Juan 11:54 - Dios Rimashca Shimicunami

⁵⁴ Chaita yachashpami Jesusca judiocunapaj paca pacalla puricushpaca, shitashca pamba c'uchulla llajtapi caj Efraín shuti puebloman rishpa, paipaj yachacujcunandij chaipi carca.

Mushuj Testamento Diospaj Shimi

⁵⁴ Chaimantami Jesusca, judiocunapurapica pacalla purirca. Shitashca pamba cʼuchullapi caj Efraín puebloman rishpami, Paipaj yachacujcunandij chaipi purirca.

Juan 11:54 Iomraidhean Croise

2 SAMUEL 13:23

Ña ishqui huata q'uipaca Absalonca, Efraín pueblo c'uchullapi caj Baal-hazorpimi paipaj ovejacunata rutuchicurca. Chai micuimanmi Absalonca jatun mandajpaj churicunataca tucuicunata cayarca.

2 CRÓNICAS 13:19

Abiasca Jeroboamhuan ashtahuan macanacushpami, Bet-el pueblotapish chai muyundij llajtacunandij, Jesana pueblotapish chai muyundij llajtacunandij Efraín pueblotapish chai muyundij llajtacunandij quichurca.

Juan 10:40

Chaimanta rishpaca Jordán yacu ch'imbanijpi, ñaupaman Juan bautizacushcamanmi Jesusca tigrashpa rirca. Chaipimi saquirirca.

Juan 18:20

Chaimi Jesusca: –Ñucaca cai pachapi causajcunamanca tucuicunapaj ñaupajpimi yachachircani. Sinagogapi, Taita Diospaj huasipi, maipi tucui judiocuna tandanacunpimi punllanta yachachircani. Pacallaca imata mana yachachircanichu.

Juan 7:1

Chai q'uipaca Galileapimi Jesusca yachachishpa puricurca. Judiocuna ima shinapish huañuchishun nicushcamantami Judeamanca mana rirca.

Juan 7:10

Paipaj huauquicuna rishca q'uipami, Jesuspish chai fiestamanca pi mana yachajllapi pacalla rirca.

Juan 7:13

Judiocunata manchashcamantami, tucuicunapaj ñaupajpica Jesusmantaca pi mana parlanacui tucurcacuna.

Juan 7:4

Tucuicuna rijsishca casha nishpaca pi imata mana pacalla ruranchu. Chaimanta can ruracushcacunataca tucuicunapaj ñaupajpi rurashpa ricuchigri– nircacunami.