Juan 10:16 - Dios Rimashca Shimicunami

¹⁶ Mana cai corralpi caj shujtaj ovejacunatapish charinimi. Paicunatapish pushamunami cani. Paicunapish ñuca rimaitami uyangacuna. Shuj canllallami tucunga, shuj michijllami tiyanga.

Mushuj Testamento Diospaj Shimi

¹⁶ Mana cai corralpi caj shujtaj ovejacunatapish charinimi. Paicunatapish pushamunatajmi cani. Paicunapish Ñuca rimashcataca uyangacunami. Shuj canllallami tucunga, shuj Michijllami tiyanga.

Juan 10:16 Iomraidhean Croise

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

SALMOS 86:9

Jatun Dios, quiquin rurashca tucui llajtacunami quiquinpaj ñaupajman shamushpa adorangacuna. Quiquinpaj shutitami sumajyachingacuna.

ECLESIASTÉS 12:11

Jatun yachajcuna allichishca shimicunaca, yuyaita cungapajca puntajlla fierrohuan tujsishca shinami. Yuyaicunata tandachishpa quillcashca shimicunaca alli churashca clavocuna shinami. Paicunamanca chai shimicunataca, shujlla jatun Michijmi curca.

ISAÍAS 11:10

Chai punllapica, yaya Isaipaj sapipi retoñashcaca tucui llajtacunapaj bandera cachun churashcami canga. Paitaca tucui gentecunami mashcangacuna. Pai causacunca sumaj achij nicujmi canga.

ISAÍAS 43:6

Janaj ladotaca: “Ñuca huahuacunata cachai” nishami. Ura ladotaca: “Ñuca huahuacunataca ama charicuillachu” nishami. Caru llajtacuna ñuca churicunata pushamuichij. Tucui cai pachapi tiyaj llajtacuna ñuca ushushicunata apamuichij.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 52:10

Mandaj Diosca tucui llajtacunapaj ñaupajpimi paipaj jucha illaj rigra camizata huichiman pillushca. Ñucanchij Taita Dios quishpichishcataca tucui cai pachapi tiyaj llajtacunapi causajcunami ricungacuna.

ISAÍAS 56:8

Caita, chaita rishca israelcunata tandachij Mandaj Jatun Diosca: “Shujtajcunatapishmi tandachisha. Ña tandachishcacunahuan tandachingapaj” ninmi.

EZEQUIEL 34:12

Ima shinami michijca chingarishca ovejacunapurapi caj paipaj ovejata rijsin, chashnallatajmi ñucapish ñuca ovejacunataca rijsisha. Shinallataj p'uyulla amsa punllapi caita chaita cachashca llajtacunamantaca llujshichishpa tandachishami.

EZEQUIEL 34:23

Shinallataj chai ovejacunata michichunca, ñucami shuj michijta agllasha. Ñucata servij Davidtami churasha, paimi chai ovejacunataca michinga.

EZEQUIEL 34:6

Ñuca ovejacunaca chingarishpami, tucui urcucunata, tucui lomacunata purircacuna. Ñuca ovejacunaca cai pachapica, caita chaitami rircacuna. Paicunataca pipish mana mashcarcacunachu, paicunamantaca pipish mana tapurcacunachu ninmi ningui.

EZEQUIEL 37:22

Paicunataca Israel llajta urcucunapi causachun churashpami, shujlla jatun llajtata rurasha. Chaipimi paicunataca shujlla jatun mandaj mandanga. Ña mana ashtahuan ch'icanyashca ishqui llajta cangachu, ña mana ashtahuan ishqui mandajcuna tiyangachu.

EZEQUIEL 37:24

Ñucata servij Davidmi paicunata jatun mandaj canga, tucuicunami shujlla michijta charingacuna. Paicunaca ñuca imallata rurachun nishca shinami causangacuna, ñuca quillcachishcatapish huaquichingacunami. Chaicunataca tucuitami pajtachingacuna.

OSEAS 1:10

Shina cashpapish, israelcunaca mama cuchapi tiyaj t'iyu allpa shinami canga. Pi mana medi tucuipaj, pi mana yupai tucuipajmi canga. Maipimi: “Cancunaca ña mana ñuca agllashcacunachu canguichij” nirca, chaillapitajmi: “Causaj Taita Diospaj huahuacunami canguichij” ninga.

ZACARÍAS 2:11

Chai punllapica, Mandaj Dios ñucapajmanca, achca llajtacunamantami tandanacumungacuna. Chaimantaca ñucapajllami tucungacuna, ñucapish paicunahuanmi causasha” ninmi. Chashna rurashcata ricushpami, tucuita Mandaj Diosllataj ñucata cancunapajman cachashcataca yachanguichij.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Lucas 15:8

Maijan huarmitaj chunga dracma cullquita charicushpa, shuj chingarijpica lamparata japichishpa huasi ucuta p'ichashpa, ¿japingacama mana mashcanmanri?

Juan 10:11

Ñucaca alli michijmi cani. Alli michij cashcamanta ñuca ovejacunamantaca huañushami.

Juan 10:2

Ashtahuanpish ovejacunata michijca pungutami yaicun.

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Juan 10:3

Chai michijmanmi punguta cuidajca, punguta pascashpa ricuchin. Ovejacunaca michijpaj rimaitami uyan. Michijca paipaj ovejacunataca, shutipi cayashpami llujshichin.

Juan 10:4

Paipaj ovejacunata canllaman tucuicunata llujshichishpaca, paicunata ñaupashpami rin. Ovejacunaca michijpaj rimaita rijsishcamantami paita catinllacuna.

Juan 10:5

Mana rijsishcataca mana catincunachu. Mana rijsishcacunapaj rimaitaca mana rijsishcamanta manchashpa maitapish rinllacunami– nircami.

Juan 11:52

Mana chai llajtallamantachu huañuna carca. Ashtahuanpish tucui cai pachapi urapi janajpi caj Taita Diospaj huahua cajcunata tandachingapajmi chashnaca huañuna carca.

Juan 17:20

Paicunallamanta mana mañanichu. Paicuna huillajpi, q'uipata ñucata crina cashcacunamantapishmi mañani.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Hechos 15:14

Simonllataj mana judiocunata Taita Dios ima shina agllai callarishcata, paicuna Taita Diospaj huahuacuna tucushcatapish ñami ñucanchijman parlan.

Hechos 18:10

Ñucaca canhuanmi cani. Chaimanta cantaca pi imata mana rurai tucungachu. Ñucaca cai pueblopica, ñucapaj canacunataca achcacunatami charini” nircami.

Hechos 22:14

Chaimi paica cashna nirca: “Ñucanchij ñaupa yayacunapaj Taita Diosmi pai munashcata rijsichun, pai cachashca Cashcata Ruraj rimashcatapish uyachun cantaca ñaupaman agllashca.

Romanos 11:25

Huauquicuna, pacalla cashcata yachachunmi munani. Cancunallataj ama yalli jatun tucuchunmi cashna nini: Crij tucuna caj mana israelcuna tucuicuna crij tucungacamami, maijan israelcunaca mana crishpa sinchi shungu cangacuna.

2 Tesalonicenses 2:13

Mandaj Jesús c'uyashca huauquicuna, ñucanchijca cancunamantaca Taita Diostaca pagui nicunallamari canchij. Taita Diospaj Espíritu jucha illajta rurajpi mana llullashpa huillashcata crijpi quishpichingapajmi Taita Diosca manaraj cai pachata rurashpa cancunataca agllarca.

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.

1 Pedro 2:10

Cancunaca ñaupaca mana Diospaj pueblochu carcanguichij. Cunanca Diospaj pueblomi canguichij. Ñaupaca Dios mana llaquishcacunami carcanguichij. Cunanca Dios llaquishcacunami tucushcanguichij.

1 Pedro 2:25

Cancunaca chingarishca ovejacuna shinami carcanguichij. Ashtahuanpish cunanca cancunapaj almacunata Michijpajman Obispopajmanmi tigrashcanguichij.

1 Pedro 5:4

Chashna ruracujpi michijcunata Jatun Michij shamujpica, cancunaca mana ismuj, achij nicuj sumaj coronatami chasquinguichij.

Apocalipsis 3:20

Riqui ñucaca pungupimi huasiyuj nishpa shayacuni. Maijanpish ñuca rimashcata uyashpa, punguta pascajpica, paipajman yaicushami, paihuan micushami, paipish ñucahuan micungami.