Juan 11:19 - Dios Rimashca Shimicunami

¹⁹ Chaimantami Martata, Mariatapish paicunapaj turi huañushcamanta llaquilla cajpi cushichingapaj achca judiocuna shamushca carca.

Mushuj Testamento Diospaj Shimi

¹⁹ Chaimantami Martatapish, Mariatapish turi huañushcamanta llaquilla cajpi, achca judiocuna ricunaman shamushca carca.

Juan 11:19 Iomraidhean Croise

GÉNESIS 37:35

Chaimi Jacobtaca churicunapish ushushicunapish cushichishun nishpa tucuicuna c'uchuyashpa sumajta rimarcacuna. Ashtahuanpish Jacobca imata mana uyasha nishpami paicunataca: “¡Ñucaca, seolpi ñuca churihuan tandanacugringacamami llaqui churanata churashca causasha!” nishpami huacarca.

2 SAMUEL 10:2

Chaimi Davidca: “Ñucami Nahaspaj churi Hanunhuanca paipaj yaya ñucahuan alli cashca shinallataj paihuanpish llaquishcata ricuchigrini” nishpami, paipaj yaya huañushcamanta cushichingapaj Davidca paipajta ruraj maijancunata cacharca. Davidpajta rurajcuna amonitacunapajman chayajpica,

1 CRÓNICAS 10:12

tucui c'ari c'ari runacuna jatarishpa Saulpaj cuerpotapish, paipaj churicunapaj cuerpocunatapish chai Jabes Galaadman apashpa paicunapaj tullucunataca Jabes pueblopi caj encina yura ucupi pambashpa canchis punllacunata ayunarcacuna.

JOB 2:11

Job runahuan alli apanacuj quimsa runacunaca, shujca Temanmanta Elifaz shutimi carca. Caishujca, Suamanta Bildad shutimi carca, caishujca Naamamanta Zofar shutimi carca. Chai runacunaca, Job llaquita apacun nijta uyashcahuanmi, quiquin llajtapi causacushcamanta tandanacushpa llaquijcuna cashcata ricuchingapaj cushichinaman shamurcacuna.

JOB 42:11

Chaita ricushpami, paipaj huauquicunapish, panicunapish, tucui ñaupa rijsishcacunapish, paipaj huasiman shamushpa paihuan micurcacuna. Mandaj Dios paiman llaquicunata cachashcamanta, llaquirishcata ricuchishpa cushichingapajmi shamurcacuna. Paicunaca tucuicunami shuj cullquitapish, shuj curi sortijastapish cungapaj apamurcacuna.

ECLESIASTÉS 7:2

Jatun micuita ruracun huasiman rinapaj randica, huañui tiyashca huasipi compañanaman rinami alli. Cai pachapi causajcunapajca, chai punllami tucui imapish tucurin. Causaj runaca chaita ricushpami yuyaringa.

ISAÍAS 51:19

Cai ishqui jatun llaquimari cantaca japirca: Ñutuchishca chingachishca cashpa yaricaihuan cana, espadahuan huañuchishca canami tucushca. ¿Pitaj cantaca llaquingari? ¿Pitaj cantaca cushichingari?

LAMENTACIONES 1:16

Ñucata ayudashpa, ñuca almata samachijca ñucamanta caruyashcamari. Ñuca huahuacunatapish p'iñajcuna shamushpa, tucuicunata huañuchincunaca. Chaimantamari huacani, ñuca ñahuicunamantaca huiquica yacu shina llujshicunllamari.

LAMENTACIONES 1:2

Tutacunaca jatunta caparirishpamari huacan. Quijados uritaca huiqui manataj chaquinchu. Paita c'uyajcunaca pi mana cushichinaman shamunchu. Paihuan apanacunata saquishpamari, cunanca paita p'iñajcuna tucushca.

LAMENTACIONES 1:21

Aij nishpa ñuca huacajta uyashpapish, ñucata ayudanaman pi mana shamunchu. Ñucata p'iñajcunaca tucuicunami cashna llaquihuan cajtaca yachancuna. Ñucata can llaquichishcamantaca cushicuncunami. Paicunapajpish cachasha nishca llaquita can cachai punllaca, paicunapish ñuca shinallatajmi tucungacuna.

LAMENTACIONES 1:9

Millaita rurashpami paipaj churanatapish mapayachirca. Cai jatun llaqui japinataca mana yuyarcallapishchu. Chaimantamari cashna jatun mancharina tucushca. Cunanca pi mana cushichinaman shamunchu. Mandaj Dioslla, jatun llaquipimari cani, ricuhuayari. P'iñajcunaca jatun tucuncunamari.

LAMENTACIONES 2:13

Jerusalenpi causajcunalla, cancunata ricuchunca ¿pitataj pushamushari? ¿Mana cashpaca pihuantaj cancunataca ch'imbapurashari? Siónpi causajcunalla, cancunataca ¿piman rijchashcata nishpataj cushichishari? Mama cucha shina jatun llaquimari cancunataca japishca. ¿Pitaj chaitaca alliyachi tucungari?

Lucas 10:39

Martaca, María shuti shuj ñañatami charirca. Mariaca, Jesuspaj ñaupajpi tiyarishpami, pai yachachishcata uyacurca.

Lucas 10:42

Ashtahuanpish shujllata ruranamari alli. Mariaca ashtahuan allitami agllashca, chaitaca pi mana quichungachu– nirca.

Juan 1:19

Jerusalenpi causaj judiocunami curacunatapish, levitacunatapish: –¿Canca pitaj cangui?– nishpa Juanta tapuchun cachajpi, Juanca cashna nirca:

Juan 11:1

María, Marta causan Betania pueblopica paicunapaj turi Lazaromi ungushca carca.

Juan 11:31

Mariataca huasimanta callpashpa llujshishpa rijta ricushpami, paita cushichinaman shamushpa paipaj huasipi tiyacuj judiocunaca, jutcupimari huacagrin ninacushpa paita catishpa shamurcacuna.

Juan 11:33

Chashna nishpa María huacajpi, paita catishpa shamuj judiocunapish huacajta ricushpa Jesuspish yallitaj llaquishpa llaquinachishpami,

Juan 11:36

Chaita ricushpami judiocunaca: –¡Riquichij, ima shinami Lazarotaca c'uyashca!– nircacuna.

Juan 11:45

Jesús chashna rurajta ricushpaca, Mariata cushichinaman shamushca judiocunapuramantaca achcacunami Jesusta crircacuna.

Juan 11:8

yachacujcunaca: –Yachachij, sarunllatajmi judiocunaca rumicunahuan shitashun nircacuna. ¿Cutinchu chaiman risha ningui?– nircacuna.

Romanos 12:15

Cushicujcunahuanca cushicuichij, huacajcunahuanca huacaichij.

2 Corintios 1:4

Paimi tucui ñucanchij llaquicunapipish cushichin. Shujtajcuna ima llaquipi cajpipish, Dios ñucanchijta cushichishca shinallataj cushichichunmi, ñucanchijtaca chashna cushichin.

1 Tesalonicenses 4:18

Chaimanta chai shimicunahuan caishuj chaishuj cushichinacuichij.

1 Tesalonicenses 5:11

Ima shina cunan ruracushca shinallataj, caishuj chaishujta animachichij caishuj chaishujta sinchiyachichij.

1 SAMUEL 31:13

Paicunapaj tullucunata japishpaca, Jabes pueblopi tiyaj shuj yura ucupi pambashpami canchis punllata ayunarcacuna.