Juan 11:24 - Dios Rimashca Shimicunami

²⁴ Chashna nijpi Martaca: –Huañushcacuna causarina punllapi paipish causarina cashcataca yachanimi– nijpimi,

Mushuj Testamento Diospaj Shimi

²⁴ Chashna nijpi Martaca: —Tucuri punllapi, huañushcacuna causarina punllapi causarina cashcataca yachanitajmari— nircami.

Juan 11:24 Iomraidhean Croise

SALMOS 17:15

Ñucaca can cashcata rurajta rurashcamantami cambaj ñahuitaca ricusha. Ñuca dormicushcamantaca canman rijchaj jatarishpami cushicusha.

ISAÍAS 25:8

Mandaj Jatun Diosca, huañuitapish huiñaipajmi chingachinga. Tucuicunapaj ñahuimantami huiquicunata chaquichinga. Tucui cai pachapi causaj pai agllashcacunapaj pingai canatami anchuchinga. Mandaj Diostajmi chashna nin.

ISAÍAS 26:19

Cambaj caj huañushcacunaca causaringacunami. Huañushca aichacunaca jataringacunami. Ñutu allpapi causacujcuna rijcharichij, cantaichij. Quiquin causachijpica huañushcacunaca, ñutu tamya shamujpi llullu granocuna huiñaj shinami allpamanta llujshingacuna. Allpaca paipi caj huañushcacunata tigrachingami.

OSEAS 13:14

Seolpaj maquimantami quishpichisha. Huañunamantami quishpichisha. Chaipica huañui, ñucami canta huañuchijca cani. Seol canta chingachijca ñucami cani. Llaquij canaca ñuca ñahuimantaca anchunmi nishami.

OSEAS 6:2

Ishqui punlla q'uipaca causaita cungami. Quimsa punllapica jatarichingami. Paipaj ñaupajpimi causashun.

Lucas 14:14

Paicuna mana tigrachi tucushcamantaca Taita Diosmi cantaca cushichinga. Ashtahuanpish cashcata rurajcuna causari punllapimi can cushcamantaca Taita Diosca cunga– nircami.

Juan 11:23

Jesusca: –Cambaj turica causaringami– nirca.

Juan 6:39

Ñucata cachaj Yayaca, pai agllashpa cushcacunataca shujllatapish chingachichunca mana munanchu. Ashtahuanpish shamuj punllapi causachichunmi munan.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Hechos 24:15

Ima shinami paicunaca, tucui huañushcacunatami cashcata rurajcunatapish, mana cashcata rurajcunatapish Taita Dios causachinga nincuna. Ñucapish chai yuyaillatajmi cani.

Hebreos 11:35

Crishcamantami huarmicunapish paicunapaj familiacuna huañushca cajpipish causachishcata chasquircacuna. Shinallataj shujtajcunaca jatun llaquita apacushpapish, Dios causachijpi ashtahuan alli causaita japina yuyailla cashcamantami, cacharishun nijpipish mana nishpa huañurcacuna.