Juan 11:36 - Dios Rimashca Shimicunami

³⁶ Chaita ricushpami judiocunaca: –¡Riquichij, ima shinami Lazarotaca c'uyashca!– nircacuna.

Mushuj Testamento Diospaj Shimi

³⁶ Chaimantami judiocunaca: —Riquichij, Lazarotaca yallitajmari cʼuyashca— nircacuna.

Juan 11:36 Iomraidhean Croise

Juan 11:19

Chaimantami Martata, Mariatapish paicunapaj turi huañushcamanta llaquilla cajpi cushichingapaj achca judiocuna shamushca carca.

Juan 11:3

Chai panicunami Jesuspajmanca: –Mandaj Jesús, can c'uyashca Lazaroca ungushcamari– nishpa huillachun cacharcacuna.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Efesios 5:25

Cristoca tandanacushca crijcunata c'uyashpami, paillataj curirca. Chai shinallataj cusacunapish, quiquin huarmicunata c'uyaichij.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.