Juan 12:16 - Dios Rimashca Shimicunami

¹⁶ Paipaj yachacujcunaca Jesús imamanta chashna ruracushcataca mana entendircacunachu. Jesusta Taita Dios jatunyachishca q'uipami, pai ima shinalla tucuna cashcacunaca Quillcachishcapi ña tiyacushcata yuyarircacuna.

Mushuj Testamento Diospaj Shimi

¹⁶ Chai tucui imalla tucushcacunataca, callaripica yachacujcunaca manaraj entendircacunachu. Ashtahuanpish Jesusta Dios sumajyachishca qʼuipami, Pai imallata rurashcapish, imalla tucushcapish, Dios Quillcachishcapitaj Paimanta chashna nishca tiyacushcata yuyarircacuna.

Juan 12:16 Iomraidhean Croise

Marcos 16:19

Shinallataj Mandaj Jesús tucuita rimajpica, paitaca jahua pachamanmi aparca. Chaipica, Taita Diospaj alli ladopimi tiyarirca.

Marcos 9:32

Chaitaca paicunaca imata nisha nishcata mana entendircacunachu. Tapunatapish mancharcacunami.

Lucas 18:34

Shina nijpipish yachacujcunaca, chai tucui imalla nishcacunaca mana entendipajlla cashcamantami ima nisha nishcata mana entendircacuna.

Lucas 24:25

Chaimi Jesusca: –¡Cancunaca ¿upacunachu canguichij? Profetacuna huillashcacunata crinamari cancunapajca sinchiraj cashca!

Lucas 24:45

Chashna nishpami Quillcachishcacunata alli entendichun, paicunapaj yuyaicunata pascashpa,

Lucas 9:45

Chaitaca paicunapaj yuyaicuna tapashca cashcamantami paicunaca imata nisha nishcata mana entendircacuna. Chai yachachishcacunaca ¿imatataj nisha nin? nishpa tapunatapish mancharcacunami.

Juan 12:23

Paicuna huillajpica Jesusca: –Runa Aichayujta jatunyachinaca ñami chayamushca.

Juan 14:26

Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Juan 16:4

Ña chashna ruracujpica, caicunata ñuca huillashcata yuyarichunmi cunanman huillacuni. Caicunataca sarunmanca cancunahuan cashpami manaraj huillarcani.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 2:22

Huañushcacunapaj chaupimanta causarijpimi paipaj yachacujcunaca, Jesús chashna nishcatapish, Taita Dios Quillcachishcatapish, Jesús rimashca Shimicunatapish yuyarishpa crircacuna.

Juan 7:39

Shina nishpaca, paita crijcuna Taita Diospaj Espirituta chasquina cashcatami huillarca. Jesusta manaraj sumajyachijpimi, jucha illaj Espirituca manaraj shamurca.

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Hechos 2:36

Tucui israelcunami caitaca allitaj yachana canguichij. Chai cancuna chacatashca Jesusllatatajmi Mandaj cachunpish, Quishpichij Cristo cachunpish Taita Diosca churarca” nircami.

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.

Hebreos 8:1

Cai tucuita cancunaman huillacushcamanta jatun yuyaica caimi: Ñucanchijca curacunata jatun pushaj curatami charinchij. Paica jahua pachapi Jatun mandajpaj tiyarina alli ladopimi tiyarirca.