Juan 1:6 - Dios Rimashca Shimicunami

⁶ Taita Dios cachashca shuj runami tiyarca. Paica Juan shutimi carca.

Mushuj Testamento Diospaj Shimi

⁶ Taita Dios cachajpimi, Juan shuti runa shamurca.

Juan 1:6 Iomraidhean Croise

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

Mateo 11:10

Juanmantaca, cashna quillcachishcami tiyacun: “Ñuca ima nishcata huillajtaca cambaj ñaupami cachani. Paimi cambaj ñaupa rishpa, can purina ñanta allichinga” nishcami.

Mateo 21:25

Bautizaj Juan bautizachunca ¿Dioschu, runacunachu pitaj cachashca canga?– nishpa tapujpimi paicunapura parlanacushpaca, cashna ninacurca: –Juantaca Dios cachashcami nijpica: “Shinashpaca ¿ima nishpataj pai huillashcataca mana crircanguichij?” ningami.

Lucas 1:13

Angelca cashnami nirca: –Zacarías, ama manchaichu. Can mañashcataca Diosca uyashcami. Cambaj huarmi Elisabetca, shuj c'ari huahuatami huachanga. Paitaca Juan shutita shutichingui.

Lucas 1:76

Shinallataj can huahuituca, jahua pachapi caj Diospaj profeta nishcami cangui. Canmari Quishpichij purina ñanta allichishpa ñaupashpa ringui.

Juan 1:33

Ñucapish paitaca pi cashcata manaraj rijsircanichu. Ashtahuanpish yacupi bautizachun ñucata cachaj Taita Diosmi: “Maijanpaj jahuamanmi Espíritu uriyamushpa paipaj jahuapi saquirin. Chaimi jucha illaj Espirituhuan bautizajca canga” nirca.

Juan 3:28

“Ñucaca mana Cristochu cani. Paita ñaupashpa richun cachashcallami cani” nishpa ñuca huillashcataca cancunallataj yachanguichijmi.

Hechos 13:24

Jesús manaraj shamujpimi, Taita Diosman cutirishpa bautizarichij nishpa, tucui israelcunaman Juanca huillarca.