Juan 12:13 - Dios Rimashca Shimicunami

¹³ Chaimantami yura ramacunata p'itishpa, Jesusta tupanaman llujshimushpaca: –¡Hosanna! ¡Israelcunapaj Jatun Mandaj, Jatun Diospaj shutipi shamucujtaca alli nishca cachun!– nishpa caparircacuna.

Mushuj Testamento Diospaj Shimi

¹³ Tucui chaicunami ramoscunata aisashca, tupanaman llujshishpaca, cunga tiyashcata cashna caparircacuna: —¡Cantaca alli ninchijmari! ¡Mandaj Diosmari Cantaca cachashca! ¡Israelcunata Jatun Mandajmari cangui!— nircacunami.

Juan 12:13 Iomraidhean Croise

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

OSEAS 3:5

Chai q'uipami israelcunaca Mandaj paicunapaj Taita Diosta, paicunata jatun mandaj Davidta mashcangacuna. Tucuri punllacunapica Mandaj Diostami manchangacuna. Pai cushcacunatami chasquingacuna.

LEVÍTICO 23:40

Chai fiesta callari punllapica tucuimanta yalli alli yuracuna p'ucushca granocunatapish, palmera ramacunatapish, p'angasapa yura ramacunatapish yacu c'uchupi tiyaj sauce ramacunatapish japishpa canchis punllacunata Mandaj Dios cancunapaj Taita Diospaj ñaupajpi cushicunguichij.

SOFONÍAS 3:15

Mandaj Diosca, cancunata llaquichinataca anchuchishcamari. Cancunata p'iñajcunatapish canllamanmari llujshichishca. Mandaj Diosca, israelcunapaj chaupipi Jatun Mandajmari. Chaimanta ima llaquitapish mana cutin ricunguichijchu.

Mateo 23:39

Ñucataca cunanmanta pachami: “¡Jatun Diospaj shutipi shamucuj allimari cangui!” ningacama manataj ricunguichij” nircami.

Mateo 27:42

“Shujtajcunataca quishpichircami, ashtahuanpish paillatajca manamari quishpiri tucunchu. Israelcunapaj jatun Mandaj cashpaca, cruzmanta cunanllataj uriyachun. Chaipitajca paita crishunmi.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Juan 12:14

Quillcachishcapi nishca shinallatajmi Jesusca, shuj huahua burrota japishpa tiyarirca:

Juan 12:15

“Sionpi causajcunalla, ama manchaichijchu. Cancunapaj jatun Mandajca, shuj huahua burropimi tiyarishca shamucun” nishcami pajtarca.

Juan 19:15

paicunaca: –¡Paitaca chacatashpa huañuchilla!– nishpa caparircacuna. Chaimi Pilatoca: –¿Cancunata jatun Mandajtachu chacatasha?– nijpi, curacunata mandajcunaca: –¡Ñucanchijca Cesarllatami jatun mandajtaca charinchij!– nircacuna.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Apocalipsis 19:16

Paipaj churanapipish changapipish: “Jatun Mandajcunatapish, Jatun Mandajmi, Mandajcunapajpish Mandajmi” nishca shutita quillcashcami carca.

Apocalipsis 7:9

Chaita ricushca q'uipaca, pi mana yupaipaj yallitaj achcacunatami ricurcani. Paicunaca tucui llajtacunamanta, ch'ican ch'ican aillucunamanta, ch'ican ch'ican pueblocunamanta, ch'ican ch'ican rimaicunamantami jatun tiyarinapi tiyacujpaj ñaupajpi, Ovejapaj ñaupajpipish shayacurcacuna. Paicunaca yuraj churanacunata churashca, maquicunapipish ramacunata aisashcami carca.