Juan 12:10 - Dios Rimashca Shimicunami

¹⁰ Ashtahuanpish curacunata mandajcunaca Lazarotapish huañuchishun nishpami yuyarinacurcacuna.

Mushuj Testamento Diospaj Shimi

¹⁰ Ashtahuanpish pushaj curacunaca, Lazarotapish huañuchingapajmi shuj yuyailla tucurcacuna.

Juan 12:10 Iomraidhean Croise

ÉXODO 10:3

Shina nijpimi Moiseshuan, Aaronhuanca faraonpajman rishpaca: –Mandaj Dios hebreocunapaj Taita Diosmi cashna nin: Ñuca agllashcacuna richun saquiyari. ¿Maicamataj ñuca ñaupajpica mana cumurisha ninguiyari?

ECLESIASTÉS 9:3

Cai pachapi tucui imalla ruraricujcunamantaca chaimari mana alli ricurin. Shujcuna imami tucun, tucuicuna chai shinallatajmi tucun. Inti achijyachicun cai pachapi causajcunaca tucui causaipimi shungupica, millaita rurana yuyaihuan junda causancuna. Ch'ahuan yuyaicunaca huatashpa shinami charicun. Punlla pajtajpica huañushcacunahuanmi tandanacugringacuna.

Mateo 12:14

Fariseocuna chaimanta llujshishpaca Jesusta ima shina huañuchinatami yuyarinacurcacuna.

Mateo 2:16

Herodesca yachaj runacuna paita chanzata rurashcata yachashpaca yallitaj p'iñarishpami Belenpipish, chai muyundij llajtacunapipish, manaraj ishqui huatata charij tucui c'ari huahuacunata huañuchichun mandarca. Yachaj runacunata tapushca punllamanta yupashpami chashna rurarca.

Lucas 16:31

Shina nijpipish Abrahamca: “Moisés mandashcacunatapish, profetacuna quillcashcatapish mana uyashpaca, huañushcacunapaj chaupimanta maijan causarishpa huillajllapichu cringacunari” nircami nishpami parlarca.

Juan 11:57

Curacunata mandajcunapish, fariseocunapish Jesús maipi cashcata maijanpish yachashpaca, huillaj shamuchun paita japigringapaj nishpami, shuj mandashcata churashcacuna carca.

Juan 12:11

Lazarota causachishcamantami, achca judiocuna Jesusta crishpa chai curacunataca ña mana catishun nircacuna. Chaimi Lazarotaca huañuchishun nircacuna.

Juan 12:9

Achca judiocunami, Betaniapi Jesús cajta yachashpaca, chaiman rircacuna. Mana Jesusta ricunallamanchu rircacuna, ashtahuanpish huañushcacunapaj chaupimanta causachishca Lazarota ricungapajpishmi rircacuna.