Juan 11:42 - Dios Rimashca Shimicunami

⁴² Ñuca mañashcata uyaracuj cashcataca yachanimi. Ashtahuanpish cai ñuca muyundijpi caj achcacuna can cachashca cashcata crichunmi chashnaca nini– nircami.

Mushuj Testamento Diospaj Shimi

⁴² Ñucata Can uyaracuj cashcataca yachanimi. Ashtahuanpish Ñuca muyundijpi caj tucui gentecuna, Can Ñucata cachashcata crichunllami chashnaca nini— nircami.

Juan 11:42 Iomraidhean Croise

Mateo 26:53

Ñuca Yayata mañajpica, huaranga huaranga angelcunata cunanllataj cachana cashcataca ¿manachu yachangui?

Juan 11:22

Cunanpish Taita Diosta can mañajpica, imatapish Taita Diosca cuna cashcata yachanimi– nijpimi,

Juan 11:31

Mariataca huasimanta callpashpa llujshishpa rijta ricushpami, paita cushichinaman shamushpa paipaj huasipi tiyacuj judiocunaca, jutcupimari huacagrin ninacushpa paita catishpa shamurcacuna.

Juan 11:43

Chai q'uipaca: –¡Lázaro, chaimanta llujshimui!– nishpami sinchita caparirca.

Juan 12:11

Lazarota causachishcamantami, achca judiocuna Jesusta crishpa chai curacunataca ña mana catishun nircacuna. Chaimi Lazarotaca huañuchishun nircacuna.

Juan 12:17

Jutcupi churashcamanta Lazarota cayashpa, huañushcacunapaj chaupimanta Jesús causachijta ricujcunami, shujtajcunamanca huillarcacuna.

Juan 17:21

Paicunaca tucuicuna shujlla cachunmi mañacuni. Ima shinami can Yayapish ñucahuan, ñucapish can Yayahuan shujlla canchij, chashnallataj paicunapish ñucanchijhuan shujlla cachunmi mañacuni. Chashna cajpimi ñucataca cai pachapi causajcunaca, can cachashca cashcata cringacuna.

Juan 17:25

Cashcata ruraj Yayitu, cai pachapaj cajcunaca cantaca mana rijsircacunachu, ashtahuanpish ñucaca rijsinimi. Ñucapaj cajcunapish can ñucata cachashcataca rijsincunami.

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 20:31

Jesustaca Quishpichij Cristo cashcata, Taita Diospaj Churi cashcatapish crishpa paimanta huiñai causaita charichunmi cai tucui quillcataca quillcashca.

Juan 3:17

Taita Diosca paipaj Churitaca, cai pachapi causajcunata jatun llaquiman cachachunca mana cacharcachu. Ashtahuanpish cai pachapi causajcunaca, paillamanta quishpirichunmi cacharca.

Juan 8:16

Pitapish imalla rurashcata ñuca ricuchishpaca ima shina cashcatatajmi ricuchini. Chashna rurangapajca mana ñucallachu cani, ñucata cachaj Yayahuanmi cani.

Juan 8:29

Ñucata cachaj Yayaca ñucahuanmi. Ñucaca pai munashcallatami rurani. Chaimantami ñucallataca mana saquin– nircami.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

Hebreos 5:7

Cristoca cai pachapi causacushpaca jatunta caparishpa, huacashpa, rogashpami huañuimanta cacharichij Diosta mañarca. Chashna manchaihuan cazuj cajpimi pai mañashcataca Diosca uyarca.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.

1 Juan 4:14

Cai pachapi causajcunata Quishpichij cachun, Yayaca paipaj Churita cachashcatami ricurcanchij. Chaitami ñucanchijca huillacunchij.