichu. Ashtahuanpish cai huarmica mishquijllata ashnacujtami, ñuca chaquipi churan.

Juan 11:2

(Chai ungushca Lazaropaj pani Mariami Mandaj Jesustaca mishquijllata ashnacujhuan chaquipi tallishpa paipaj ajchahuan chaquichirca).

Juan 11:28

Chashna nishca q'uipami Martaca paipaj ñaña Mariapajman rishpaca: –Yachachijca caipimi, cantami cayacun– nishpa allijlla huillarca.

Juan 11:32

Mariaca Jesuspajman chayashpaca paipaj ñaupajpi cungurishpami: –Mandaj Jesús, can caipi cashca cajpica, ñuca turica mana huañunmanchu carca– nirca.

Juan 19:39

Sarunman Jesuspajman tuta shamuj Nicodemopishmi shamurca. Paica mishquijllata ashnacujta, mirrahuan, aloehuan chagrushcatami, patsaj libra shinata apamurca.