Juan 11:38 - Dios Rimashca Shimicunami

³⁸ Jesusca cutinllataj yallitaj llaquirishpami Lazarota churashca jutcuman shamurca. Chai jutcuca, jatun rumihuan huichcashcami carca.

Mushuj Testamento Diospaj Shimi

³⁸ Jesusca cutintaj anchata llaquirishpami, Lazarota churashca jutcuman cʼuchuyarca. Chai jutcuca, quinriman allashca, jatun rumihuan huichcashcami carca.

Juan 11:38 Iomraidhean Croise

GÉNESIS 23:19

Chai q'uipami Abrahamca, pai randishca Macpela shuti allpapi tiyaj jutcupi paipaj huarmi Sarataca pambarca. Chai allpaca Mamre pueblomanta inti llujshinmanmi. Chai Mamre pueblollatatajmi Hebrón nincuna. Chai Hebrón puebloca Canaán llajtapimi.

ISAÍAS 22:16

Canca ¿imatataj caipica charinguiyari? ¿Pitataj caipica charinguiyari? ¿Ima nishpataj canta churana jutcutaca caipi rurarcanguiyari? Lomapi jutcuta rurajcuna shinami rurashcangui. Rumi urcupi causana jutcuta rurajcuna shinami rurashcangui.

EZEQUIEL 21:6

Huañujlla aichayuj runalla, paicuna ricucujpi tucui aicha nanarishpa manchanayajta huacangui.

EZEQUIEL 9:4

Mandaj Diosca chai runataca cashnami nirca: “Jerusalén puebloman rishpa, chai pueblopi causajcuna yallitaj millaita rurashcamanta huacashpa capariricujcunata frentepi señalta churagri” nircami.

Mateo 27:60

paita pambanapaj sinchi q'uillinpi quinriman jutcushca mushuj jutcupimi Jesuspaj cuerpotaca churarca. Jatun rumita jutcu punguman singuchishpa huichcashpaca rircallami.

Mateo 27:66

paicuna rishpaca, jutcu punguta alli allichishpa, rumihuan huichcashpami sellashpa churashpa, chai soldadocunataca cuidachun churarcacuna.

Marcos 15:46

Joseca shuj linsota randishpami, Jesuspaj cuerpota uricuchishpaca linsohuan pilluchirca. Chaimantaca sinchi q'uillinpi quinriman jutcushcapi churashpami, jatun rumita singuchishpa jutcutaca huichcarca.

Marcos 8:12

Chaimi Jesusca shungu llujshishpa: –Cai punllacunapi causajcunaca ¿ima nishpataj milagrota rurachun nincunachu imamí? Paicunamanca ima milagrota manataj ricuchishcachu canga. Chashnatajmi canga– nirca.

Lucas 24:2

Paicunaca jutcu pungupi churashca rumitaca ladoman churashca cashcata ricushpa,

Juan 11:33

Chashna nishpa María huacajpi, paita catishpa shamuj judiocunapish huacajta ricushpa Jesuspish yallitaj llaquishpa llaquinachishpami,

Juan 20:1

Semana callari tutamanta manaraj alli pacarijpimi, Magdalamanta Mariaca, Jesusta pambashca jutcuman rirca. Chaiman chayashpaca, jutcumanta rumita anchuchishcatami ricurca.