Juan 10:10 - Dios Rimashca Shimicunami

¹⁰ Shuhuaca, shuhuangapaj, huañuchingapaj, tucuchingapajllami shamun. Ñucaca causaita charichun, yallitaj charichunmi shamurcani.

Mushuj Testamento Diospaj Shimi

¹⁰ Shuhuaca shuhuangapaj, huañuchingapaj, tucuchingapajllami shamun. Ñucaca causaita charichun, yallijta charichunmi shamurcani.

Juan 10:10 Iomraidhean Croise

ISAÍAS 56:11

Chai allcucunaca micunatatajca mashnata micushpapish, manataj sajsajcunami. Michijcunapish chai shinallatajmi alli cashcata mana alli cashcata agllanata mana yachancuna. Tucui paicunami paicunapaj quiquin ñanta catinllacuna. Tucuicunami paicunapaj alli canallata mashcancuna. Paicunapaj alli canapajllami imatapish rurancuna.

OSEAS 7:1

Israelta ñuca jambicujpica, ashtahuanpish Efrainpaj millaita rurashcami ricurirca. Samariapi causajcuna mana allita rurashcami ashtahuan ricurirca. Paicunaca umanatami alli yachancuna. Huasiman yaicushpa shuhuanatami yachancuna. Ñanta ricujcunata quichunatami yachancuna.

Mateo 18:10

Maijan cai uchillacuna shinataca ama yanganchinguichijchu. Chaimanta cashnami nini: Jahua pachapi caj ñuca Yayapaj ñaupajpi caj angelcunami paicunataca ricuracuncuna.

Mateo 18:11

Runa Aichayujca, chingarishcacunata quishpichingapajmi shamurca.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Mateo 21:13

Jesusca: “Dios Quillcachishcapica: “Ñuca huasica, ñucata mañana huasimi canga” ninmi. Ashtahuanpish cancunaca shuhuacunapaj jutcutamari rurashcanguichij” nircami.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Marcos 11:17

Chaipica cashna nishpami yachachirca: –Taita Dios Quillcachishcapica: “Ñuca huasica, tucui llajtapi causajcuna tandanacushpa ñucata mañana huasimi canga” ninmi. Ashtahuanpish cancunaca, shuhuacunapaj jutcutamari rurashcanguichij– nircami.

Lucas 19:10

Runa Aichayujca chingarishcacunata mashcangapaj, quishpichingapajmi shamurca– nircami.

Juan 10:1

Maijanpish ovejacunapaj corralman punguta mana yaicushpa, shujtajta yaicujca shuhuami, chapashpa huañuchijmi. Chaica chashnatajmi.

Juan 10:11

Ñucaca alli michijmi cani. Alli michij cashcamanta ñuca ovejacunamantaca huañushami.

Juan 12:47

Pipish ñuca shimicunata uyashpapish mana cazujtaca, pai ima shina cashcataca mana ñucachu ricuchisha. Ñucaca cai pachapi causajcunata llaquiman cachangapajca mana shamurcanichu, ashtahuanpish cai pachapi causajcunata quishpichingapajmi shamurcani.

Juan 12:6

Judasca huajchacunata llaquishcamantaca, mana chashna nircachu. Ashtahuanpish shuhua cashcamanta, pai apacun cullqui muchilapi caishujcuna churashcata shuhuaj cashcamantami chashnaca nirca.

Juan 3:17

Taita Diosca paipaj Churitaca, cai pachapi causajcunata jatun llaquiman cachachunca mana cacharcachu. Ashtahuanpish cai pachapi causajcunaca, paillamanta quishpirichunmi cacharca.

Juan 5:40

Chashna cajpipish huiñai causaita charingapajca, manamari ñucapajman shamushun ninguichijchu.

Juan 6:33

Taita Dios cushca tandatajca, jahua pachamantami shamun. Paimi cai pachapi causajcunamanca causaita cun– nijpimi,

Juan 6:51

Jahua pachamanta shamuj causaiyuj tandaca ñucami cani. Maijanpish cai tandata micujca huiñaitami causanga. Ñuca carana tandaca, ñuca aichami. Chaitaca cai pachapi causajcuna huiñai causaita charichunmi, ñucallataj curisha– nircami.

Romanos 2:21

Canca shujtajta yachachicushpaca ¿manachu canllataj yachachiricungui? Canca mana shuhuanachu nishpa yachachishca jahuachu ¿shuhuangui?

1 Timoteo 1:15

Tucuicuna alli nishpa, chasquinalla shimica caimi: Cristo Jesusca juchayujcunata quishpichingapajmi cai pachaman shamurca. Chaicunamanta yallica, ñucami yallitaj juchayuj cani.

Hebreos 6:17

Shinallatajmi Diospish pai cusha nishcata japijcunamanca yallitaj cuj cashcatapish, pai cusha nishcata mana shujtajyachina cashcatapish ricuchingapajca, paipaj quiquin shutillapitajmi cushatajmi nirca.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.

2 Pedro 1:11

Chashna cajpimi, cancunataca pi mana jarcaipaj cajpi, ñucanchijta Quishpichij Jesucristo huiñaita mandacunmanca yaicuchingalla.