Juan 1:41 - Dios Rimashca Shimicunami

⁴¹ Andresca paipaj huauqui Simonhuanraj tupashpaca: –Mesiashuanmari tupashcanchij– nircami. (Mesías nishcaca: “Cristo” nisha ninmi).

Mushuj Testamento Diospaj Shimi

⁴¹ Paica, paipaj huauqui Simonhuanraj tupashpaca: —Mesias-huanmari tupanchij— nircami. (Mesías nishcapish, Cristo nishcapish “aceitehuan llihuishca” nisha ninmi).

Juan 1:41 Iomraidhean Croise

2 REYES 7:9

Chai q'uipaca caishuj chaishujmi cashna ninacurcacuna: –Mana allitamari ruracunchij. Cunanca alli huillaita huillana punllapimari ñucanchijca upalla saquiricunchij. Pacaringacama mana huillagrishpaca, ñucanchijllatajmari llaqui tucushun. Chaipaj randica, cunantaj puebloman yaicushpa cai alli huillaitaca jatun mandajpaj huasipi huillashunchij– ninacurcacunami.

SALMOS 2:2

Cai allpapi caj jatun mandajcunapish jataringami. Mandajcunapish tandanacushpa jatarishpami, Mandaj Diostapish, pai churashca mandajtapish:

SALMOS 45:7

Quiquinca cashcata ruranatami c'uyangui. Millaita ruranataca p'iñanguimi. Chaimi Taita Diosca quiquintaca agllarca. Quiquinpaj Taita Diosca cushichina aceitehuan churashpami agllarca. Quiquinhuan alli apanacujcunamanta yallipimi churarca.

SALMOS 89:20

Ñucapajta ruraj Davidtamari japircani. Ñucapajlla cachun ch'icanchina aceitehuanmi paipaj umapi tallircani.

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

Mateo 1:23

“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

Lucas 2:17

Chai huahuata paicuna ricushpaca, ángel chai huahuamanta imallata paicunaman nishcatami huillarcacuna.

Lucas 2:38

Chai yallitaj yuyaj huarmica Simeón rimacujpiraj chayashpami chai huahuata ricushpa Diosta pagui nirca. Jerusalenpi causajcuna Quishpichijta shuyacujcunamanpish tucuicunamanmi huillarca.

Juan 1:45

Felipeca, Natanaelta mashcashpa paihuan tupashpaca: –Moisés quillcashpa mandashcapi, Profetacuna quillcashpa huillashcapi nishca runahuanmari tupashcanchij: Paica, Nazaret pueblomanta Josepaj churi Jesusmi cashca– nircami.

Juan 4:25

Chaimi chai huarmica: –Cristo nishca Mesías shamuna cashcataca yachanimi. Pai shamushpami ima shina cashcata tucuita alli huillanga– nirca.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 4:27

Chashna nishca shinallatajmi cai pueblopica, Herodesca, Poncio Pilatohuan, israelcunaca mana israelcunahuan tandanacurcacuna. Paicunaca Quishpichij cachun churashca cambaj jucha illaj Churi Jesusta p'iñashpami, shuj yuyailla tucurcacuna.

1 Juan 1:3

Cancunapish ñucanchijhuan shujlla cachunmi, imata ricushcata, uyashcataca chaitataj huillacunchij. Ñucanchijca Yayahuan, paipaj Churi Jesucristohuanmi shujlla canchij.