Juan 1:19 - Dios Rimashca Shimicunami

¹⁹ Jerusalenpi causaj judiocunami curacunatapish, levitacunatapish: –¿Canca pitaj cangui?– nishpa Juanta tapuchun cachajpi, Juanca cashna nirca:

Mushuj Testamento Diospaj Shimi

¹⁹ Jerusalenpi causaj judiocunami: —Canca, ¿pitaj cangui?— nishpa, Juanta tapuchun curacunata, levitacunata cacharcacuna. Paicuna tapujpimi, Juanca pi cashcata huillarca.

Juan 1:19 Iomraidhean Croise

Juan 1:7

Pai huillajpica tucuicuna crichunmi, chai luzmanta huillangapaj paica shamurca.

Juan 10:24

Chaipimi judiocuna muyujta shayarishpa Jesustaca: –¿Maicamataj ñucanchijtaca muspachicunguilla? Canllataj Cristo cashpaca, alli huillaiyari– nircacuna.

Juan 10:31

judiocunaca Jesusta huañuchishun nishpa cutin rumicunata japircacuna.

Juan 11:19

Chaimantami Martata, Mariatapish paicunapaj turi huañushcamanta llaquilla cajpi cushichingapaj achca judiocuna shamushca carca.

Juan 2:18

Jesús chashna rurajpimi judiocunaca: –Canca ¿ima cani nishpataj chashnaca rurangui? Shinashpaca ima milagrota rurashpa ricuchiyari– nijpi,

Juan 2:20

Chaimi judiocunaca: –Cai Taita Diospaj huasica, chuscu chunga sujta huatapi shayachishcami carca. ¿Canca quimsa punllallapichu shayachisha ningui?– nircacuna.

Juan 5:10

Aparishpa ricujpimi judiocunaca chai alliyashca runataca: –Samana punllamari, mandashcapi nishca shinaca can siricushcataca mana aparishpa rina punllachu– nircacuna.

Juan 5:15

Chaimi chai runaca, ñucata alliyachijca Jesusmari cashca nishpa judiocunaman huillagrirca.

Juan 5:16

Samana punllapi alliyachishca cashcamantami judiocunaca, p'iñarishpa Jesustaca ima shinapish huañuchinata yuyacurcacuna.

Juan 5:18

Samana punllapi ungushcata alliyachishpa mana cazushcallamantaca mana carcachu. Taita Dios shina tucushpa Taita Diostapish ñuca quiquin Yayami nishcamantami judiocunaca ima shinapish huañuchinata yuyarcacuna.

Juan 6:41

Jesustaca: “Jahua pachamanta shamushca tandami cani” nishcamantami judiocunaca huashalla rimashpa,

Juan 6:52

Chaimi judiocunaca: –Caica, ¿Ima shinataj paipaj quiquin aichataca ñucanchij micuchunca carangari?– nishpami, paicunapura rimanacurcacuna.

Juan 7:1

Chai q'uipaca Galileapimi Jesusca yachachishpa puricurca. Judiocuna ima shinapish huañuchishun nicushcamantami Judeamanca mana rirca.

Juan 7:11

Judiocunaca chai fiestapi Jesusta mashcacushpaca: –¿Maipishi chai runaca?– ninacurcacunami.

Juan 7:15

judiocunaca: –¿Ima shinataj caica, jatun yachanacunapi mana yachagrishca cashpapish cai tucuitaca yacharcari?– nishpa mancharircacuna.

Juan 8:22

judiocunaca: –¿Paillataj huañuchirinata yuyashpachu: “Ñuca ricunmanca, cancunaca mana ri tucunguichijchu” nin imashi?– nircacuna.

Juan 8:48

Jesús chashna nijpimi judiocunaca: –Canca supaitamari charingui. Samariataj Samaria nishpaca, allitajmari nishcanchij– nircacunami.

Juan 8:52

judiocunaca: –Abrahampish, profetacunapish huañurcami. Canca: “Pipish ñuca yachachishcacunata cazujca mana huañungachu” ninguimi. Cunantajca cantaca supai japishca cashcatami yachanchij.

Juan 8:57

judiocunaca: –Manaraj pichca chunga huatayujllapish canguica. ¿“Abrahamta ricurcani” ninguichu imamí?– nircacuna.

Hechos 13:25

Juanca pai huillana cashcata tucuchigrishpami: “Ñucataca ¿pi cashcatataj yuyanguichij? Ñucaca mana cancuna shuyacushcachu cani. Shujmi ñucapaj q'uipa shamunga. Ñucaca paipaj pargate huatashcallatapish mana pascaipajmi cani” nirca.

Hechos 19:4

Chaimi Pabloca: –Juanca Diosman cutirijpimi bautizarca. Chaipica paica, paipaj q'uipa shujtaj shamunata, paita crina cashcatami huillarca. Chashna nishpaca Quishpichij Cristo Jesusmantami chashnaca– nirca.

DEUTERONOMIO 24:8

Millai lepra ungüitaca alli chaparashpa cuidaringui. Levita curacuna yachachijpica, paicuna yachachishca shina rurangui. Ñuca ima shina cuidarichun nishca shinataj cuidaringuichij.

1 Juan 1:5

Jesús huillajpi ñucanchij uyashcaca caimi: Diosca luzmi, paipica ima amsa mana tiyanchu. Chaitami cancunamanca huillacunchij.