Juan 10:2 - Dios Rimashca Shimicunami

² Ashtahuanpish ovejacunata michijca pungutami yaicun.

Mushuj Testamento Diospaj Shimi

² Ashtahuanpish ovejacunata michijtajca, pungutami yaicun.

Juan 10:2 Iomraidhean Croise

SALMOS 23:1

Mandaj Diosca ñucata michijmi, ñucapajca ima mana illangachu.

SALMOS 80:1

Israelcunata michij uyahuayari. Quiquinca Josepaj huahua huahuacunataca ovejacunata shina michijmi cangui. Querubincunapaj chaupipi cajlla achijyachihuayari.

ECLESIASTÉS 12:11

Jatun yachajcuna allichishca shimicunaca, yuyaita cungapajca puntajlla fierrohuan tujsishca shinami. Yuyaicunata tandachishpa quillcashca shimicunaca alli churashca clavocuna shinami. Paicunamanca chai shimicunataca, shujlla jatun Michijmi curca.

ISAÍAS 40:11

Paica ovejacunata michij shinami paipaj ovejacunataca michinga. Malta c'ari ovejacunataca paipaj rigrapimi apanga. Marcashpami apanga. Cunanlla huacharishca llullu bachujcunatapish sumajta cuidashpami michinga.

ISAÍAS 63:11

Paicunaca ñaupa punllacuna israelcunata Dios Moiseshuan llujshichishcata yuyarishpami cashna ningacuna: “¿Diosca paipaj ovejacunataca, pai churashca michijhuan mama cuchata huichiyachimujca maitagari? ¿Paicunapaj chaupipi paipaj jucha illaj Espirituta churajca maipitagari?

EZEQUIEL 34:23

Shinallataj chai ovejacunata michichunca, ñucami shuj michijta agllasha. Ñucata servij Davidtami churasha, paimi chai ovejacunataca michinga.

MIQUEAS 5:5

Paimi ñucanchijmanca sumaj causaita cunga. Asiria llajta runacuna ñucanchij llajtata quichushpa, mandana huasicunatapish urmachijpica canchis michijcunata, pusaj mandajcunatami paicunata llaquichinamanca cachashun.

ZACARÍAS 11:3

Michijcunapish q'uihuacuna tucui rupashcamantamari, caparirishpa huacacuncuna. Shinallataj leoncunapish Jordán sumaj jatun yacu chaquirishcamantami, caparirishpa huacacuncuna.

ZACARÍAS 11:5

Randijcuna chai ovejacunata huañuchishpaca, mana allita ruracushcataca mana yuyancunachu. Chai ovejata c'atuj runapish: Mandaj Diosca alli nishca cachun. Ñami achca cullquiyuj cani ninmi. Chai ovejamantaca michijcunallapish manamari llaquincunachu.

ZACARÍAS 11:8

Chaimantaca quillallapimi quimsa michijcunata chingachircani. Paicunallatajmi ñucataca p'iñachircacuna. Chaimantami paicunahuanpish yallitaj p'iñarircani.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 15:11

Shimita yaicujca, runataca mana juchayujta ruranchu. Ashtahuanpish shimiman llujshijmi, runataca juchayujta ruran– nircami.

Juan 10:14

Ñucaca alli michijmi cani. Ñuca ovejacunataca rijsinimi, paicunapish ñucataca rijsinmi.

Juan 10:7

Jesusca entendichingapajmi cutin cashna parlarca: –Ñucaca ovejacunapaj pungumi cani. Chaica chashnatajmi.

Juan 10:9

Ñucaca pungumi cani: Maijanpish ñucamanta yaicujca quishpichishcami canga. Paica yaicui tucunmi, llujshi tucunmi, micunatapish charingami.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

1 Timoteo 4:14

Cunaj yuyajcuna cambaj jahuapi maquicunata churajpi, Taita Dios huillachijpi rurai tucunata cushcataca rurashpa catirangui.

Tito 1:5

Ñuca mandashca shinallataj yachana illashcacunata yachachishpa, tucui pueblocunapi ancianocunata churachunmi Cretapi saquimurcani.

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.

1 Pedro 2:25

Cancunaca chingarishca ovejacuna shinami carcanguichij. Ashtahuanpish cunanca cancunapaj almacunata Michijpajman Obispopajmanmi tigrashcanguichij.

1 Pedro 5:4

Chashna ruracujpi michijcunata Jatun Michij shamujpica, cancunaca mana ismuj, achij nicuj sumaj coronatami chasquinguichij.

Apocalipsis 1:20

Ñuca alli lado maquipi canchis lucerocunata charicujta, canchis curi candelerocunata can ricushpa mana entendi tucushcapish cashnami: Canchis luzerocunaca, canchis llajtacunapi caj tandanacushca crijcunapaj angelcunami. Canchis candelerocunata ricushcaca, canchis pueblocunapi tandanacushca crijcunami.