Juan 1:45 - Dios Rimashca Shimicunami

⁴⁵ Felipeca, Natanaelta mashcashpa paihuan tupashpaca: –Moisés quillcashpa mandashcapi, Profetacuna quillcashpa huillashcapi nishca runahuanmari tupashcanchij: Paica, Nazaret pueblomanta Josepaj churi Jesusmi cashca– nircami.

Mushuj Testamento Diospaj Shimi

⁴⁵ Felipeca, Natanaelhuan tupashpaca: —Moisés Quillcashca Mandashcapipish, Dios ima nishcata huillajcunapish huillashca runahuanmari tuparcanchij. Paica Nazaretmanta Josepaj churi Jesusmari— nircami.

Juan 1:45 Iomraidhean Croise

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

ISAÍAS 4:2

Chai punllacunapica Mandaj Dios retoñachishca yuraca alli nishca canapaj, jatun nishca canapajmi canga. Chai llajtapi p'ucushca granocunaca saquirij israelcunata jatun nishca alli nishca canapajmi canga.

ISAÍAS 53:2

Chaquishca allpapi yura sapimanta retoñaj shinami paipaj ñaupajpica huiñanga. Paica alli ñahui mana cangachu. Paica sumaj ricunanqui ñahuica mana canchu. Ñucanchij catingapaj munana ñahuillatapish mana charircachu.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

ZACARÍAS 6:12

Chai q'uipaca, cashna ningui: Tucuita Mandaj Diosca cashnami nin: Retoñacuj yura shuti runaca, ñallami shamunga. Paica, quiquin sapillamantatajmi huiñanga. Paimi Mandaj Diospaj huasitaca shayachinga.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Mateo 10:3

Felipe, Bartolomé, Tomás, impuestota japij Mateo, Alfeopaj churi Jacobo, Tadeo nishca Lebeo,

Mateo 13:55

¿Manachu caica carpinteropaj churilla? ¿Manachu paipaj mamapish María? ¿Manachu huauquicunapish Jacobo, José, Simón, Judas?

Mateo 2:23

Nazaret pueblopi causarca. Quishpichijca Nazareno nishcami canga nishpa profetacuna huillashca pajtachunmi chashna pajtarca.

Mateo 21:11

tapunacucujpimi: –Caica, Galileapi caj Nazaretmanta profeta Jesusmi– nircacuna.

Marcos 14:67

Chai huarmica Pedro cunucujta ricushpami: –Canpish Nazaretmanta Jesushuanmi carcangui– nijpi,

Marcos 6:3

¿Manachu paica carpinterolla? ¿Manachu Mariapaj churilla? ¿Manachu paipaj huauquicunapish Jacobo, José, Judas, Simón? ¿Manachu paipaj panicunapish ñucanchij causan llajtallapitaj causancuna?– nishpami, Jesús yachachishcataca mana uyashun nishpa bullata rurarcacuna.

Lucas 18:37

–Nazaretmanta Jesusmari ricun– nircacuna.

Lucas 2:4

Josepish, Galileapi caj Nazaretmantaca, Judeapi caj Belenmanmi huichiyarca. Ñaupa yaya Davidca chaipi huacharishca cashcamantami, Joseca Davidpaj huahua huahua cashcamanta chaiman rirca.

Lucas 2:48

Chaipi cajta ricushpami yaya mamaca mancharircacuna. Chaimi paipaj mamaca: –Huahua ¿ima nishpataj cashnaca ruranguiyari? Yayapish, ñucapish achcata mancharishpamari mashcamunchij– nircami.

Lucas 24:27

Moisés quillcashcamanta callarishpa, tucui profetacuna quillcashcacamami, Quillcachishcacunapi pai imalla tucuna cashcata huillacushcata yuyachirca.

Lucas 24:44

Chai q'uipaca Jesusca paicunataca: –Moisés Mandashcapipish, Profetacuna quillcashcapipish, Salmocunapipish ñucamanta tucui imalla tucuna cashcata huillashcacuna pajtachunmi chashna tucurca. Tucui chaicuna chashna tucuna cashcataca cancunahuan cashparajmi huillarcani– nircami.

Lucas 3:23

Jesusca pai rurana cashcata rurai callarinapajca, quimsa chunga huata shinatami charirca. Paitaca, Josepaj churi cashcallatami yuyarcacuna. Joseca, Elipaj churimi.

Lucas 4:22

Sumaj shimicunallata Jesús rimajta uyashpaca, tucuicuna mancharinacushpami paica allitamari nin nircacuna. Ashtahuanpish: –¿Manachu caica Josepaj churilla? nishpami parlanacurcacuna.

Juan 1:44

Felipeca, Andrespish, Pedropish causan Betsaida pueblomantami carca.

Juan 12:21

Chai griegocunaca Felipepajman c'uchuyashpaca: –Amito, Jesusta ricushun ninchijca– nircacunami. Felipeca Galileapi caj Betsaida pueblomantami carca.

Juan 14:8

Chaimi Felipeca: –Mandaj Jesús, Yayata ñucanchijman ricuchi. Chaillamari ñucanchijpajca yalli alli canga– nirca.

Juan 18:5

paicunaca: –Nazaretmanta Jesustami mashcacunchij– nijpi, Jesusca: –Ñucami cani– nirca. Paita japichij Judaspish paicunahuanmi carca.

Juan 18:7

Jesusca cutinmi: –¿Pitataj mashcacunguichij?– nijpi paicunaca: –Nazaretmanta Jesustami mashcacunchij– nircacuna.

Juan 19:19

Pilatoca: “Caica Nazaretmanta Jesusmi, judiocunata jatun Mandajmi” nishpa quillcashcatami, cruz jahuapi churachirca.

Juan 21:2

Simón Pedrondij, ishqui huacharishca Tomasndij, Galileapi caj Canamanta caj Natanaelndij, Zebedeopaj churicunandij, shujtaj ishqui paipaj yachacujcunandijmi chaipica tandacushca carca.

Juan 6:42

cashna nircacuna: –Caica ¿manachu Josepaj churi Jesús? Paipaj yaya mamatapish ñucanchijca rijsinchijmi. ¿Ima nishpataj cunanca: “Jahua pachamantami shamurcani” ninchu imamí?– nircacuna.

Juan 6:5

Jesusca achcacuna paipajman shamucujta ricushpami, Felipetaca: –Cai tucuicunaman carangapajca ¿maipitaj tandataca randishun?– nirca.

Juan 6:7

Chaipimi Felipeca: –Ishqui patsaj denariocunahuan randishca tandapish, mirga mirgallapish mana pajtangachu– nirca.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 2:22

Tucui israelcuna, cai huillashcata uyaichij: Nazaretmanta Jesustami Taita Diosca pai cachashca cashcata ricuchingapaj, pi mana ricushcata rurachirca. Shinallataj pi mana ruraipajcunatapish, mancharinacunatapishmi rurachirca. Chaitaca tucui cancunallataj yachanguichijmi.

Hechos 22:8

Chaimi ñucaca: “Amito ¿pitaj cangui?” nijpi chai rimajca: “Ñucaca, can p'iñashpa llaquichina yuyailla llaquichicun Nazaretmanta Jesusmi cani” nirca.

Hechos 26:9

Nazaretmanta Jesusta caticujcunata llaquichinaca alli cashcatami ñaupaca ñucapish yuyarcani.

Hechos 3:6

Chaimi Pedroca: –Ñucaca cullquita curita mana charinichu. Chaipaj randica ñuca imata charishcatami cuni: Nazaretmanta Jesucristopaj shutipi jatarishpa, puri– nirca.