Juan 10:29 - Dios Rimashca Shimicunami

²⁹ Paicunata ñucaman cuj ñuca Yayaca tucuita rurai tucujmi. Ñuca Yayapaj maquimantaca, pi mana quichui tucunchu.

Mushuj Testamento Diospaj Shimi

²⁹ Ñucaman cuj Ñuca Yayaca, tucuicunata yalli jatunmari. Ñuca Yayapaj maquimantaca, pipish manataj quichui tucunchu.

Juan 10:29 Iomraidhean Croise

SALMOS 145:3

Mandaj Diosca jatunmari. Tucuimanta yalli jatunmi cangui nishpa alabana Taita Diosmari. Paica ñuca mana entendi tucuipaj jatunmari.

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

DANIEL 4:3

¡Pai rurashca milagrocunaca ashtahuan yallitaj jatunmi. Mancharinacunata pai rurashcaca yallitaj jatunmi! Pai mandanaca huiñaipajmi. Paica huahua huahuata mandacungallami.

MALAQUÍAS 1:14

Maijanpish c'ari animalcunata canllata charishca jahua cusha nishpapish, mana alli animaltaraj ñucaman cushpa huañuchishpa umashcamantaca, paipaj jahuallatajmi canga. Ñucaca, jatun mandajcunatapish yalli Jatun Mandajmi cani. Ñucaca, tucui llajtacunapi causajcuna manchanami cani” ninmi tucuita Mandaj Diosca.

Juan 10:28

Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Juan 10:30

Ñuca Yayapish, ñucapish shujllami canchij– nijpimi,

Juan 14:28

“Ñucaca rigrinimi, cutin cancunapajman tigramushami” nijtaca ña uyarcanguichijmi. Ñucata c'uyashpatajca, ñuca Yayapajman rigrini nijta uyashpaca, cushicunguichijmanmi. Ñuca Yayaca ñucata yallimari.

Juan 17:11

Ñucaca ña mana cai pachapichu cagrini. Paicunaca cai pachapirajmi saquirigrin. Ñucaca quiquinpajmanmi shamugrini. Jucha illaj Yayitu, ima shinami quiquinpish ñucapish shujlla canchij, chashnallataj paicunapish shujlla cachun. Quiquin ñucaman cushcacunataca quiquin tucuita rurai tucuj cashcahuan huaquichihuai.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 17:6

Cai pachapi causajcunamanta agllashpa ñucaman cushcacunamanca quiquin ima shina cashcatami huillarcani. Paicunaca quiquinpajmi carca. Quiquinpaj Shimitapish cazurcacunami.

Juan 17:9

Ñucaca paicunamantami mañacuni. Cai pachapaj cajcunamantaca mana mañanichu. Ashtahuanpish quiquin ñucaman cushcacunaca, quiquinpaj cajpimi paicunamanta mañacuni.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.