Juan 1:50 - Dios Rimashca Shimicunami

⁵⁰ Jesusca: –“Higo yura ucupi cajpirajmi ricurcani” ¿nishcallamantachu ñucataca cringui? Caita yallicunatapishmi ricungui– nirca.

Mushuj Testamento Diospaj Shimi

⁵⁰ Shina nijpi Jesusca, cashnami nirca: —¿“Cantaca higo yura ucupi cajpirajmi ricurcani” nijllapichu, ñucataca cringui? Caita yallicunatapishmari ricungui.

Juan 1:50 Iomraidhean Croise

Mateo 13:12

Pacalla cajta maijanpish yachajmanca ashtahuan cujpi ashtahuanmi yachanga. Ashtahuanpish mana yachajtaca, pai ashalla yachashcatapish quichungami.

Mateo 21:19

higo yura ñan c'uchullapi cajta ricushpa c'uchuyarca. Ashtahuanpish chai yuraca, imata mana p'ucushca p'angacunalla cajta ricushpami: –¡Cunanmantaca canpica amataj p'ucuchun!– nijpica higo yuraca chaquircallami.

Mateo 25:29

Charijmanca ashtahuan cujpi, ashtahuanmi charinga. Ashtahuanpish mana charijtaca, pai ashalla charishcatapish quichushcami canga.

Lucas 1:45

Jatun Dios ima nishca pajtana cashcata crishcamantaca canca cushichishcami cangui– nircami.

Lucas 7:9

Chaita Jesús uyashpaca, mancharishpami caticujcunapajman tigrarishpaca: –Cashnami nini: Cashna yallitaj crijtaca, Israelpipish manataj japishcanichu– nirca.

Juan 1:49

Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Juan 1:51

Cashnapish nircami: –Cunanmanta pachami cancunaca jahua pacha pascarishcata, Runa Aichayujpajman Taita Diospaj angelcuna huichiyacujta, uriyacujtapish ricunguichij. Chashnatajmi canga– nircami.

Juan 11:40

Jesusca: –Can crishpaca Taita Diosca tucuita rurai tucuj cashcata ricunguimi nishpa ¿manachu nircani?– nircami.

Juan 20:29

Chaimi Jesusca: –Tomás, ñucataca ricushcallamantami canca cringui. Ñucata mana ricushpapish crijcunaca, cushichishcacunami– nirca.