Juan 1:30 - Dios Rimashca Shimicunami

³⁰ Paitamari ñucaca: “Ñucapaj q'uipa shamujca, ñucapaj ñaupa ña tiyashcamanta ñucata yalli jatunmari” nicurcani.

Mushuj Testamento Diospaj Shimi

³⁰ Paitamari ñucaca: “Ñucapaj qʼuipa shamucuj runaca, ñucapaj ñaupa ña tiyashcamanta, ñucata yalli jatunmari” nicurcani.

Juan 1:30 Iomraidhean Croise

Mateo 3:11

Mana allita ruracushcata saquishpa cutirijpi, yacupi bautizajllami ñucaca cani. Chaica chashnatajmi. Ashtahuanpish ñucapaj q'uipa shamujmi Espiritupi, ninapi bautizanga. Paica ñucata yalli tucuita rurai tucujmi. Chaimantami paipaj pargatellatapish mana pascaipaj cani.

Lucas 3:16

Chaipimi Juanca, tucuicunaman cashna nishpa cutichirca: –Cancunataca ñucaca yacullapimi bautizani. Ashtahuanpish ñucapaj q'uipa shamujmi Espirituhuan ninahuanpish bautizanga. Paica ñucata yalli poderyujmi. Ñucaca paipaj pargatellatapish mana pascaipajmi cani.

Juan 1:15

Bautizaj Juan Jesusmanta huillashpaca: “Ñucapaj q'uipa shuj shamucunmi nishcaca paimari. Paica ñucapaj q'uipa shamushpapish ñucapaj ñaupa ña tiyashcamanta ñucata yalli jatunmari” nishpami caparirca.

Juan 1:27

Paica ñucapaj q'uipa shamushpapish ñucata yalli jatunmari. Chaimanta paipaj pargate huatashcallatapish mana pascaipajmi cani– nircami.

Juan 1:31

Ñucapish paitaca pi cashcata mana rijsishpapish israelcunaman paita rijsichingapajmi yacupi bautizaj shamurcani– nircami.

Juan 10:41

Chaipi cajpi achcacuna paipajman rishpaca: –Juanca ima milagrota mana rurashca cashpapish cai runamanta tucui pai huillashcaca, mana llullachu cashca– nircacunami.