Juan 10:11 - Dios Rimashca Shimicunami

¹¹ Ñucaca alli michijmi cani. Alli michij cashcamanta ñuca ovejacunamantaca huañushami.

Mushuj Testamento Diospaj Shimi

¹¹ Ñucaca, alli Michijmi cani. Alli Michijca, ovejacunamantaca quiquin causaitami cun.

Juan 10:11 Iomraidhean Croise

2 SAMUEL 24:17

Gentecunata chingachicuj angelta ricushpami, Davidca Mandaj Diostaca: –¡Ñucamari juchallircani. Ñucamari millaita rurarcani! Cai ovejacunaca ¿imatataj rurarcacunari? ¡Paicunata llaquichinapaj randica ñucata, ñuca yayapaj huasi ucupuracunata llaquichiyari!– nirca.

SALMOS 23:1

Mandaj Diosca ñucata michijmi, ñucapajca ima mana illangachu.

SALMOS 80:1

Israelcunata michij uyahuayari. Quiquinca Josepaj huahua huahuacunataca ovejacunata shina michijmi cangui. Querubincunapaj chaupipi cajlla achijyachihuayari.

ISAÍAS 40:11

Paica ovejacunata michij shinami paipaj ovejacunataca michinga. Malta c'ari ovejacunataca paipaj rigrapimi apanga. Marcashpami apanga. Cunanlla huacharishca llullu bachujcunatapish sumajta cuidashpami michinga.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

EZEQUIEL 34:2

“Huañujlla aichayuj runalla, israelcunata michijcunata llaquichina cashcata huillai. Paicunataca cashna ningui: Mandaj Jatun Diosca cashnami nin: Israelcunata michijcunalla, cancunaca quiquinllatamari michiringuichij ¡aij imachari tucunguichij! Michijcunaca ovejacunataca cuidancunami.

EZEQUIEL 34:23

Shinallataj chai ovejacunata michichunca, ñucami shuj michijta agllasha. Ñucata servij Davidtami churasha, paimi chai ovejacunataca michinga.

EZEQUIEL 37:24

Ñucata servij Davidmi paicunata jatun mandaj canga, tucuicunami shujlla michijta charingacuna. Paicunaca ñuca imallata rurachun nishca shinami causangacuna, ñuca quillcachishcatapish huaquichingacunami. Chaicunataca tucuitami pajtachingacuna.

MIQUEAS 5:4

Chai Mandajca, Mandaj Diospaj tucuita rurai tucuj sumaj cashcahuanmi, pai agllashcacunataca michinga. Chaipica paicunaca sumaj causaitami charingacuna. Mandaj Dios jatunyachishca cashpami, chai mandajca tucui cai pachata mandanga.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Juan 10:2

Ashtahuanpish ovejacunata michijca pungutami yaicun.

Juan 15:13

Maijanpish paihuan alli apanacujcunamanta huañujca yallitaj c'uyajmi. Chashna c'uyajca pi mana tiyanchu.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Hebreos 13:20

Sumaj causaita cuj Taita Diosmi, ñucanchijta Mandaj Jesucristotaca huañushcacunapaj chaupimanta causachirca. Ovejacunata jatun michijca, Dios cushami nishpa mushujta ari nishcatami paipaj yahuarta jichashpa huiñaipaj pajtachirca.

1 Pedro 5:4

Chashna ruracujpi michijcunata Jatun Michij shamujpica, cancunaca mana ismuj, achij nicuj sumaj coronatami chasquinguichij.

1 Juan 3:16

Ñucanchijmanta Cristo paipaj causaita cujpimi, c'uyai ima cashcataca rijsircanchij. Chai shinallatajmi huauquicunamantaca, ñucanchijpish causaita cuna canchij.

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.