Juan 12:27 - Dios Rimashca Shimicunami

²⁷ Cunanca, ñuca almaca llaquihuan huañucunmari. ¿Imatataj nishari? ¿Yayitu, cai jatun llaquita apachunca ama saquichu nishachu imamí? Maitataj chashnaca nishari llaquita apangapajtajmari shamurcani.

Mushuj Testamento Diospaj Shimi

²⁷ Cunanca, Ñuca almaca llaquihuan huañucunmari. ¿Imatataj nishachu, imamí? ¿“Yayitolla, cai llaqui horasmantaca quishpichihuailla” nishachu, imamí? ¡Ashtahuanpish chashna tucungapajtajmari cai horasmanca chayamurcani!

Juan 12:27 Iomraidhean Croise

SALMOS 6:3

Ñuca almapish musparishcamari cani. Mandaj Dioslla, ¿maicamataj chashnalla casha?

SALMOS 88:3

Ñuca almaca llaquicunahuan jundamari. Ñuca causaipish Seol c'uchullapimari.

ISAÍAS 38:15

Ñuca imalla tucunata huillacujllataj ñucata llaquichicushcamantaca ¿imatataj nishari? Ñuca causaipi llaquihuan cashcamanta tucui ñuca causaipimi llaquilla purisha.

ISAÍAS 53:3

Runacunapurapica yanganchishca, mana nishpa shitashcami carca. Paica llaquita ima shina apanata yachajmi carca. Tucuicunami mana ricunachircanchij. Tucuicunami mana munarcanchij. Tucuicunami mana c'uyarcanchij.

Mateo 11:25

Chaipimi Jesusca cashna nirca: “Jahua pachata, cai pachata Mandaj ñuca Yaya, ñucaca cantami alabani. Alli yuyaiyuj, yachaisapacunamanca caicunataca pacarcanguimari. Ashtahuanpish uchilla huahuacunamanmari ricuchircangui.

Mateo 11:26

Ñuca Yayitu, canllatajmari chashna tucuchun munashcangui.

Mateo 26:42

Cutin rishpaca: “Ñuca Yayitu, ima shinamanta jayaj ubyana shina cai llaquita ñuca apanallataj cajpica, cambaj munaita rurapai” nishpami, caihuanca ishqui cutin Diosta mañarca.

Mateo 26:45

Chaimanta paipaj yachacujcunapajman c'uchuyashpaca: –¡Cancunaca dormicuichijlla, samaricuichijlla! Runa Aichayujta juchayujcunapaj maquipi entreganaca, ñami pajtashca.

Lucas 22:44

Jesusca llaquihuan huañucushpami ashtahuan Taita Diosta mañacurca. Chaimantami paipaj jumbica, yahuar shina pambaman achca shuturca.

Lucas 22:53

Punllanta cancunahuan Taita Diospaj huasipi cajpipish, manamari japircanguichijchu. Cunanca ñucata japichina pajtajpimi, amsapi mandacuj diablo yuyaita cushcamanta ñucataca japinguichij– nircami.

Juan 11:41

Jesús chashna nijpica, huañushcata churashca jutcuta huichcashca rumita anchuchijpimi Jesusca jahuanta huichilla ricushpa cashna nirca: –Yayitu, ñuca mañashcata uyashcamanta pagui ninimi.

Juan 12:23

Paicuna huillajpica Jesusca: –Runa Aichayujta jatunyachinaca ñami chayamushca.

Juan 13:21

Chashna nishca q'uipami Jesusca yallitaj llaquirishpa: –Cancunamanta shujmi ñucataca huañuchichun cunga. Chaica chashnatajmi canga– nirca.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

1 Timoteo 1:15

Tucuicuna alli nishpa, chasquinalla shimica caimi: Cristo Jesusca juchayujcunata quishpichingapajmi cai pachaman shamurca. Chaicunamanta yallica, ñucami yallitaj juchayuj cani.

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

Hebreos 5:7

Cristoca cai pachapi causacushpaca jatunta caparishpa, huacashpa, rogashpami huañuimanta cacharichij Diosta mañarca. Chashna manchaihuan cazuj cajpimi pai mañashcataca Diosca uyarca.