Juan 10:1 - Dios Rimashca Shimicunami

¹ Maijanpish ovejacunapaj corralman punguta mana yaicushpa, shujtajta yaicujca shuhuami, chapashpa huañuchijmi. Chaica chashnatajmi.

Mushuj Testamento Diospaj Shimi

¹ Corral punguta mana yaicushpa, maitapish huichiyashpa Ovejacunapajman yaicujca shuhuami, chapashpa huañuchijmi, chaica chashnatajmari.

Juan 10:1 Iomraidhean Croise

JEREMÍAS 14:15

Manapish ñuca cachajpimari: Cai llajtamanca pi mana espadahuan huañuchingapaj shamungachu, yaricaipish mana tiyangachu nishpa llullashpalla ñuca shutipi huillancuna. Chaimanta Mandaj Diostajmi paicunataca cashna nini: Chai huillajcunaca espadahuan, yaricaihuanllatajmi huañushpa tucuringacuna.

JEREMÍAS 23:21

“Chai llulla huillajcunataca mana ñuca cachashcanichu, paicunamanca imata mana nishcanillapishchu. Llullashpallamari, ñuca shutipi huillanaman callpancuna.

JEREMÍAS 23:32

Mandaj Diosca cashnapish ninmi: “Llulla muscuicunallata huillashpa, parlashpa, ñuca agllashcacunata pandachij huillajcunataca ñucatajmi llaquichigrini. Llulla shimicunahuan inquitashpami pandachincuna. Paicuna huillachunca mana ñuca cachashcanichu. Paicunaca cai runacunataca, ima allipi mana churashcacunachu” ninmi Mandaj Diosca.

JOEL 2:9

Puebloman chayashpaca, pata jahuatami callpangacuna. Huasicunaman huichiyashpaca, shuhua shinami ventanacunata yaicungacuna.

Mateo 7:15

Llullashpa yachachijcunamanta huaquichirichij. Paicunaca oveja shina churarishcami cancunapajmanca shamuncuna. Ashtahuanpish paicunapaj shunguca millai atujcuna shinami.

Juan 10:7

Jesusca entendichingapajmi cutin cashna parlarca: –Ñucaca ovejacunapaj pungumi cani. Chaica chashnatajmi.

Juan 3:3

Chaimi Jesusca: –Pipish mana cutin huacharijca, Taita Dios mandacujpica mana ricungacunachu. Chashnatajmi canga– nircami.

Romanos 10:15

Cachajcuna mana tiyajpica ¿ima shinataj huillagringacunari? Cashnami quillcashca tiyacun: “¡Sumaj causaita huillajcunapaj, alli huillaita huillajcunapaj chaquicunaca sumajmari!” ninmi.

Romanos 16:18

Chashnacunaca, ñucanchijta Mandaj Jesucristopajtaca mana rurancunachu, ashtahuanpish quiquin huijsapajllami yuyarishpa causancuna. Paicunaca, sumaj uyanalla shimicunata rimaj tucushpami, manaraj alli yachajcunapaj shunguta umancuna.

Tito 1:11

Chaicunataca upallachinatajmi. Paicunaca cullquita japingaraicullami, tucui huasi familiata manapish yachachinacunahuan muspachincuna.

Hebreos 5:4

Maijanpish paipaj munaimantaca curacunata jatun pushaj curaca mana cai tucunchu. Ashtahuanpish Diosmari Aaronta shinallataj agllashpa churan.

1 Pedro 1:10

Mana c'uyaipajta c'uyashpalla cancunata quishpichina punlla shamunataca Profetacunami huillarcacuna. Chashna huillacushpapish Dios ima shina quishpichinata rurashcataca callarishpa tapushpami yachashun yuyacurcallacuna.

2 Pedro 2:1

Judiocunapurapica, llulla profetacunami ñaupapish tiyaj cashca. Cunanpish chashnallatajmi cancunapurapica llulla yachachijcuna tiyanga. Paicunaca tucuchij ch'icanyachij yachaicunatami pacalla yachachingacuna. Paicunata randishpa cacharichij Mandaj Jesustapish paica mana quishpichi tucunchu ningacunami. Chashna rurashpaca, paicunallatajmi jatun llaquipi utca chingaringacuna.

2 Pedro 2:3

Chaicunaca quiquinpajlla ashtahuan charij canata munashcamantami crinalla shimicunahuan cancunata umashpa yachachishcamanta charijyanata yuyangacuna. Chashnacunataca ñaupamanta llaquichisha nishca jatun llaquica ñami quimimugrin, paicuna chingarinapish chaparacunmi.

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.