Juan 11:11 - Dios Rimashca Shimicunami

¹¹ Chashna nishca q'uipaca Jesusca: –Ñucanchij c'uyashca Lazaroca dormicunmi. Paita rijchachinamanmi rigrini– nijpimi,

Mushuj Testamento Diospaj Shimi

¹¹ Caitapishmi nirca: —Ñucanchijhuan apanacuj Lazaroca dormicunmari, paita rijchachinamanmi rigrini— nirca.

Juan 11:11 Iomraidhean Croise

2 REYES 4:31

Chaimi Eliseoca jatarishpa chai huarmindij q'uipata rirca. Giezi runaca paicunapaj ñaupa rishpami, chai huambrapaj ñahui jahuapi Eliseopaj taunata churarca. Huambraca mana rimarcachu, samaillapish mana llujshircachu. Chaimi chai runaca Eliseohuan tupangapaj shamushpaca: –Huambraca mana rijcharinchu– nirca.

2 CRÓNICAS 20:7

Ñucanchij Dioslla, canmari cai llajtapi causajcunataca, can agllashca israelcunapaj ñaupajpi shamushpa cai llajtamanta llujshichishpa cachashcangui. Chashna rurashpaca cai llajtataca, cutinca ama shujtajcunapaj cachunmi canhuan alli apanacuj Abrahampaj huahua huahua israelcunaman cushcangui.

ÉXODO 33:11

Mandaj Diosca Moiseshuanca maijan paihuan alli apanacujhuan rimacuj shinami ñahui ñahui rimaj carca. Chai q'uipaca Moisesca, carpa huasicunaman tigrajllami carca. Moisespajta ruraj Nunpaj churi Josueca, Diospaj carpa huasimantaca manataj anchurijchu carca.

ISAÍAS 41:8

“Israelcunalla cancunaca ñucapajta rurajcunamari canguichij. Jacob cantaca ñucahuan alli apanacuj Abrahampaj huahua huahuapuramantamari agllarcani.

DANIEL 12:2

Chai punllacunapica huañushcacunapish causachishcami canga. Shujcunaca huiñai causaipajmi causachishca canga. Caishujcunaca huiñaita pingaichishca, muspachishca cangapajmi causachishca canga.

Mateo 27:52

Pambashca jutcu pungucuna pascarijpi, Dios agllashca huañushcacunapaj cuerpocunapish, achcacunami causarirca.

Mateo 9:24

Jesusca –Caimanta llujshichij, huambraca mana huañushcachu, dormicunllami– nijpimi paitaca asircacuna.

Marcos 5:39

Huasiman yaicushpaca: –¿Imamantataj yallitaj bullashpa huacacunguichij? Huambraca mana huañushcachu, ashtahuanpish dormicunllami– nircami.

Juan 11:10

Ashtahuanpish tutapi purijca, luz paipi mana tiyashcamantami ñitcanlla– nircami.

Juan 11:12

paipaj yachacujcunaca: –Mandaj Jesús, dormicushpaca alliyangallami– nircacuna.

Juan 11:13

Chashna nishpaca Jesusca Lazaroca huañushcami nisha nircami. Ashtahuanpish paicunaca dormishpa samaricujllapimi, chashna nicun yuyarcacunami.

Juan 11:3

Chai panicunami Jesuspajmanca: –Mandaj Jesús, can c'uyashca Lazaroca ungushcamari– nishpa huillachun cacharcacuna.

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.

Hechos 7:60

Chaipi cungurishpa sinchita caparishpaca: “Jatun Dioslla, paicuna cashna millaita ruracushcata ama yuyaringui” nishpaca huañurcallami.

1 Corintios 15:18

Shina cajpica Cristopi huañushcacunapish chingarishcacunallatajmi canman.

1 Corintios 15:34

Alli yuyaihuan chapaichij, ama juchallichijchu. Cancunamanta maijancunaca Diosta mana rijsinguichijchu. Cancuna pingarichunmi chashnaca nini.

1 Corintios 15:51

Cancunamanca pi mana yachashcatami huillasha nini: Mana tucuicuna huañushunchu, ashtahuanpish tucuicunami shujtajyachishca cashun.

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.

DEUTERONOMIO 31:16

Chaipimi Mandaj Diosca Moisestaca: “Riqui, canca ñami cambaj yayacunahuan samarigringui. Cai israelcunaca paicuna causagricun llajtaman rishpa chai llajtapi tiyaj shujtaj dioscunata catishpami chai dioscunahuan huainayangacuna. Chaipica ñucata mana valichishpami ñucamanta anchurishpa, ñuca paicunahuan ari ninacushcatapish p'aquingacuna.

1 Tesalonicenses 5:10

Causajcunapish, ña huañushcacunapish, paihuan tandalla causachunmi, paica ñucanchijmanta huañurca.

Santiago 2:23

Chaita pajtachishcatami Quillcachishcapica: “Abrahamca Diostami crirca. Chaimi cashcata rurajta shina chasquirca, Diospaj amigo nishcapishmi tucurca” nicunmi.