Juan 10:15 - Dios Rimashca Shimicunami

¹⁵ Ima shinami ñuca Yaya ñucata rijsin, shinallatajmi ñucapish ñuca Yayataca rijsini. Ñuca ovejacunamantaca ñuca causaitami cuni.

Mushuj Testamento Diospaj Shimi

¹⁵ Ima shinami Yayaca ñucata rijsin, chashnallatajmi Ñucapish Yayataca rijsini. Ñucaca ovejacunamanta causaita cunimi.

Juan 10:15 Iomraidhean Croise

ISAÍAS 53:10

Mandaj Diosmari ñucanchijmanta paillataj curishpa llaquita apachun munarca. Ñucanchij juchamanta paipaj causaita cushcamantaca paita catijcuna tiyajta ricungami, huiñai huiñaita causangapishmi. Mandaj Diosca pai imalla rurasha nishcataca paipaj maquipi churashpami ruranga.

ISAÍAS 53:8

Prezu apashpa yanga juchachishpami huañuchircacuna. Pai huiñaicunapish pi mana mitsarcachu. Cai pachapi causajcunapuramanta anchuchircami. Ñuca agllashcacuna mana cazushcamantami chugrichishpa huañuchirca.

DANIEL 9:26

Sujta chunga ishqui semanacuna q'uipaca, Mesiaspaj causaitami quichunga. Paicuna quiquinllamantatajca mana huañuchingacunachu. Shamunapaj caj mandajpaj gentecunami Jerusalentapish, Diospaj huasitapish tucui urmachinga. Chaipica ima mana saquiringachu. Yacu jundai shina cungaimanta shamushpami chai macanacuica tucuringacama catinga.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Lucas 10:21

Chai horasllatajmi Jesusca jucha illaj Espíritu cushichijpi achcata cushicushpa cashna nirca: –Jahua pachata, cai pachata Mandaj ñuca Yaya, ñucaca cantami alabani. Caicunataca alli yuyaiyuj, yachaisapacunamanca mana ricuchishcanguichu. Huahuacuna shina manaraj yachajcunamanmi ricuchishcangui. Ñuca Yayitu, canllatajmari chashna tucuchun munashcangui.

Lucas 10:22

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yaya pi cashcatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin– nircami.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 10:11

Ñucaca alli michijmi cani. Alli michij cashcamanta ñuca ovejacunamantaca huañushami.

Juan 15:13

Maijanpish paihuan alli apanacujcunamanta huañujca yallitaj c'uyajmi. Chashna c'uyajca pi mana tiyanchu.

Juan 17:25

Cashcata ruraj Yayitu, cai pachapaj cajcunaca cantaca mana rijsircacunachu, ashtahuanpish ñucaca rijsinimi. Ñucapaj cajcunapish can ñucata cachashcataca rijsincunami.

Juan 6:46

Taita Diostaca, pi mana ricushcachu. Pai cachajpi shamuj, ñucallami paitaca ricurcani.

Juan 8:55

Chashna nishpapish cancunaca paitaca mana rijsinguichijchu. Ñucaca paitaca rijsinimi. Rijsishca jahuallataj mana rijsinichu nishpaca, cancuna shinallataj llullami caiman. Ñucaca paita rijsishcamantami, paipaj Shimi nishcata pajtachini.

Gálatas 1:4

Ñucanchij Dios Yayapaj munaita rurashpami, cai millai pachamanta llujshichingapaj ñucanchij juchacunamanta paillataj curirca.

Gálatas 3:13

Mandashca llaquiman cachacujpimi, Cristoca randishpa cacharichirca. Ñucanchijmantami llaquichishca tucurca. Quillcachishcapipish cashnami: (“Caspipi tucui huarcushcacunaca, llaquichishcacunami” ninmi).

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

1 Pedro 2:24

Cristollatajmi ñucanchij juchacunataca paipaj aichapi apashpa caspipi chacatashca huañurca. Ñucanchijca juchata ama rurangapajca huañushca shina cashpa, Dios munashca shina causachunmi chashnaca huañurca. Paita chugrichishcamantami cancunaca jambishca canguichij.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.

1 Juan 2:2

Paica ñucanchij juchacunamanta huañushpa Dioshuan alli tucunacuchijmi. Mana ñucanchij juchacunallamantachu, ashtahuanpish tucui cai pachapi causajcunapaj juchacunamantapishmi huañurca.