Juan 12:25 - Dios Rimashca Shimicunami

²⁵ Pipish paipaj causaita c'uyajca, chingachingami. Pipish cai pachapi paipaj causaita mana c'uyajca huiñaitami causanga.

Mushuj Testamento Diospaj Shimi

²⁵ Pipish quiquin causaita cʼuyajca, chingaringami. Pipish cai pachapi causaita mana cʼuyajca, huiñaipajmi quiquin causaita huaquichinga.

Juan 12:25 Iomraidhean Croise

ECLESIASTÉS 2:17

Inti achijyachicun pachapica tucui imapish yuyaita yanga shaicuchinalla cashcata yuyarishpami llaquirircani. Chaimantaca ñucaca causanataca p'iñarcanimi. Alli yuyarijpica imapish yuyaita yanga shaicuchishca, yanga charishcallami.

Mateo 10:39

Pipish paipaj causaita c'uyajca, chingaringami. Pipish ñucamanta paipaj causaita chingachijca huiñai causaitami japinga.

Mateo 16:25

Pipish quiquin causaita quishpichisha nijca, chingaringami. Pipish ñucata catishcamanta quiquin causaita chingachijca huiñai causaitami japinga.

Mateo 19:29

Maijanpish paipaj huasita, huauquicunata, panicunata, yaya mamata, huarmita, huahuacunata, allpacunata saquishpa ñucata catishcamantaca, patsaj cutinhuan yallitami japinga. Huiñai causaitami chasquinga.

Marcos 8:35

Pipish quiquin causaita quishpichisha nijca, chingaringami. Pipish ñucata catishcamanta, alli huillaimantapish quiquin causaita chingachijcunami, quishpiringa.

Lucas 14:26

Pipish ñucata catisha nijca paipaj yayata, mamata, huarmita, huahuacunata, huauquicunata, panicunata, quiquin causaitapish llaquijca, mana ñuca yachacuj cai tucunchu.

Lucas 17:33

Pipish paipaj causaita llaquijca, chingaringami. Pipish paipaj causaita mana llaquijca quishpiringami.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

Hechos 21:13

Shina nijpipish Pabloca: –Cancuna chashna huacashpa ñuca shunguta llaquichishpallaca ñucataca mana ayudanguichijchu. Ñucaca mana huatashcallachu casha nini. Ashtahuanpish Mandaj Jesusmantaca, Jerusalenpi huañuna cajpipish huañushallami– nircami.

Hebreos 11:35

Crishcamantami huarmicunapish paicunapaj familiacuna huañushca cajpipish causachishcata chasquircacuna. Shinallataj shujtajcunaca jatun llaquita apacushpapish, Dios causachijpi ashtahuan alli causaita japina yuyailla cashcamantami, cacharishun nijpipish mana nishpa huañurcacuna.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.