Juan 1:49 - Dios Rimashca Shimicunami

⁴⁹ Chaimi Natanaelca: –¡Rabí, canca Taita Diospaj Churimi cangui! ¡Canca, israelcunata jatun Mandajmi cangui!– nijpimi,

Mushuj Testamento Diospaj Shimi

⁴⁹ Chashna nijpimi, Natanaelca: —Rabí, Canca Diospaj Churimari cangui. Canca, israelcunata jatun Mandajmari cangui— nircami.

Juan 1:49 Iomraidhean Croise

SALMOS 110:1

Mandaj Diosca ñucata mandajtaca: “Quiquinta p'iñajcunata quiquinpaj chaqui sarunapi churangacama ñuca alli ladopi tiyarilla” nircami.

SALMOS 2:6

“Ñucapajlla caj Sión urcu jahuapi mandachunca ñuca churashca jatun mandajtami churarcani.”

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

DANIEL 9:25

Caitaca allimi entendina cangui: Jerusalenta cutin shayachichun nishpa mandashcamantapacha, Mesías nishca Mandaj shamungacamaca canchis semanacuna, sujta chunga ishqui semanacunami canga. Plaza pambatapish, pueblo muyundij pircatapish llaqui punllacunapimi allichingacuna.

OSEAS 3:5

Chai q'uipami israelcunaca Mandaj paicunapaj Taita Diosta, paicunata jatun mandaj Davidta mashcangacuna. Tucuri punllacunapica Mandaj Diostami manchangacuna. Pai cushcacunatami chasquingacuna.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

SOFONÍAS 3:15

Mandaj Diosca, cancunata llaquichinataca anchuchishcamari. Cancunata p'iñajcunatapish canllamanmari llujshichishca. Mandaj Diosca, israelcunapaj chaupipi Jatun Mandajmari. Chaimanta ima llaquitapish mana cutin ricunguichijchu.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Mateo 14:33

Chaimantami barcopi cajcuna Jesuspajman c'uchuyashpaca: –Diospaj Churitajmi cangui– nishpa adorarcacuna.

Mateo 2:2

–Judiocunata mandangapaj huacharishca huahuaca ¿maipitaj canga? Pai huacharishcata ricuchij lucerotami inti llujshin ladopi ricurcanchij. Chaimi paita adorangapaj shamurcanchij– nishpa tapurcacuna.

Mateo 21:5

“Sionpi causajcunamanca: Cancunapaj jatun Mandajca, manso shungumi. Burropi tiyarishcami cancunapajman shamucun. Aparij burropaj huahua burropi tiyarishcami shamucun nichij” nishcami carca.

Mateo 23:7

Plazacunapi tupajcunapish, allillachu cangui nishpa: “Yachachij, yachachij” nichunpishmi munancuna.

Mateo 23:8

Ashtahuanpish cancunaca: “Yachachij” nichunca, ama munanguichij. Cancunata Yachachijca shujllami tiyan, paica Cristomi. Cancunaca tucuicunami huauquindijcuna canguichij.

Mateo 27:11

Mandaj Pilatopaj ñaupajpi Jesús shayacujpimi, Pilatoca Jesustaca: –¿Canca, judiocunata jatun mandajchu cangui?– nijpi, Jesusca: –Ari, canllataj ña chashna ninguica– nirca.

Mateo 27:42

“Shujtajcunataca quishpichircami, ashtahuanpish paillatajca manamari quishpiri tucunchu. Israelcunapaj jatun Mandaj cashpaca, cruzmanta cunanllataj uriyachun. Chaipitajca paita crishunmi.

Mateo 4:3

Pandachij diablo paipajman c'uchuyashpaca: –Taita Diospaj Churitaj cashpaca, cai rumicunata tanda tucuchun niyari– nijpimi,

Marcos 15:32

¡Israelcunapaj jatun Mandaj Cristo cashpaca, ñucanchij ricushpa cringapaj, cruzmanta cunanllataj uriyachun!– nircacunami. Jesushuan chacatashcacunapish c'amircacunami.

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Lucas 19:38

–¡Jatun Diospaj shutipi shamucuj Jatun Mandajtami alli ninchij! ¡Jahua pachapipish sumaj cachun, jahua pacha Jatun Diostaca sumajmari cangui nishca cachun!– nishpami caparircacuna.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 1:34

Chashna tucujtaca ñucataj ricushca cashpami, caimari Taita Diospaj Churi nishpa huillacuni– nircami.

Juan 1:38

Paicuna caticujta Jesús tigrarishpa ricushpaca: –¿Imatataj mashcacunguichij?– nijpi, paicunaca: –Rabí, ¿maipitaj causangui?– nircacuna. (Rabí nishcaca: “Yachachij” nisha ninmi).

Juan 1:50

Jesusca: –“Higo yura ucupi cajpirajmi ricurcani” ¿nishcallamantachu ñucataca cringui? Caita yallicunatapishmi ricungui– nirca.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 4:31

Chaicamaca Jesuspaj yachacujcunaca: –Rabí, micupaiyari– nicurcacunami.