Juan 10:6 - Dios Rimashca Shimicunami

⁶ Cai shina parlota Jesús ch'imbapurashpa parlajpica, fariseocunaca imata nisha nishcata mana entendircacunachu.

Mushuj Testamento Diospaj Shimi

⁶ Jesús cai parlohuan yuyachijpica, paicunaca imata nisha nishcata mana entendircacunachu.

Juan 10:6 Iomraidhean Croise

SALMOS 106:7

Ñucanchij ñaupa yayacunaca, Egiptopica quiquin mancharinacunata rurashcataca mana entendircacunachu. Paicunata yallitaj llaquij cashcatapish mana yuyarircacunachu. Ashtahuanpish paicunaca Puca Cucha c'uchupica, quiquinta c'ariyarcacunami.

SALMOS 82:5

Mana yachancunachu, mana entendincunachu. Yallitaj amsapimi purincuna. Tucui allpata aparij rumicunapish chujchuncunamari.

PROVERBIOS 28:5

Millai shungu runacunaca cashcata ruranataca mana yachancunachu. Ashtahuanpish Mandaj Dios yuyailla causajcunaca, chaita ruranataca tucuitami yachan.

ISAÍAS 56:11

Chai allcucunaca micunatatajca mashnata micushpapish, manataj sajsajcunami. Michijcunapish chai shinallatajmi alli cashcata mana alli cashcata agllanata mana yachancuna. Tucui paicunami paicunapaj quiquin ñanta catinllacuna. Tucuicunami paicunapaj alli canallata mashcancuna. Paicunapaj alli canapajllami imatapish rurancuna.

DANIEL 12:10

Tucui chaicunahuanca achcacunami yurajllata, mapa illajllata rurashpa chuyajllata rurashca cangacuna. Diosta mana rijsijcunaca, Diosta mana rijsij shinallatajmi rurangacuna. Diosta mana rijsijcunaca, pi mana entendingacunachu. Ashtahuanpish entendijcunallami, caicunataca entendingacuna.

Mateo 13:34

Jesusca tucui caicunataca, yuyachij parlocunallahuanmi chaipi cajcunamanca parlarca. Yuyachij parlocuna illajllaca, mana parlarcachu.

Mateo 13:51

Chai q'uipami Jesusca: –Cai tucui yachachishcacunataca ¿allichu entendircanguichij?– nijpi paicunaca: –Ari, amito– nircacuna.

Marcos 4:34

Yuyachij parlocuna illajllaca mana parlarcachu. Chai parlocuna imata nisha nishcataca paipaj yachacujcunallamanmi alli huillarca.

Juan 16:25

Caicamaca cancunamanca parlocunahuan ch'imbapurashpallami parlarcani. Ña mana parlocunallahuan ch'imbapurashpa huillanami chayamucun. Chaimanta ñuca Yayamantaca cancunamanca allitajmi huillasha.

Juan 16:29

yachacujcunaca: –Cunantajca parlocunahuan ch'imbapurashpalla mana parlashpa allimari huillangui.

Juan 6:52

Chaimi judiocunaca: –Caica, ¿Ima shinataj paipaj quiquin aichataca ñucanchij micuchunca carangari?– nishpami, paicunapura rimanacurcacuna.

Juan 6:60

Jesús chashna nijta achca paita catijcuna uyashpaca: –Cai yachachishcaca sinchimari. ¿Pitaj uyasha ningari?– nircacunami.

Juan 7:36

Paica: “Ñucataca mashcanguichijmi, mashcashpapish mana japinguichijchu. Ñuca maipi canmanca, cancunaca mana shamui tucunguichijchu” nishpaca ¿imatashi nisha nin?– nircacunami.

Juan 8:27

Chaita uyajcunaca Yaya Diosmanta Jesús chashna rimacushcataca mana entendircacunachu.

Juan 8:43

¿Ima nishpataj ñuca yachachishcataca mana entendinguichigari? Cancunallataj mana uyasha nishcamantami mana entendinguichij.

1 Corintios 2:14

Ashtahuanpish aichallamanta huacharishca cajca, Diospaj Espiritupajtaca mana yachasha ninchu. Chaicunaca paipajca musparishca shina cajpimi, mana entendi tucun. Espíritu yuyachijllapimi agllai tucun.

2 Pedro 2:22

Ashtahuanpish chashna tucujcunaca: “Allcuca, pai shungu tigrashcatami tigra micun. Armachishca c'uchipish, cutinllatajmi guzupi singurin” nishcami pajtan.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.