Juan 11:49 - Dios Rimashca Shimicunami

⁴⁹ Chashna nijpi tandanacushcapuramanta, chai huatapi curacunata mandaj Caifás curami cashna nirca: –Cancunaca imata mana yachanguichijchu.

Mushuj Testamento Diospaj Shimi

⁴⁹ Chashna nijpi paicunapuramanta chai huatapi mandacuj Caifás curami, cashna nirca: —Cancunaca imatapish mana yachanguichijchu.

Juan 11:49 Iomraidhean Croise

PROVERBIOS 26:12

Paipaj quiquin yuyaipi ¿yachaisapamari cani nirij runataca imallatapish rurajta ricushcanguichu? Chaipaj randica, rumi shungu runarajmi imallatapish ruranman.

Mateo 26:3

Chai punllallatajmi curacunata mandajcuna, mandashcacunata quillcajcuna, israelcunapaj cunaj yuyajcunapish, curacunata jatun mandaj Caifás curapaj huasi canllapi tandanacurcacuna.

Lucas 3:2

Anaspish, Caifaspish curacunata jatun pushajcunami carca. Chai punllacunapimi shitashca pambapi Zacariaspaj churi Juanmanca, Dios rimarca.

Juan 11:51

Shina nishpaca mana paipaj quiquin yuyaimantachu nirca. Ashtahuanpish chai huatapi curacunata mandaj cajpimi, llajtapi tucui causajcunamanta Jesús huañunataj cashcata Taita Dios huillachijpi chashna huillarca.

Hechos 4:6

Chaipica curacunata jatun pushaj Anás, Caifás, Juan, Alejandro, curacunata jatun pushajcunapaj tucui familiacunapishmi carca.

1 Corintios 1:20

¿Maipitaj yachaisapaca? ¿Maipitaj quillcajca? ¿Maipitaj cai pachallamanta imatapish rimanacujca? ¿Manachu Diosca, cai pachapaj yachaitaca muspachishca?

1 Corintios 2:6

Shina cajpipish sinchi crij canaman chayashcacunamanmi Diospaj yachaitaca rimacunchij. Cai pachapaj yachanacunamanta, cai pachata mandajcunapaj yachanacunamantaca mana rimacunchijchu. Chaicunaca chingarijllacunami.