Juan 10:28 - Dios Rimashca Shimicunami

²⁸ Ñucaca paicunamanca huiñai causaitami cuni, manataj chingaringacunachu. Ñuca maquimantaca, pi mana quichungachu.

Mushuj Testamento Diospaj Shimi

²⁸ Ñucaca paicunamanca huiñai causaitami cuni, paicunaca manataj chingaringachu. Ñuca maquimantaca, pipish manataj quichungachu.

Juan 10:28 Iomraidhean Croise

JOB 17:9

Chashna cajpipish cashcata rurajca, cashcata rurashpallataj catingami. Mapa illaj maquicunahuan cajpish, paipaj fuerzataca mirachingami.

SALMOS 31:5

Ñuca espiritutaca quiquinpaj maquipimi mingani. Mandaj Diosca cashcata rurajmi cangui. Quiquinmi ñucata quishpichij cangui.

SALMOS 37:28

Mandaj Diosca, ima pandata mana rurajtami c'uyan. Paipaj agllashcacunataca mana saquinchu. Paicunataca huiñaipajmi huaquichinga. Ashtahuanpish Diosta mana rijsijcunapaj huahuacunataca ñutuchingami.

PROVERBIOS 24:16

Cashcata ruraj runaca, canchis cutin urmachijpipish, cutin jataringallami. Ashtahuanpish Diosta mana manchajcuna jatun llaquipi huashicushpaca, ña mana jataringachu.

PROVERBIOS 4:18

Ashtahuanpish cashcata rurajcunapaj causaica, pacarijpi achijlla inti llujshishpa, chaupi punllayajpi ashtahuan achijlla tucuj shinami.

ISAÍAS 27:3

“Mandaj Dios ñucami cuidaj cani. Punllapi cutin cutinmi yacutapish churasha. Pi ama llaquichichun tutai punllami cuidasha.

ISAÍAS 45:17

Ashtahuanpish israelcunaca Mandaj Diospimi huiñaipaj quishpiringacuna. Cancunaca nunca mana pingachishca canguichijchu. Nunca mana cumurichishca canguichijchu.

ISAÍAS 54:17

Canta tucuchingapaj ashtahuan ima macanacunacunata rurajpipish, cantaca chaicunaca imata mana rurai tucungachu. Canta llaquichingapaj tucui parlanacujcunatapish, canrajmi llaquipi churangui. Mandaj Diospajta rurajcuna japina cashcata japinaca, ñuca paicunata llaquimanta quishpichinami” ninmi Mandaj Diosca.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

JEREMÍAS 23:4

Paicunata ima ama manchachichun, shujllapish ama chingarichunca alli michijcunatami churasha. Ima manchai illajllami causangacuna” ninmi Mandaj Diosca.

JEREMÍAS 31:3

Mandaj Diosca achca huatacuna sirijpirajmi, ñucaman ricurishpa cashna nirca: “Ñucaca can israelcunataca huiñaita mana tucurij c'uyaihuanmi c'uyani. Chaimanta cancunataca llaquicunillami.

JEREMÍAS 31:34

Chaipica c'uchullapi causajcunapurapish, huauquindijpurapish: Mandaj Diosta rijsi nishpa yachachinacuna mana cangachu. Ñucataca uchillamantapacha jatuncunacama, tucuicunami rijsingacuna. Ñucallatajmari paicunapaj tucui juchacunata perdonasha. Paicuna mana allita rurashcataca, manataj cutinca yuyarishachu” ninmi Mandaj Diosca.

JEREMÍAS 32:40

Shinallataj paicunahuanca huiñaita paicunapaj allita ruranata manataj saquinatami ari ninacushun. Paicuna ñucamanta amataj anchurichunca, ñucata manchana yuyaitami paicunapaj shungupi churasha.

Marcos 13:22

Chai punllacunaca: “Ñucami Cristo cani” nishpa llullajcunapish, profetami canchij nishpa llullajcunapish tiyangami. Chai llullajcunaca jatun ricuchinacunata, milagrocunata rurashpami umangacuna. Taita Dios agllashcacunatapish crichi tucushpaca crichingacunami.

Lucas 23:46

Jesusca sinchita caparishpami: –Yayitu, cambaj maquipimi ñuca espirituta mingani– nishpaca huañurcallami.

Juan 10:29

Paicunata ñucaman cuj ñuca Yayaca tucuita rurai tucujmi. Ñuca Yayapaj maquimantaca, pi mana quichui tucunchu.

Juan 11:25

Jesusca: –Ñucami causachijpish, causaiyujpish cani. Maijanpish ñucata crijca, huañushca cashpapish causaringami.

Juan 14:19

Cai pachapaj cajcunaca ashacamallami ñucataca ricungacuna. Chai q'uipaca ña mana ashtahuan ricungacunachu. Cancunaca ñucataca ricunguichijmi. Ñuca causacushcamanta, cancunapish causacunguichijllami.

Juan 17:2

Quiquinca ñucataca cai pachapi tucui causajcunata mandaj cachunmi churarcangui. Maijanllata quiquin ñucaman cushcacunamanca tucuicunaman huiñai causaita cuchunmi ñucamanca curcangui.

Juan 18:9

“Ñuca Yaya ñucaman cushcacunataca, shujllatapish mana chingachircanichu” nishpa ñaupaman nishca pajtachunmi, chashnaca nirca.

Juan 3:36

Maijanpish Churita crijca, huiñai causaitami charin. Ashtahuanpish Churita mana crijca, huiñai causaitaca mana charinchu. Taita Diosca paitaca p'iñacunllami.

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Juan 5:24

Pipish ñuca shimita uyashpa, ñucata cachaj Yayata crijca huiñai causaitami charin. Huañushca cashpapish huiñai causaiman ch'imbashca cashcamanta jatun llaquimanca manataj ringachu. Chaica chashnatajmi.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Juan 6:47

Pipish ñucata crijca, huiñai causaita charintajmi. Chaica chashnatajmi.

Juan 6:68

Simón Pedroca: –Mandaj Jesús ¿pipajmantaj rishunri? Canmari huiñai causaita cuj shimicunataca charingui.

Hechos 7:59

Paicuna rumihuan shitacujpimi, Estebanca, “Mandaj Jesús ñuca espirituta chasquipai” nishpa mañarca.

Romanos 5:17

Mandashcata shuj runa p'aquishcamantami, huañuica mandai callarirca. Ashtahuanpish Diosca mana c'uyaipajta c'uyashpa yallijta cushcamantami, justificashcata chasquincuna. Chaicunami shujlla Jesucristomanta shamuj causaipica mandangacuna.

Romanos 5:2

Paita crishcamantami, mana c'uyaipajta c'uyashcata chasquishcanchij. Chaipimi sinchicuna canchij. Chaimantami Diospaj sumaj cashcata chasquina yuyailla cushicucunchij.

Romanos 5:21

Ima shinami juchaca huañuiman apangapaj mandacurca, chai shinallatajmi ñucanchij Mandaj Jesucristomantaca, mana c'uyaipajta c'uyaipish justificashcacunataca huiñai causaita cushpa huiñaipaj mandanga.

Romanos 5:9

Tucuimanta yallica Cristopaj yahuarhuan justificashcacunami canchij. Chashna cashpami, Dios p'iñarishpa llaquichinamantaca quishpichishca cashun.

Romanos 6:23

Juchaca huañuitami cun. Ashtahuanpish Taita Dios c'uyashpalla cushcaca, ñucanchij Mandaj Cristo Jesuspi huiñai causaimi.

Romanos 8:1

Cunanca Cristo Jesushuan shujlla cajcunapajca jatun llaquiman cachanaca manataj tiyanchu. Paicunaca aicha munaita mana rurashpa, Espiritupaj munaita rurashpa causajcunami.

Romanos 8:29

Diosca pai agllasha nishcacunataca, paipaj Churiman rijchajta rurangapajmi ñaupaman ch'icanchirca. Achca huauquicunapurapi Cristoca, punta Churi cachunmi chashnaca rurarca.

DEUTERONOMIO 33:3

Paipajlla cajcunataca c'uyanmi. Paipajlla cachun tucui ch'icanyachishcacunaca paipaj maquipimi. Chaimi paicunaca can purishcata catircacuna. Quiquin yachachishcata catishpami chashna purircacuna.

Filipenses 1:6

Alli ruranata cancunapi callarichij Diosca, Jesucristo shamuna punllacamami ashtahuan alli rurachicungalla. Chaitaca allitajmi yachani.

2 Tesalonicenses 2:13

Mandaj Jesús c'uyashca huauquicuna, ñucanchijca cancunamantaca Taita Diostaca pagui nicunallamari canchij. Taita Diospaj Espíritu jucha illajta rurajpi mana llullashpa huillashcata crijpi quishpichingapajmi Taita Diosca manaraj cai pachata rurashpa cancunataca agllarca.

1 Timoteo 1:16

Chashna cajpipish Diosmari ñucataca llaquishpa chasquirca. Dios llaquij cashcatami, Jesucristoca ñucapi ricuchirca. Ñuca ima shina cajta ricushpa, q'uipata crina cajcuna huiñai causaita charichunmi chashna rurarca.

2 Timoteo 1:12

Chaimantami llaquita apacuni. Chashna cashpapish, pita crishcataca yachanimi. Chaimanta ñucaca mana pingarinichu. Paica huaquichingapaj poderyuj cashcamantaca ñuca mingashcataca shamuj punllacama huaquichinataj cashcatami yachani.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.

1 Juan 1:2

(Chai causaiyujta ricuchijpimi, ñucanchijca ricurcanchij. Chaitami huillacunchij. Paica Yayahuanmi carca. Paita ñucanchijman ricuchijpimi, chai huiñai causaiyujmanta cancunamanca huillacunchij).

1 Juan 2:19

Paicunaca ñucanchijpuramantami llujshircacuna, ashtahuanpish mana ñucanchijpurachu carca. Ñucanchijpura cashca cashpaca, ñucanchijhuanmi caticunman carca. Ñucanchijpurapi cajcunaca mana tucuicuna ñucanchijpura cashcata ricuchunmi chashna tucurca.

1 Juan 2:25

Ñucanchijman pai cusha nishcaca huiñai causaimi.

1 Juan 5:11

Chai huillashcacunaca caimi: Diosca ñucanchijmanca, huiñai causaitami cushca. Chai causaica, paipaj Churipimi.

Judas 1:1

Jesucristopajta ruraj Judas, Jacobopaj huauquimi cani. Dios Yaya cayashpa, jucha illajta rurashpa agllashcacunamanmi quillcani: Cancunataca Jesucristomi huaquichicun.

Judas 1:21

Ñucanchijta Mandaj Jesucristo c'uyashpa cushca huiñai causaita shuyacushcataca pai cungacama Taita Diospaj c'uyaipi catiraichij.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.

1 SAMUEL 2:9

Jucha illaj paipaj cajcunataca maita purinapipish paimi huaquichin. Ashtahuanpish Diosta mana manchajcunaca, amsapimari chingarin. Maijanpish quiquin fuerzallamantaca, mana imata rurai tucunchu.