Juan 10:4 - Dios Rimashca Shimicunami

⁴ Paipaj ovejacunata canllaman tucuicunata llujshichishpaca, paicunata ñaupashpami rin. Ovejacunaca michijpaj rimaita rijsishcamantami paita catinllacuna.

Mushuj Testamento Diospaj Shimi

⁴ Tucui paipaj quiquin ovejacunata canllaman llujshichishpaca, paicunata ñaupashpami rin. Ovejacunaca, michijpaj rimaita rijsishcamantaca catinllacunami.

Juan 10:4 Iomraidhean Croise

CANTARES 2:8

¡Ñuca c'uyashcapaj rimashcami uyarin! Riqui, paitajmari shamucun. Paitajmari urcucunatapish, lomacunatapish saltarishpa, tushurishpa shamucun.

CANTARES 5:2

Ñuca ñahui huichcarijpipish, ñuca yuyaica rijcharishcami carca. Ñuca c'uyashcami cashna caparicushca carca: “Ñuca panilla, ñuca c'uyashcalla, ñuca palomalla, ima pandata mana rurajlla punguta pascapayari. Ñuca umata garhua shutujyachicunca. Ñuca ajchamantapish garhua yacu shutucunca” nishpami caparicushca carca.

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Juan 10:16

Mana cai corralpi caj shujtaj ovejacunatapish charinimi. Paicunatapish pushamunami cani. Paicunapish ñuca rimaitami uyangacuna. Shuj canllallami tucunga, shuj michijllami tiyanga.

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Juan 10:3

Chai michijmanmi punguta cuidajca, punguta pascashpa ricuchin. Ovejacunaca michijpaj rimaitami uyan. Michijca paipaj ovejacunataca, shutipi cayashpami llujshichin.

Juan 10:5

Mana rijsishcataca mana catincunachu. Mana rijsishcacunapaj rimaitaca mana rijsishcamanta manchashpa maitapish rinllacunami– nircami.

Juan 10:8

Ñucapaj ñaupa shamujcunaca tucuicunami shuhuacuna, chapashpa huañuchijcuna carca. Paicunataca ovejacunaca mana uyarcacunachu.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Juan 13:15

Caitaca cancunapish ñuca rurashca shinallataj rurachunmi ricuchini. Cancunapish ñuca rurashca shinallataj ruraichij.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 3:29

Cazamento bodapi amigoca noviohuan cashpa novio rimajta uyashpaca achcatami cushicun. Noviaca noviopajmari, mana amigopajchu. Chashnallatajmi ñucaca noviopaj amigo shina cashpa, chashna nijta uyashpaca achcata cushicuni.

1 Corintios 11:1

Cristota ñuca catij shinallataj, ñucata ricushpa catichij.

Efesios 5:1

C'uyashca huahuacuna cashcamanta, Diosta ricushpa catijcuna caichij.

DEUTERONOMIO 1:30

Cancunata ñaupashpa ricuj Mandaj Dios, cancunapaj Taita Diosmi chaicunahuanca cancunapaj randi macanacunga. Egiptopi ima shinami cancunapaj ñaupajpi rurarca cunanpish chashnallatajmi ruranga.

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.

Hebreos 6:20

Chai ucumanca Jesusmi ñucanchij yaicuna ñanta pascashpa yaicushca. Chashnami Melquisedec cura cashca shinallataj curacunata jatun pushaj huiñaipaj cura tucushca.

1 Pedro 2:21

Chashna llaquita apachun cayashcacunami carcanguichij. Cristopish ñucanchijmantaca llaquita aparcami. Pai apashca shinallataj ñucanchijpish llaquita apachunmi chashna tucurca.

1 Pedro 4:1

Cristoca ñucanchijmantami paipaj aichapi llaquita aparca. Cancunapish llaquita apana yuyailla allichirichij. Maijanpish aichapi llaquita apajca, juchamantami tucui anchurishca.

1 Pedro 5:3

Cancuna cuidacushcacunataca, ama quiquin munaita rurashpa mandanguichijchu. Ashtahuanpish canlla ovejacuna ricushpa catinallata ruranguichij.