Juan 10:7 - Dios Rimashca Shimicunami

⁷ Jesusca entendichingapajmi cutin cashna parlarca: –Ñucaca ovejacunapaj pungumi cani. Chaica chashnatajmi.

Mushuj Testamento Diospaj Shimi

⁷ Chaimantami, Jesusca cutin cashna nirca: «Ñucami ovejacuna yaicuna Pungu cani, chaica chashnatajmari.

Juan 10:7 Iomraidhean Croise

SALMOS 100:3

Mandaj Diosca Diostaj cashcata yuyarichigari. Paimari ñucanchijtaca rurarca. Mana ñucanchijllataj rurarircanchijchu. Ñucanchijca paipajcunamari canchij, paipaj michina pambacunapi caj ovejacunami canchij.

SALMOS 79:13

Ñucanchijca quiquinpajcunami canchij. Quiquinpaj michina pambacunapi micuj ovejacunami canchij. Quiquintaca huiñaitami alabacushunlla. Ñucanchijca huahua huahuacunami quiquinta cantanacunataca cantacushunlla.

SALMOS 95:7

Paica ñucanchij Taita Diosmari. Ñucanchijca paipaj michina pambacunapi causaj gentecunamari canchij. Paipaj maquipi caj ovejacunamari canchij. Cunan paipaj rimashcata uyashcataj cashpaca:

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

EZEQUIEL 34:31

Ñuca q'uihuapi micuj ñuca ovejacunalla, cancunaca huañujlla runacunallamari canguichij, ñucaca cancunapaj Taita Diosmari cani ninmi Mandaj Jatun Diosca ni” nircami.

EZEQUIEL 36:38

Jatun fiesta punllacunapi Jerusalenman apamushca ñucapajlla ovejacuna shinami, israelcunaca shitashca pueblocunapica jundanga. Chaita ricushpami ñucataca, Mandaj Diostaj cashcataca yachangacuna ninmi ni” nircami.

Juan 10:1

Maijanpish ovejacunapaj corralman punguta mana yaicushpa, shujtajta yaicujca shuhuami, chapashpa huañuchijmi. Chaica chashnatajmi.

Juan 10:9

Ñucaca pungumi cani: Maijanpish ñucamanta yaicujca quishpichishcami canga. Paica yaicui tucunmi, llujshi tucunmi, micunatapish charingami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Efesios 2:18

Paimantami caishujpish, chaishujpish shuj Espiritullamanta Yayapajman yaicunata charinchij.