Juan 11:48 - Dios Rimashca Shimicunami

⁴⁸ Paita chashna rurashpa catichun saquijllapica, ñataj paita tucuicuna crinman, ñucanchij Taita Diospaj huasitapish Roma llajtamanta shamushpa urmachishpa shitanman, cai ñucanchij llajtatapish ñataj quichunman– nircacunami.

Mushuj Testamento Diospaj Shimi

⁴⁸ Chashna saquijllapica, tucuicunamari Paita cringacuna. Chashna tucujpica romanocuna shamushpaca, ñucanchij Diospaj huasitapish, tucui ñucanchij israelcunatapishmi chingachingacuna— nircacunami.

Juan 11:48 Iomraidhean Croise

Mateo 22:7

Chaita jatun mandaj uyashpaca p'iñarishpami, chai huañuchijcunata huañuchichun, paicunapaj pueblotapish rupachichun, paipaj soldadocunata cacharca.

Mateo 22:9

Paicuna mana shamujpica, cunanca jatun ñan llujshincunaman rishpa, mashna ricurijcunata bodaman cayamugrichij” nircami.

Mateo 24:15

Chingachij millai runa Diospaj jucha illaj huasipi cajta ricushpaca, profeta Daniel chashna canata huillashcami pajtacunga. (Maijanpish rezajca entendichun).

Mateo 27:25

Tucui chaipi cajcunaca: –Paita huañuchishcamanta yahuarca ñucanchijpaj, ñucanchij huahuacunapaj jahuami canga– nircacuna.

Lucas 11:52

Mandashcacuna ima nisha nishcata yachachijcuna ¡aij cancunalla! Taita Diosmanta yachana yuyaitaca huichcashpami cancunaca mana yachashun nircanguichij. Cancunallataj mana yachashun nij cashpami, shujtajcuna yachashun nijpipish mana saquinguichij– nircami.

Lucas 8:12

Lluchu ñan shinaca huillashca Shimita uyajcunami. Paicuna uyashca shimita ama crishpa, ama quishpirichunmi diablo shamushpa paicunapaj shungumanta anchuchin.

Juan 1:7

Pai huillajpica tucuicuna crichunmi, chai luzmanta huillangapaj paica shamurca.

Hechos 5:28

cashna nirca: –Ñucanchijca cancunataca chai runamantaca amataj yachachinguichij nishpami mandarcanchij. Ashtahuanpish chashna nishca jahuami cunanca, tucui Jerusalenpi cancunapaj yachachinata yachachishcanguichij. Chai runatapish cancunami huañuchircanguichij nishpami ñucanchijta juchachicunguichij– nircami.