Juan 10:35 - Dios Rimashca Shimicunami

³⁵ Maijancunapajman Taita Diospaj Shimi shamushca cajpica, chaicunataca dioscunami canguichij nishpaca, pai Quillcachishcataca maita mana p'aquipajmari.

Mushuj Testamento Diospaj Shimi

³⁵ Manaca Diospaj Shimica llullangachu. Chaipica Taita Diosca, Paipaj Shimita chasquijcunatami, “Dioscunami canguichij” nishca.

Juan 10:35 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

2 SAMUEL 7:5

“Ñucapajta ruraj Davidpajman rishpa cashna nigri: Mandaj Diosca cashnami nin: Canchari ñuca causana huasitaca rurasha ningui. Ashtahuanpish mana canchu rurangui.

2 REYES 15:12

Mandaj Diosca Jehutaca: “Cambaj churicunataca chuscu huahua huahuacunacamami israelcunata mandachun saquisha” nishcami carca. Chaica chashnatajmi pajtarca.

1 CRÓNICAS 22:8

Ashtahuanpish Mandaj Dios rimashpamari ñucataca: Canca jatun macanacuicunata rurashpa achca yahuartamari jicharcangui. Cai pachapi causajcunapaj yahuarta ñuca ñaupajpi chashna achcata jichashcamantaca ñuca huasitaca mana canchu shayachingui.

2 CRÓNICAS 19:2

Pai chayajpica Hananipaj churi, Dios ricuchishcata huillaj Jehú tupanaman llujshishpami cashna nirca: “Diosta mana manchaj runatamari ayudanaman rishcangui. Mandaj Diosta p'iñajcunahuanmari apanacungui. Chashna rurashcamantaca, cunanca Mandaj Diosca canhuan p'iñarishcami.

Mateo 24:35

Jahua pachapish, cai pachapish tucuringami. Ashtahuanpish ñuca huillashca shimicunaca manataj tucuringachu.

Mateo 27:35

Jesusta chacatashpaca paipaj churanacunataca sorteashpami, soldadocunaca chaupircacuna. Profeta huillashca shinallataj: “Ñuca churanataca sorteashpami, paicunapura chaupircacuna” nishca pajtachunmi chaica tucurca.

Mateo 5:18

Jahua pachapish, cai pachapish manaraj tucurijpimi mandashcacunamanta huillashcacunaca shuj puntollapish, shuj tildellapish mana chingarishpa, chashnataj pajtanga. Chaica chashnatajmi canga.

Lucas 16:17

Jahua pachapish, cai pachapish jahualla tucuringallamari. Ashtahuanpish mandashcacunapi nishcacunaca shuj puntollapish manataj saquirishpami pajtanga.

Juan 10:34

Shina nijpi Jesusca: –Cancunata Mandashcapica: “Ñucaca cancunataca dioscunami canguichij” nishpami Taita Diosca quillcachishca.

Juan 10:36

Ashtahuanpish cancunaca: Ñuca Yaya pai munashcata rurachun ch'icanchishpa cai pachaman cachashca cajtaca ¿maitataj Taita Diosta c'amijmi ninguichigari? Ñucaca pai cachashca cashpamari “Taita Diospaj Churimi cani” nircami.

Juan 19:28

Chai q'uipaca, Jesusca ña tucuita tucuchishcata yachashpa, Quillcachishcapi nishca pajtachunmi: –¡Yacunanca!– nijpi,

Hechos 1:16

–Huauquicuna, jucha illaj Espíritu Davidta quillcachishcapi Judasmanta huillashcaca pajtanataj cashcamanta ñami pajtarca. Jesusta japijcunataca Judasmi Jesús maipi canman pushashpa rirca.

Romanos 13:1

Jatun mandajcunataca tucuicuna cazuchun. Mandajca Dios churashcamantami tiyan. Dios mana churashca mandajca, mana tiyanchu.

DEUTERONOMIO 18:15

Mandaj Dios cancunapaj Taita Diosca cancunapuramanta cancunapaj huauquicunatami ñuca shinallataj huillajta shujtajta jatarichinga. Paita uyanguichij.

1 SAMUEL 15:1

Shuj punllami Samuelca, Saultaca: –Mandaj Diosmi paipaj israelcunata jatun mandaj cachun cambaj umapi aceitehuan churachun ñucata cacharca. Cunanca Mandaj Dios rimashcata uyai.

1 SAMUEL 28:6

Saulca Mandaj Diostami tapurca. Ashtahuanpish Mandaj Diosca muscuipipish, Urimpi tapujpipish, Dios ima nishcata huillajcunata tapuchijpipish imata mana cutichircachu.

1 SAMUEL 30:8

Chaipimi Davidca: –¿Prezu apashpa ricujcunataca catishpa rishachu? ¿Paicunataca cati japishachu?– nishpa Mandaj Diosta tapujpi paica: –Catishpa rilla. Cati japinguitajmi. Paicunataca prezushpa apacushcamanta quishpichinguitajmi– nirca.