Juan 11:40 - Dios Rimashca Shimicunami

⁴⁰ Jesusca: –Can crishpaca Taita Diosca tucuita rurai tucuj cashcata ricunguimi nishpa ¿manachu nircani?– nircami.

Mushuj Testamento Diospaj Shimi

⁴⁰ Chashna nijpi Jesusca: —¿“Can crishpaca, Taita Dios rurai tucushcata ricunguimi” nircanitaj shiná?— nircami.

Juan 11:40 Iomraidhean Croise

2 CRÓNICAS 20:20

Chai cayandij tutamanta jatarishpaca, Judá llajtamanta tandanacushcacunandij, Jerusalenpi causajcunandijmi Josafatca, Tecoa shitashca pambaman rirca. Chaiman ricushpami paica shayarishpa cashna nirca: “Judá llajtamanta tandanacushcacunapish, Jerusalenpi causajcunapish uyaichij. Cancunata Mandaj Taita Diospi shunguta churaichij. Ima mana tucunguichijchu, pai ima nishcata huillajcuna huillashcatapish crichij, mishanguichijtajmi” nircami.

SALMOS 63:2

Quiquin tucuita rurai tucuj cashcata, quiquin sumaj cashcata Diospajlla huasipi ricushca shinallataj ricungapajmi mashcacuni.

SALMOS 90:16

Quiquin rurashcacunataca quiquinpajta rurajcunaman ricuchiyari. Quiquin sumaj cashcahuanca paicunapaj huahuacunapaj jahuapi cayari.

ÉXODO 16:7

Mandaj Diosca cancuna paita juchachishpa rimacushcatami uyashca. Cunan pacarijpica Mandaj Dios tucuita rurai tucuj cashcatami ricunguichij. Shina cajpica ñucanchijca ¿imataj canchigari cancuna juchachishpa rimachunca?– nircami.

Mateo 17:20

Jesusca paicunataca: –Cancunaca ashallata crijcuna cashcamantami mana llujshichi tucushcanguichij. Cashnatajmi nini: Uchilla mostaza muyu shinallatapish crinata charishpaca, cai urcutapish: “Caimanta chaiman ri” nijpica, rinmanmi. Imapish mana sinchi canmanchu.

Marcos 9:23

Jesusca: –¿Canca cringuichu? Pipish crijpajca, tucui imapish jahuallami– nirca.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 11:4

Chaita Jesús uyashpaca: –Chai ungüica mana huañunapajchu. Ashtahuanpish Taita Dios tucuita rurai tucuj cashcata ricuchinapajmi. Taita Diospaj Churipish chai ungüimantami jatunyachishca canga– nircami.

Juan 12:41

Isaiasca Jesustaca tucuita rurai tucuj cashcata ña ricushcamantami chashna nirca.

Juan 9:3

Shina nijpi Jesusca: –Paipish, paipaj yaya mamapish mana juchallircachu. Ashtahuanpish Taita Diosca pai rurai tucushca cai runapi ricurichunmi chashnaca huacharirca.

Romanos 6:4

Bautizarishcamantami paipaj huañuipi paihuan pambashca canchij. Ima shinami Yayapaj sumaj poderhuan Cristoca huañushcacunapaj chaupimanta causarirca, chashnallataj ñucanchijpish mushuj causaipi causashunchij.

2 Corintios 3:18

Chaimi tucui ñucanchijca, ña mana ñahuita tapashca shina ricushpa, Mandaj Jesús sumaj cashcataca, espejo shina ricuchicunchij. Mandaj Jesuspaj Espiritullatajmi ñucanchijtaca, pai sumaj caj shina tucungacama ashtahuan ashtahuan shujtajyachicunlla.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.