Juan 1:51 - Dios Rimashca Shimicunami

⁵¹ Cashnapish nircami: –Cunanmanta pachami cancunaca jahua pacha pascarishcata, Runa Aichayujpajman Taita Diospaj angelcuna huichiyacujta, uriyacujtapish ricunguichij. Chashnatajmi canga– nircami.

Mushuj Testamento Diospaj Shimi

⁵¹ Cancunaca, cunanmantapachami jahua pacha pascarishcatapish, Runa Aichayujpajman Taita Diospaj angelcuna huichiyacujtapish, uriyacujtapish ricunguichij. Chaica chashnatajmari— nircami.

Juan 1:51 Iomraidhean Croise

GÉNESIS 28:12

Paica, pambamanta jahua pachacama shuj jatun escalera paipaj c'uchupi shayacujta, chai escalerapica Taita Diospaj angelcuna huichiyacujta uriyacujtami muscurca.

EZEQUIEL 1:1

Ñucaca, Quebar shuti jatun yacu c'uchupimi, prezu apashcacunapaj chaupipi carcani. Ñucaca, quimsa chunga huatayujmi carcani. Chai huatapaj chuscu quillapimi, jahua pacha pascarijpi, Taita Dios imallata ricuchishca muscuipi shina ricurcani.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

Mateo 26:24

Runa Aichayujca, Quillcachishcapi nishca shinallatajmi huañugrin. ¡Aij, Runa Aichayujta huañuchichun entregaj runalla! Chai runaca mana huacharishca cashpachari, alli canman carca– nircami.

Mateo 3:16

Jesusca ña paita bautizajpi yacumanta llujshishcahuanmi, jahua pacha pascarijpi Taita Diospaj Espirituca paloma shina shamushpa paipaj jahuapi tiyarijta ricurca.

Mateo 4:11

diabloca pandachisha ninataca saquirca. Angelcuna shamushpami Jesuspajtaca rurarcacuna.

Mateo 8:20

Jesusca: –Zorracunapish causanapaj jutcuta, pajarocunapish tazinta charincunami. Ashtahuanpish Runa Aichayujca, saunashpa dorminallatapish mana charinchu– nirca.

Mateo 9:6

Runa Aichayujca cai pachapi causajcunapaj juchacunata perdongapaj cashcataca cunanmi ricuchisha– nishpaca, mana cuyurij runataca: –¡Jatari, canta huandumushcata apashpa, cambaj huasiman ri!– nircami.

Marcos 1:10

Yacumanta Jesús llujshishpaca, jahua pacha pascarijpi, Taita Diospaj Espirituca paloma shina shamushpa paipaj jahuapi tiyarijtami ricurca.

Marcos 14:62

Jesusca: –Ari, ñucaca chaimi cani. Runa Aichayujtaca, tucuita rurai tucuj Taita Diospaj alli ladoman tiyacujtapish, jahua pachamanta p'uyupi shamucujtapishmi ricunguichij– nircami.

Lucas 2:13

Chaipica ñapish jahua pacha achca angelcuna, chai huillacuj angelhuan ricurishpami, Diosta alabashpa cashna nircacuna:

Lucas 2:9

Chaipica Jatun Diospaj shuj ángel ricurishpa, Jatun Diospaj achijnicujhuan muyunchijpimi paicunaca achcata mancharircacuna.

Lucas 22:43

Chaipimi jahua pachamanta shuj ángel, Jesusta sinchiyachingapaj ricurirca.

Lucas 22:69

Cunanmanta pachami Runa Aichayujca, tucuita rurai tucuj Taita Diospaj alli ladoman tiyarigrin– nircami.

Lucas 24:4

Chaipi paicuna mancharinacushpa shayacujpimi, lamyacuj churanata churarishca ishqui c'aricuna paicunapaj c'uchupi ñapish shayarircacuna.

Lucas 3:21

Juanca paipajman shamujcunataca tucuicunatami bautizarca. Jesustapish bautizajpi Diosta Jesús mañacujpica, jahua pachami pascarirca.

Juan 1:50

Jesusca: –“Higo yura ucupi cajpirajmi ricurcani” ¿nishcallamantachu ñucataca cringui? Caita yallicunatapishmi ricungui– nirca.

Juan 10:1

Maijanpish ovejacunapaj corralman punguta mana yaicushpa, shujtajta yaicujca shuhuami, chapashpa huañuchijmi. Chaica chashnatajmi.

Juan 10:7

Jesusca entendichingapajmi cutin cashna parlarca: –Ñucaca ovejacunapaj pungumi cani. Chaica chashnatajmi.

Juan 13:16

Amopajta rurajca mana paipaj amota yallichu. Mandashpa cachashcapish mana cachajta yallichu. Chaica chashnatajmi.

Juan 13:38

Jesusca: –¿Canca ñucamantaca huañui tucunguichari? Ashtahuanpish gallo manaraj cantajpimi quimsa cutin ñucataca mana rijsinichu ningui. Chaica chashnatajmi canga– nircami.

Juan 14:12

Maijanpish ñucata crijca, ñuca rurashca shinallatajmi paipish ruranga. Ñucaca ñuca Yayapajman rishcamanta chai ñuca rurashcacunata yallitapishmi ruranga. Chaica chashnatajmi canga.

Juan 16:20

Cashnatajmi tucunga: Cancunaca huacanguichijmi, achcatami llaquiringuichij. Ashtahuanpish cai pachapaj cajcunaca cushicungacunami. Chashna llaquilla cajpipish, cancunapaj llaquica cushicuimanmi tigranga.

Juan 16:23

Chai punllaca ñucataca imata mana tapunguichijchu. Chaipica ricungui cashnatajmi canga. Tucui imatapish ñucamanta Yayata mañajpica, paica cungallami.

Juan 21:18

Canca chairaj cashpaca, canllataj chumbillirishpami, can maiman risha nishcaman rij carcangui. Ashtahuanpish yuyajyashpa cambaj maquicunata chutajpica, shujtaj chumbillichishpami, can mana risha nishcamanpish pushanga. Chaica chashnatajmi canga– nircami.

Juan 3:3

Chaimi Jesusca: –Pipish mana cutin huacharijca, Taita Dios mandacujpica mana ricungacunachu. Chashnatajmi canga– nircami.

Juan 3:5

Chaimi Jesusca: –Pipish yacuhuan, Taita Diospaj Espirituhuan mana huacharijca, Taita Dios mandacujpica mana yaicui tucungachu. Chashnatajmi canga.

Juan 5:19

Shina nishcamanta cutichishpami Jesusca paicunataca: –Churi cashpapish pai quiquin yuyaillamantaca imata mana rurai tucunchu. Ashtahuanpish Yaya imallata rurajta ricushpami, Yaya rurashca shinallataj Churipish ruran. Chaica chashnatajmi.

Juan 5:27

Runa Aichayuj cajpimi, tucuicuna imalla rurashcata ricuchinatapish paiman curca.

Juan 6:26

Jesusca: –Pi mana rurai tucuipajta ñuca rurajta ricushcamantaca, mana mashcanguichijchu. Ashtahuanpish tandata mana nijta micushcallamantami mashcacunguichij. Chaica chashnatajmi.

Juan 6:32

Chaimi Jesusca: –Moisesca mana jahua pachamanta tandatachu curca. Ashtahuanpish ñuca Yayamari cancunamanca jahua pachamantataj caj tandata cun. Chaica chashnatajmi.

Juan 6:47

Pipish ñucata crijca, huiñai causaita charintajmi. Chaica chashnatajmi.

Juan 6:53

Chaimi Jesusca: –Runa Aichayujpaj aichata mana micushpa, paipaj yahuarta mana ubyashpaca, cancunaca huiñai causaitaca mana charinguichijchu. Chaica chashnatajmi.

Juan 8:34

Chaimi Jesusca: –Pipish juchata rurana yuyailla rurashpa causajca, huatashca shinami juchapi causan. Chaica chashnatajmi.

Juan 8:51

Pipish ñuca yachachishcacunata cazujca, manataj huañungachu. Chaica chashnatajmi canga– nijpimi,

Juan 8:58

Shina nijpi Jesusca: –Abraham manaraj tiyajpimi, ñucaca ña tiyarcani. Chaica chashnatajmi– nirca.

Hechos 10:11

Chaipica jahua pacha pascarijpi shuj jatun linso shinata chuscu puntapi huatashca cai pachaman uriyamucujtami ricurca.

Hechos 7:56

cashna nirca: –¡Riquiyari! Jahua pacha pascarishcata, runa Aichayujpish Taita Diospaj alli ladopi cajtamari ricuni– nirca.

2 Tesalonicenses 1:7

Ashtahuanpish llaquita apacuj cancunataca, Mandaj Jesús jahua pachamanta paipaj poderta charij angelcunandij ricuri punllamantami ñucanchijhuan tandalla samachinga.

2 Tesalonicenses 1:9

Paicunaca huiñaipaj tucuchij llaquipimi llaquita apangacuna. Mandaj Jesuspaj ñaupajmanta paipaj sumaj podermantapish canllaman shitashcami cangacuna.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

Hebreos 1:14

¿Manachu tucui angelcuna Diospajta ruraj espiritucuna? ¿Manachu paicunaca quishpirinata japijcunapaj allita rurachun cachashcacuna?

Judas 1:14

Ñaupa yaya Adanmanta yaya Enoccamaca canchis yayacunami cashca. Enocmi Dios huillachijpi chai shina gentecunamantaca cashna nishca: “Jatun Diosca jucha illaj huaranga huaranga paipaj angelcunandij shamushpami,

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

Apocalipsis 4:1

Chai q'uipaca jahua pachapica shuj pungu pascashcatami ricurcani. Trompetapi tocashca shina uyarij rimaihuan ñaupaman rimajllatajmi ñucataca: “¡Caiman huichiyamui, cunan can ricushcacuna ña pajtashca q'uipaca, imalla tucuna cashcata canman ricuchisha!” nirca.