Juan 1:7 - Dios Rimashca Shimicunami

⁷ Pai huillajpica tucuicuna crichunmi, chai luzmanta huillangapaj paica shamurca.

Mushuj Testamento Diospaj Shimi

⁷ Tucuicuna crichun nishpami, Luzta paiman ricuchishpa, chaita tucuicunaman huillachun cacharca.

Juan 1:7 Iomraidhean Croise

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

Juan 1:12

Maijanpish paita chasquishpa, paipaj Shutipi crijcunataca tucuicunatami Taita Diospaj huahuacunata rurarca.

Juan 1:15

Bautizaj Juan Jesusmanta huillashpaca: “Ñucapaj q'uipa shuj shamucunmi nishcaca paimari. Paica ñucapaj q'uipa shamushpapish ñucapaj ñaupa ña tiyashcamanta ñucata yalli jatunmari” nishpami caparirca.

Juan 1:19

Jerusalenpi causaj judiocunami curacunatapish, levitacunatapish: –¿Canca pitaj cangui?– nishpa Juanta tapuchun cachajpi, Juanca cashna nirca:

Juan 1:36

Chaipi cashpami Jesús chaita puricujta ricushpa Juanca: –¡Riquichij, chaimari Taita Diospaj malta Ovejaca!– nirca.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Hechos 19:4

Chaimi Pabloca: –Juanca Diosman cutirijpimi bautizarca. Chaipica paica, paipaj q'uipa shujtaj shamunata, paita crina cashcatami huillarca. Chashna nishpaca Quishpichij Cristo Jesusmantami chashnaca– nirca.

Gálatas 3:26

Cristo Jesuspi crishcamantaca, tucuicunami Diospaj huahuacuna canguichij.

Efesios 3:9

Imalla rurana cashcata ña allichishcataca, pi mana yachashcata allitaj tucuicunaman huillachunpishmi curca. Chaitaca tucui imatapish ruraj Diosmi, huiñaimanta pacha pacalla charicurca.

1 Timoteo 2:4

Diosca tucui runacuna quishpirichun, mana llullata yachaj chayachunpishmi munan.

Tito 2:11

Diosca tucui cai pachapi causajcunata quishpichingapajmi paipaj mana c'uyaipajta c'uyaitaca ricuchirca.

2 Pedro 3:9

Mandaj Jesusca ima nishpataj mana utca shamun nishpa maijancuna nicujpipish, mana paicuna yuyashca shinachu. Ashtahuanpish shujllapish ama chingarichun nishpa tucuicuna mana allita ruracushcata saquishpa cutirichun nishpa ñucanchijta llaquishcamantamari manaraj shamun.