Juan 10:18 - Dios Rimashca Shimicunami

¹⁸ Pi mana ñucataca huañuchi tucunchu, ashtahuanpish ñuca huañusha nijpimi huañuchingacuna. Ñucallataj huañui tucunimi, ñucallataj causari tucunimi. Chashna tucuchunmi ñucataca ñuca Yayaca mandarca nircami.

Mushuj Testamento Diospaj Shimi

¹⁸ Pi mana Ñuca causaitaca quichui tucunchu, Ñucallataj huañusha nijpimi huañuchingacuna. Ñucallataj huañui tucunimi, Ñucallataj causari tucunimi. Ñuca Yayallatajmi chashna rurachun mandarca» nircami.

Juan 10:18 Iomraidhean Croise

Juan 10:11

Ñucaca alli michijmi cani. Alli michij cashcamanta ñuca ovejacunamantaca huañushami.

Juan 10:15

Ima shinami ñuca Yaya ñucata rijsin, shinallatajmi ñucapish ñuca Yayataca rijsini. Ñuca ovejacunamantaca ñuca causaitami cuni.

Juan 10:17

Ñucallataj huañuchijcunaman entregarishpa huañushpa cutin causarina cajpimi, ñuca Yayaca ñucataca c'uyan.

Juan 14:31

Chashna cajpipish cai pachapi cajcunaca ñuca Yayata ñuca c'uyashcatapish, pai mandashca shina ruracushcatapish yachachunmi chashna tucugrini. ¡Jatarichij, caimanta jacuchij!

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Juan 19:11

Chaimi Jesusca: –Canca ñucata imata rurachun jahua pachamanta mana saquijpica, ñucataca imata mana rurai tucunguichu. Chaimanta ñucata canman cujca, canta yalli juchayujmari– nircami.

Juan 5:26

Yayaca paillapitajmi causaita charin. Shinallatajmi Churimanpish, paillapitaj causaita charichun curca.

Juan 5:30

Ñucaca ñuca yuyaillamantaca imata mana rurai tucunichu. Alli cashcata, mana alli cashcata ima shina ricuchinataca ñuca Yaya ricuchichun mandashca shinami ricuchini. Chaimanta alli cashcata mana alli cashcata ñuca ricuchishcaca mana pandachu. Ñuca munaita ruranataca mana mashcanichu. Ashtahuanpish ñucata cachaj Yayapaj munaitami rurani.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Hechos 2:24

Chashna rurajpipish, Taita Diosmi paitaca llaqui nanai huañuimanta cacharichishpa causachirca. Chaimanta paitaca, huañuica mana imata ashtahuan rurai tucunchu.

Hechos 2:32

Chai Jesustami Taita Diosca causachirca. Chaitami ñucanchijca tucui ricushcata huillajcuna canchij.

Hechos 3:15

Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 2:9

Ashtahuanpish Jesustaca ashacamallami angelcunata yalli yangallata rurashcata ricunchij. Diosca mana c'uyaipajta c'uyaj cashpami, tucuicunamanta huañuita rijsichun nirca. Llaquita apashpa huañushcamantaca, tucuicunata yalli sumaj alli nishcatami rurashcangui.