Juan 12:20 - Dios Rimashca Shimicunami

²⁰ Pascua fiestapi Taita Diosta adorangapajca, achcacunami Jerusalenman huichiyarcacuna. Paicunapurapica, maijan griegocunapishmi chaipi carca.

Mushuj Testamento Diospaj Shimi

²⁰ Tauca griegocunapishmi Diosta adorangapaj fiestaman huichiyashcacuna carca.

Juan 12:20 Iomraidhean Croise

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

Marcos 7:26

Paica Sirofeniciapi huacharishca griega huarmimi carca. Paipaj ushushimanta supaita llujshichichunmi Jesustaca rogarca.

Juan 12:1

Pascuapaj sujta punlla illajpirajmi Jesusca, huañushcacunapaj chaupimanta pai causachishca Lázaro causan Betania puebloman rirca.

Juan 12:19

Ashtahuanpish fariseocunaca: –Chaica riqui, imata mana rurai tucunchijca. Tucuicunamari paita catishpa rincuna– nishpami paicunapura ninacurcacuna.

Juan 7:35

Chaimi judiocunaca paicunapura cashna ninacurca: –Ñucanchij mana japi tucuchunca ¿Caica maimanshi rigrin? ¿Griegocunapaj llajtapi causacuj israelcunapajman rishpa griegocunata yachachinamanchu ringa, imashi?

Hechos 14:1

Iconio puebloman chayashpaca judiocunapaj sinagogamanmi Pablondij Bernabendij yaicurcacuna. Chaipica ima shina huillaj cashca shinallataj Taita Diospaj Shimita huillajpimi judiocunapish, griegocunapish achcacuna crircacuna.

Hechos 16:1

Chai q'uipami Pabloca Silasndij Derbe puebloman, Listra puebloman chayarcacuna. Chaipica Jesusta catij Timoteo shuti runami causarca. Paica, Jesusta catij judía huarmipaj churimi carca. Paipaj yayaca griegomi carca.

Hechos 17:4

Chaimi tauca judiocuna crishpa Pablohuan, Silashuan tandanacurcacuna. Judío tucushpa Taita Dios yuyailla caj achca griegocunapish, alli nishca huarmicunapish achcacunami crircacuna.

Hechos 20:21

Judiocunaman, mana judiocunamanpish mana allita ruracushcata saquishpa cutirichij, ñucanchijta Mandaj Jesucristota crichij nishpami huillacurcani.

Hechos 21:28

cashna nircacuna: –¡Israelcuna, tandanacumuichij! Cai runatajmari tucui llajtacunata purishpa, ñucanchij llajtatapish, Mandashcacunatapish, Taita Diospaj cai huasitapish yangata rurashpa tucuicunaman yachachin. Cunancarin chai griegocunatapishmari Taita Diospaj huasiman yaicuchishpa, cai ñucanchij Diospajlla huasita mapayachicun– nishpami caparircacuna.

Hechos 8:27

Chaimi Felipeca jatarishcahuan rirca. Ñanta pai ricushpaca Etiope llajtamanta eunuco runahuanmi tuparca. Paica Etiopia llajtata jatun mandaj Candace huarmipaj cullquitapish, tucui imalla charishcacunatapish cuidajmi carca. Chai runaca Jerusalenpi Taita Diosta adorangapajmi shamushca carca.

Romanos 1:16

Ñucaca alli huillaimantaca mana pingarinichu. Alli huillaica tucuita rurai tucuj Diosmanta cashcamantami, puntaca judiocunata, griegocunatapish maijanpish crijpica, tucuicunata quishpichin.

Romanos 10:12

Judiocunapish, griegocunapish chai shinallatajmi. Paillataj tucuicunapaj Mandaj Jesús cashpami, tucui paita mañajcunaman cungapajca achcata charin.

Gálatas 2:3

Chaimi ñucahuan caj Titotaca griego cajpipish, circuncisionta rurachichuntajca, mana ni tucurcacuna.

Gálatas 3:28

Chaimanta judiopish, griegopish, esclavopish, mana esclavopish, c'aripish, huarmipish ña mana tiyanchu. Cancunaca tucuicunami Cristo Jesuspi shujlla canguichij.

Colosenses 3:11

Chaimanta griegopish, judiopish, circunsicionta rurachishcapish, mana rurachishcapish, urcu runapish, shujtaj llajtamanta cajpish, amopajta rurajpish, amopajta mana rurajpish mana tiyanchu. Ashtahuanpish Cristoca tucuicunapajmi, tucui paipi crijcunapimi.