Juan 12:28 - Dios Rimashca Shimicunami

²⁸ Ashtahuanpish cashna nisha: Yayitu, can tucuita rurai tucuj cashcata ricuchi– nijpica jahua pachamanta shuj rimashcami: “Ñami tucuita rurai tucuj cashcataca ricuchircani, ñuca tucuita rurai tucuj cashcataca cutinpish ricuchisharajmi” nishcami uyarirca.

Mushuj Testamento Diospaj Shimi

²⁸ ¡Yayitolla, Cambaj shutita sumajyachilla!— nircami. Chashna nijpica jahua pachamantaca: «Ña sumajyachircanimi, cutinpish sumajyachigrinirajmi» nishpa rimashcami uyarirca.

Juan 12:28 Iomraidhean Croise

Mateo 11:25

Chaipimi Jesusca cashna nirca: “Jahua pachata, cai pachata Mandaj ñuca Yaya, ñucaca cantami alabani. Alli yuyaiyuj, yachaisapacunamanca caicunataca pacarcanguimari. Ashtahuanpish uchilla huahuacunamanmari ricuchircangui.

Mateo 11:26

Ñuca Yayitu, canllatajmari chashna tucuchun munashcangui.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Mateo 26:42

Cutin rishpaca: “Ñuca Yayitu, ima shinamanta jayaj ubyana shina cai llaquita ñuca apanallataj cajpica, cambaj munaita rurapai” nishpami, caihuanca ishqui cutin Diosta mañarca.

Mateo 3:17

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Marcos 1:11

Jahua pachamantaca: “Canmi ñuca c'uyashca Churi cangui. Canpimi cushicuni” nishpa rimashcami uyarirca.

Marcos 14:36

“¡Yayitu! Cambajca tucui imapish jahuallami. Ima shinamanta jayajta ubyanata ñucamanta anchuchina cajpica anchuchipai. Ñuca chashna nijpipish ama ñuca munashca shinaca rurapaichu, ashtahuanpish can munashca shina rurapai” nircami.

Marcos 9:7

Pedro chashna nicujpirajmi, paicunapaj jahuamanca p'uyu shamushpa taparca. Chai p'uyumantaca: “Caimi ñuca c'uyashca Churi, paita uyaichij” nishpa rimashca uyarijpi,

Lucas 3:22

Jahua pachamantaca jucha illaj Espiritumi paloma shina cuerpoyuj paipaj jahuaman shamurca. Shinallataj jahua pachamantaca: “Canca ñuca c'uyashca Churimi cangui, canpimi cushicuita charini” nishpa rimashcapishmi uyarirca.

Lucas 9:35

Chai p'uyumantaca: “Caica ñuca c'uyashca Churimi, paita uyaichij” nishpa rimashcami uyarirca.

Juan 11:4

Chaita Jesús uyashpaca: –Chai ungüica mana huañunapajchu. Ashtahuanpish Taita Dios tucuita rurai tucuj cashcata ricuchinapajmi. Taita Diospaj Churipish chai ungüimantami jatunyachishca canga– nircami.

Juan 18:11

Chashna rurajpimi Jesusca, Pedrotaca: –Cambaj espadata huaquichinapi churai. Ñuca Yaya cushca copataca ¿manachari ubyachun ningui?– nirca.

Juan 9:3

Shina nijpi Jesusca: –Paipish, paipaj yaya mamapish mana juchallircachu. Ashtahuanpish Taita Diosca pai rurai tucushca cai runapi ricurichunmi chashnaca huacharirca.

Efesios 2:7

Paipaj mana c'uyaipajta c'uyaj canahuan yallitaj charij cashcata shamuj punllacuna, Cristo Jesusmanta ñucanchijman ricuchingapajmi chaipi tiyachirca.

Efesios 3:10

Shinallataj Diospaj tucui laya yachaitaca jahua pacha llajtacunapi poderyujcunaman, mandanata charijcunamanpish tandanacushca crijcunapi ricuchingapajmi curca.

Efesios 3:21

Chaimanta Cristo Jesuspi tandanacushca crijcunapica, tucui huahua huahuacuna paitaca, huiñai huiñaita jatunyachishca cachun. Chashna cachun.

2 Pedro 1:17

Alli nishca canata, jatunyachishca canata, Dios Yayamanta pai chasquicuipica jahua pacha sumaj achij nicujmantaca cashna nishcami uyarirca: “Caica ñuca c'uyashca Churimi, paipimi cushicuita charini” nircami.