Juan 12:15 - Dios Rimashca Shimicunami

¹⁵ “Sionpi causajcunalla, ama manchaichijchu. Cancunapaj jatun Mandajca, shuj huahua burropimi tiyarishca shamucun” nishcami pajtarca.

Mushuj Testamento Diospaj Shimi

¹⁵ «Sionpi causajcunalla, ama manchaichijchu. Riquichij, cancunata Jatun Mandajca, malta burropi tiyarishcami shamucun» nishca tiyacun.

Juan 12:15 Iomraidhean Croise

2 SAMUEL 15:1

Chai q'uipaca cashnami tucurca: Absalonca carrocunayuj, caballocunayujmi tucurca. Paita ñaupashpa purij 50 runacunatapishmi charirca.

2 SAMUEL 16:2

Chaipimi jatun mandajca Sibataca: –¿Imapajtaj caicunaca?– nijpi Siba runaca: –Burrocunaca, jatun mandajpaj familiacuna tiyarishpa rinapajmi. Tandacunapish, chaquichishca uvacunapish jatun mandajpajta rurajcuna micunapajmi. Vinopish shitashca pambapi shaicujcuna ubyanapajmi– nirca.

1 REYES 1:33

Chaimi jatun mandajca: –Cancunapaj amopajta rurajcunata pushashpa ñuca mulapi ñuca churi Salomonta tiyachishpa Gihonman pushaichij.

ISAÍAS 41:14

Jacobpaj c'uritucuna ama manchaichijchu. Israelcuna ashalla cashpapish cancunaca ama manchaichijchu. Ñucami cancunata ayudaj cani ninmi Mandaj Diosca. Israelcunapaj jucha illaj Diosmi cancunata Quishpichijca.

ISAÍAS 62:11

Mandaj Diosca tucui cai pachapi causajcuna uyajtami cashna caparirca: “Sionpaj ushushi: Canta Quishpichijca ñamari shamun nichigari. Canta quishpichijca chaitami ña shamun. Imalla rurashcamanta cunapish paihuanmi shamucun. Can imallata rurashcamanta cunapish paita ñaupashcami shamucun nichigari” nircami.

MIQUEAS 4:8

Canlla ovejacuna shayana jatun torrella, canca Siónpi causajcunata pacajmari cangui. Punta mandashca shinallatajmi, canca Jerusalenpi causajcunataca cutin mandangui” ninmi.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Mateo 21:5

“Sionpi causajcunamanca: Cancunapaj jatun Mandajca, manso shungumi. Burropi tiyarishcami cancunapajman shamucun. Aparij burropaj huahua burropi tiyarishcami shamucun nichij” nishcami carca.

Juan 12:14

Quillcachishcapi nishca shinallatajmi Jesusca, shuj huahua burrota japishpa tiyarirca:

DEUTERONOMIO 17:16

Ashtahuanpish chai jatun mandajca caballocunata ama achcata charichun. Caballocunata apanamanpish Egiptomanca pita ama tigrachishpa cachachun. Mandaj Diosmi cancunataca: “Cai ñantaca amataj tigranguichijchu” nishca carca.

JUECES 12:14

Paica chuscu chunga churicunata, quimsa chunga nietocunatami charirca. Paicunaca tucuicunami tiyarishpa puringapajca shuj shuj burrota charircacuna. Abdonca israelcunataca pusaj huatatami mandarca.

JUECES 5:10

Yuraj burrocunapi tiyarishca purijcunapish, llaquicunata allichijcunapish, maimanpish chaquillahuan purijcunapish Mandaj Diosta alabaichij.