Juan 11:25 - Dios Rimashca Shimicunami

²⁵ Jesusca: –Ñucami causachijpish, causaiyujpish cani. Maijanpish ñucata crijca, huañushca cashpapish causaringami.

Mushuj Testamento Diospaj Shimi

²⁵ Shina nijpi Jesusca, cashnami nirca: —Ñucamari causachijpish, causaita cujpish cani. Maijanpish Ñucata crijca, huañushca cashpapish causangami.

Juan 11:25 Iomraidhean Croise

SALMOS 36:9

Causaita cuj pugyu yacuca quiquinpimi. Quiquinpaj luzpimi luzta ricui tucunchij.

ISAÍAS 26:19

Cambaj caj huañushcacunaca causaringacunami. Huañushca aichacunaca jataringacunami. Ñutu allpapi causacujcuna rijcharichij, cantaichij. Quiquin causachijpica huañushcacunaca, ñutu tamya shamujpi llullu granocuna huiñaj shinami allpamanta llujshingacuna. Allpaca paipi caj huañushcacunata tigrachingami.

ISAÍAS 38:16

Jatun Dioslla, runacunaca tucui chaicunallahuantajmi causancuna. Tucui ñuca causaipimi chashnallataj cani. Quiquinllatajmi ñucataca ungüimanta alliyachishpa causaita cungui.

Lucas 23:43

Jesusca: –Cunanllatajmi paraisopi ñucahuan cangui. Chashnatajmi canga– nirca.

Juan 1:4

Paipimi causaica tiyarca. Chai causaimi, runacunapaj luz carca.

Juan 14:19

Cai pachapaj cajcunaca ashacamallami ñucataca ricungacuna. Chai q'uipaca ña mana ashtahuan ricungacunachu. Cancunaca ñucataca ricunguichijmi. Ñuca causacushcamanta, cancunapish causacunguichijllami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Juan 3:36

Maijanpish Churita crijca, huiñai causaitami charin. Ashtahuanpish Churita mana crijca, huiñai causaitaca mana charinchu. Taita Diosca paitaca p'iñacunllami.

Juan 5:21

Ima shinami Yayaca, huañushcacunataca causaita cushpa causachin, chashnallatajmi Churipish pai cusha nishcacunaman causaita cun.

Juan 5:26

Yayaca paillapitajmi causaita charin. Shinallatajmi Churimanpish, paillapitaj causaita charichun curca.

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

Juan 6:44

Ñucata cachaj Yaya mana pushamujpica, ñucapajmanca pi mana shamui tucunchu. Paicunataca tucuri punllapica causachishami.

Hechos 3:15

Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij.

Romanos 4:17

Cashnami quillcashca tiyacun: “Cantaca, achca mama llajtacunapaj yaya cachunmi churarcani” ninmi. Chashna nishca shinallatajmi, pai crishca Diospaj ñaupajpica tucuicunapaj yaya. Diosca huañushcacunaman causaita cujpish, ima manaraj tiyajtapish tiyachun nijmi.

Romanos 8:2

Cristo Jesuspi causaita cuj Espíritu mandashcami, ñucataca juchapajta rurachijmanta, huañuimantapish cacharichirca.

1 Corintios 15:18

Shina cajpica Cristopi huañushcacunapish chingarishcacunallatajmi canman.

1 Corintios 15:29

Huañushcacuna causarina manataj tiyajpica, huañushcacunapaj randi bautizarijcunaca ¿imatataj rurangacuna? Huañushcacunapaj randica ¿imapajtaj bautizarincunamanri?

2 Corintios 4:14

Mandaj Jesusta causachij Taita Diosllataj ñucanchijtapish, Jesusta shinallataj causachishpa, cancunandij paipaj ñaupajman pushana cashcataca yachanchijmi.

Filipenses 1:23

Chai ishquindij yuyaicunami ñucataca llapiracun. Shina cajpipish, Cristohuan cangapaj huañushpa rinami ñucapajca yallitaj alli.

Filipenses 3:10

Cristota, paita causachij podertapishmi ashtahuan rijsisha nini. Pai shinallataj tucungacamami llaquicunata apashpa, pai shinallataj huañusha nini.

1 Tesalonicenses 4:14

Jesús huañushpa causarishcatami ñucanchijca crinchij. Chai shinallatajmi Jesusta crij huañushcacunatapish Taita Diosca causachinga.

Apocalipsis 1:18

cunan causacujca huañurcanimi. Ashtahuanpish cunanca huiñai huiñaitami causacuni. Chashnatajmari cani. Huañuipajpish, Hadespajpish llavecunataca ñucami charicuni.

Apocalipsis 20:5

Shina cajpipish caishuj huañushcacunaca huaranga huatacuna pajtangacama mana causarircachu. Caica punta causarinami.

Apocalipsis 21:4

Diosca paicunapaj ñahuicunamantaca, tucui huiquitami p'ichanga. Ñaupa tucui imalla tiyajcunaca, ña mana tiyashcamanta huañuipish, huacaipish, llaquipish, nanaipish ña mana ashtahuan tiyangachu” nircami.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.