Juan 11:32 - Dios Rimashca Shimicunami

³² Mariaca Jesuspajman chayashpaca paipaj ñaupajpi cungurishpami: –Mandaj Jesús, can caipi cashca cajpica, ñuca turica mana huañunmanchu carca– nirca.

Mushuj Testamento Diospaj Shimi

³² María Jesuspajman chayashpaca, Paipaj ñaupajpi pambaman cumurishpami: —Apunchij Jesús, Can caipi cashca cajpica, ñuca turica mana huañunmanchu carca— nirca.

Juan 11:32 Iomraidhean Croise

Lucas 17:16

Paica, Jesuspaj ñaupajpi cungurishpa, pambacama cumurishpami pagui nicurcalla. Chai runaca, Samariamantami carca.

Lucas 5:8

Chaita ricushpa Simón Pedroca Jesuspaj ñaupajpi cungurishpami: –Mandaj Jesús, juchasapa runami cani, ñucamanta anchuripai– nirca.

Lucas 8:41

Jesús chaipi cajpica sinagogapi pushaj Jairo shuti runa shamushpami, Jesuspaj ñaupajpi cungurishpa ñuca huasiman jacu nishpa rogarca.

Juan 11:2

(Chai ungushca Lazaropaj pani Mariami Mandaj Jesustaca mishquijllata ashnacujhuan chaquipi tallishpa paipaj ajchahuan chaquichirca).

Juan 11:21

Martaca Jesustaca: –Mandaj Jesús, can caipi cashca cajpica, ñuca turica mana huañunmanchu carca.

Juan 11:37

Chaipi cajcunamanta maijancunaca: –Paica, ñahui mana ricujtapish alliyachircamari. Pai caipi cashpaca Lázaro ama huañuchunpish imallatapish ruranmanmi carca– nircacunami.

Juan 4:49

Chaimi jatun mandaj churashca mandajca: –Amito, ñuca churi manaraj huañujpi jacupai– nircami.

Apocalipsis 22:8

Ñucaca Juanmi cani. Ñucami caicunataca uyarcani, ricurcani. Chashna uyashca, ricushca q'uipaca ñucaman ricuchij angelta adorasha nishpami paipaj ñaupajpi cumurircani.

Apocalipsis 5:14

Chaipica chai causaiyuj chuscucunapish: “¡Chashnataj cachun!” nijpica ishqui chunga chuscu ancianocunapish cungurishpa cumurishpami, huiñai huiñaita causacujta adorarcacuna.

Apocalipsis 5:8

Librota ña japijpica, causaiyuj chuscucuna, ishqui chunga chuscu ancianocunapishmi, Ovejapaj ñaupajpi cungurircacuna. Chai ancianocunaca tucuicunami arpacunata, inciensohuan junda curi copacunatapish charicurcacuna. Chai inciensoca jucha illajcuna Diosta mañashcacunami.