Juan 12:26 - Dios Rimashca Shimicunami

²⁶ Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Mushuj Testamento Diospaj Shimi

²⁶ Pipish Ñucata servisha nijca, Ñucata catichunlla. Ñuca maipimi cani, Ñucata servijpish chaipimi canga. Pipish Ñucata servijtaca, Ñuca Yayapish allipimi churanga.

Juan 12:26 Iomraidhean Croise

SALMOS 17:15

Ñucaca can cashcata rurajta rurashcamantami cambaj ñahuitaca ricusha. Ñuca dormicushcamantaca canman rijchaj jatarishpami cushicusha.

SALMOS 91:15

Ñucata mañajpica ñucapish cutichishami. Llaquihuan cajpipish, ñucapish paihuanmi casha. Paitaca cacharichishami, sumajyachishami.

PROVERBIOS 27:18

Higo yuracunata alli cuidashpa causajca, chai yurapi p'ucushcatami micunga. Amopajta alli ruraj runapish allicunata chasquingami.

NÚMEROS 14:24

Ashtahuanpish ñucapajta ruraj Calebllatami caishujcuna shina mana yuyashpa ñucata catishcamanta pai rijsimushca llajtamanca yaicuchisha. Paipaj huahua huahuacunapish chai llajtata japishpa chaipimi causangacuna.

NÚMEROS 32:11

“Egiptomanta llujshimujcunaca ishqui chunga huatayujmanta huichiman cajcunaca Abrahamman, Isaacman, Jacobman Mandaj Dios cushca llajtataca mana ricungacunachu. Mandaj Diospi mana shunguta churashcamantami mana ricungacuna.

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Mateo 25:21

paipaj amoca: “Allimi rurashcangui, canca allita ruraj, alli cazujmi cangui. Cai ashalla talentohuanpish allita rurashcamanta, ashtahuan yallitami mingasha. Cambaj amohuan cushicunaman yaicui” nircami.

Marcos 8:34

Gentecunatapish, yachacujcunatapish cayashpaca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Lucas 12:37

Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga.

Lucas 6:46

“¿Ima nishpataj manapish ñuca nishcata rurashpa ñucataca: “Mandaj Jesús, Mandaj Jesús” ninguichigari?

Lucas 9:23

Tucui chaipi cajcunataca cashnami nirca: –Maijanpish ñucata catisha nijca, chacatashpa huañuchina cajpipish, quiquin causaita mana llaquishpa punllanta ñucata catichunlla.

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Juan 13:16

Amopajta rurajca mana paipaj amota yallichu. Mandashpa cachashcapish mana cachajta yallichu. Chaica chashnatajmi.

Juan 14:15

Ñucata c'uyashpaca, ñuca mandashcacunata ruraichij.

Juan 14:3

Ñuca rishpa cancuna causanata allichishca q'uipaca cancunapish ñuca maipimi cani cancunapish chaipi cachun pushangapaj tigramushami.

Juan 15:20

“Amopajta rurajca amotaca mana yallichu” nishpa ñuca huillashcataca yuyarichigari. Ima shinami ñucatapish llaquichina yuyailla llaquichirca chashnallatajmi cancunatapish llaquichingacuna. Ñuca huillashcata cazushpaca, cancuna huillashcatapish cazungacunami.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Juan 21:22

Jesusca: –Ñuca munajpica, ñuca tigramungacama paica causacuchun canca ¿ima ninatataj charingui? Canca ñucata catilla– nirca.

Romanos 1:1

Jesucristopajta ruraj, apóstol cachun cayashca, Taita Diospaj alli huillaita huillachun ch'icanchishca Pablomi cani.

Romanos 14:18

Cristopajta chashna rurajca Dios munashcata rurajmi, gentecunapish alli crijmi nishcami.

2 Corintios 4:5

Ñucanchijca mana ñucanchij quiquinmantachu huillacunchij, ashtahuanpish Jesucristoca Mandaj cashcata, ñucanchijca Jesuspaj c'uyaihuan cancunapajta rurajcuna cashcatami huillacunchij.

2 Corintios 5:8

Chaimantami chai yuyailla canchij, ashtahuancarin ñucanchijca cai aichahuanca ña mana ashtahuan cashpa, Mandaj Jesushuanmi cashun ninchij.

Gálatas 1:10

Chashna nishpaca ¿runacuna alli nishcata, mana cashpaca Dios alli nishca canatachu mashcacuni? Mana cashpaca ¿runacunatachu cushichisha nicuni? Runacunallata cushichicushpaca, mana Cristopajta rurajchu caiman.

Filipenses 1:23

Chai ishquindij yuyaicunami ñucataca llapiracun. Shina cajpipish, Cristohuan cangapaj huañushpa rinami ñucapajca yallitaj alli.

Colosenses 3:24

Chashna rurashcamantaca Mandaj Jesús cushca herenciata chasquina cashcataca yachanguichijmi. Cancunapaj Mandaj Jesusca Cristomi paipajtami ruracunguichij.

Colosenses 4:12

Cancunapuramanta Cristopajta ruraj Epafraspish, alli cashca cachun ninmi. Paica cancuna tucuipi Taita Dios munashca shina pajtachijcuna, allicunataj, sinchicuna cachunmi Diosta pai mañanapica, mana shaicushpa rogacunlla.

2 Pedro 1:1

Jesucristopaj apóstol, paipajta ruraj Simón Pedromi cani. Cashcata ruraj ñucanchij Dios, Quishpichij Jesucristomantami cancunapish ñucanchij shinallataj alli sumaj crinata japircanguichij.

1 Juan 5:3

Diosta c'uyacushcataca pai mandashcacunata cazushpami ricuchina. Pai mandashcacunata cazunaca mana sinchichu.

Judas 1:1

Jesucristopajta ruraj Judas, Jacobopaj huauquimi cani. Dios Yaya cayashpa, jucha illajta rurashpa agllashcacunamanmi quillcani: Cancunataca Jesucristomi huaquichicun.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

1 SAMUEL 2:30

Chaimantami israelcunata Mandaj Diosca cashna nin: Cambaj ñaupa yayacunatapish, cambaj huasi familiatapish, ñuca ñaupajpi purichunmi churarcani. Ashtahuanpish cunanca Mandaj Diosca cashnami nin: Chaipi cachunca manataj saquishachu. Ñucata allipi churajcunallatami allipi churasha. Ñucata p'iñajcunataca yanganchishami.